عيد العشاق هدية غير شكل

متلك انا ما عاد فيي حب***والروح نار وشوق غلياني
والحب آخو فوق جرحي صب***تا ضاع فكري وشقلب كياني
وبلّشت أطلب عاطفي من الرب***بركي القلب بيبطّل يعاني
قلّي يا بو شربول عيد الحب***شو نسيت ..؟انو اليوم أربعتعش
ومرتك اكيدي كتير زعلاني

ههههه

بحر الزجل

محتار شو بجبلك انا محتار***وما يوم جبت هديّتي عادي
بأوّل شبابي كنت بالأزهار***خبّي الفشل ..!!طفران ببلادي
هههه
واليوم أزمة وفي غلا الدولار***خلّى الوضع تعبان بزيادي
ومع كل هيدا قررت اختار***هديّة جميلة...وبالشهر فادي

حطيّت عيني...؟وشفت...سلّولار***ولم جيت ادفع ...!!قلت..!! في ولادي
ابدا يا مرتي...!! عدلت....!عندي زغار***والبيت ناقص ...؟جبت سجّادي
ههههههههههههههههههه
وضليّت امشي السوق ليل نهار***بركي بلاقي...وبكسر عنادي
الأسعار كانوا جنون متل النار***ومنشان قلّك يا مرا بحبّك
جايب قصيدة وبيت قرّادة

بشرفكن في اجمل من ها الهدية

هههههههههههه
بحر الزجل

رب العليم بيعرف بحالي
دمعي حرقني منشف و منداق
حاسس عليّي داقت الحالي
ضوّي انطفى يمكن الك مشتاق
يا عيد مش عارف بأحوالي
...جربت لكن ما قدرت يا عيد
جيب لحبيبي وردة العشاق