شردات شاعر الحب

شجرة الدني, والعمر
عم ب فوت
ونحنا متل ورقات,
بالفكرة
غصون الدني بتكون
إلنا بيوت
نخاف الهوا ,لو فاق
من سَكرة
.......................

وكلما الربيع يتمتم
وبسكوت
تشهق إلو الوردات
من وِكرا
متل العريس الطل
بدّو يفوت!
وعجقة العرس مليان
بالعكرة
,,,,,,,,,,,,,,,,,,,,,

ويمكن ,بعد ما يفوت,
نحنا نموت
تبوّس خدودي,,
شفّة الذكرى
ويمكن,,بعد ما يفوت
نطلب قوت
وتعكّز الايام ,,
حدّي بصمت
وبكرا,,,ينام بصمت,
لولا نمت !
وسبحان مين اللّي إلو,,
بُكرا

حلووووووووو يا شاعر الحب

الله يحلّي ايامك يا بو شربل

[i]

حب الولف بالعمر,,
متل الغيم!
مرّة بكي ودموع
مرّة فراح
مرّة بيجي مبسوط
يمحي الضيم
مرّة بِ كِب هموم
فوق جراح
............
والله نإجا ونراح
ما بترتاح !

[i]

حب الولف بالعمر,,
متل الغيم!
مرّة بكي ودموع
مرّة فراح
مرّة بيجي مبسوط
يمحي الضيم
مرّة بِ كِب هموم
فوق جراح
............
والله نإجا ونراح
ما بترتاح

[i]

خصر الخمر لو هز,
مرّة وراح
ترَقْوَصْ ما بين الكاس
والشِفِّة
كفوف الفكر باللمس
ما بترتاح
خصر الخمر بتبوس
تا تقفّي
.....................
وبتقول يالله ,,
يا دني لفّي

[i]

يا ريت قلبِك
يشبهو ل أيلول
وأنطر متل لتراب
ترويني
وإلّا بكلام الحب
مش مبلول
يشتّي عليي حب
يسقيني
..............
حتّى بعد ما موت
يحييني

[i]

مشوار
.............
بتتذكّرِي لمشوار
لِمْ رحنا ؟
إيدِك ب إيدي,
ودربنا بعيدي!
من كتر ما هاليوم
فرّحنا!
قلّك تا نرجعْ ,
والخُطَى عيدي
تمنّيت نبقى دَهْرْ,
مطرحنا
ونسمع صدى الايام
تنهيدي
لكن يا حسرة الليل
جرّحنا
وفلّيت صوب البيت
عالسكيت
إيدك ب إيدي حاسس
وضلّيت
حتّى الصبح
عم بوّس بإيدي
___________________

[i]

مرّة مرق من هون
طيف الدهر
حامل ع كتفو ,
شنطة سنينو!
سْألتو اذا ب بيع
عمري شهر !
علّا ب راسو
وفرفك جبينو
........................
يمكن ما بدّو يبيع ,
تخمينو ؟؟
_________________
شاعر الحب

[i]

عرس الشتي
_____________
مرِّق ع جلد الغيم
كف الريح !
بتزكزكو ! ومن ضحكتو,
بيوعو
عيون الشتي ,وبيصيح ,
كلما يصيح !
دموعو متل نحلات,
ب فوعو !
....................
من الضحك يمكن
نزّل دموعو ؟
_____________
شاعر الحب

[i]

بسمة حزن
____________
بتغَبْري, أمرار
ع الصفحة !
بكتب فرح ,تا نفّض
كفوفي !
غبار الفرح, عم يلبس
اللفحة
ويشلح هوا مبسوط,
ع حروفي
بتبَوْرِد الصابيع
كلما تلوح
وبتفوح ,بسمة
والحزن ب فوح
عطور الوجع ,بالضحك
موصوفي
......................
وبسمة حزن ,
ما بتقدري تشوفي ؟؟
__________________
شاعر الحب

[i]

حرّية
___________
بتشوف حلوي راكضة
بتمّوز !
بتقول هيي
لأ, مش هيي !
بُعد المدى وجوانحو
بيجوز
يعمل إيدين الشمس
عِليّي !!!!
مدري الصدى ب سْبَاق
بدو يفوز
وفوقو كفوف الريح,
شمسية !!!
هيي؟,,,مبلا !,ولك شالها
مدروز
مبيّن عليي ,
متل كفّية !!
وعرقان صوتا مشوّب
ومكروز
متل الندي ع خدود
وردية !
بحّة صداها ,
بتشبه لفيروز !
ما أجملك يا صوت
حريّة
ولك إييييي عندِك صوت !
أجمل صوت
من بحتك ب كب كاسو
الموت
وبيطل وج الشمس
صبحية
..........................................
عرفتك يا حريّة ,
ركِضي ليّي !!!!
.......................................
شاعر الحب

[i]

أطرش
_________
عم تندهي؟؟
مش سامع العنّة
كف الصدا ,
ما نكز كتفي !!
قولك مرق عنّي ؟؟,
سأل عنّي؟؟؟
عودي بعتيلي
من الصدي ستفة !
..........................
بلكي عنينك,بسمعو
نتفي
__________________
شاعر الحب

[i]

" عم تندهي؟؟
مش سامع العنّة
كف الصدا ,
ما نكز كتفي !!"

صرلك زمن ناطر
يا خيّي ويس

ومش فارقه معها من الشرده

نازل بحلمك بالبنت تبويس

وفكرها مش فيك... بالجردي
ههههههه

وزن القصيده ضاربو التسويس
يمكن لأنـّو صحّر دماغـو
يا دلّ دلــّو تشّـتو البرده
ههههه

» شردات
» شردات
» شردات
» شردات
» غزليات او..بحر الزجل