شـردات جرديـّـة

بْهالعصر موسم ربّـنا ماحل __ الأثمار عا بعضا ما عم تلْـتَمّ
والفرق بين الجرد والسـّاحل __ لـمّا عا غفله تعـوز نقطة دَمّ
الساحل انِ جيتو بْتقشعو زاحل __ وْعم يـبتِسم تا تْفركِـرو مِهتَمّ
وهيداك لولا تخدش الكـاحل __ بيقول من كلْ عرق غطّ وشيل
_______ ما كـلّنا عا حْسـابكن يا عَمّ ______

لمـّا بـِهاك ال"جيبْ" شـفـّطتي . دمّي الغلي مْن العِرْق شـفـّطتي

دْروب الصبى الِـمزيـّنه بـِوْرود . خرّبـتِـيا والـورْد شــلطتي

لغمْتي مجاري القلـْب بالبارود . وْعدتي بْقَـلـَم شـحتـار بلـّطتي

وْ تا تْشيّكي الأشغال عا هال "رود" . مْرقـْتي بسـرعه "دوبل" الِمْعدّل

................. ومفرق يجي لْ هالمَيل قِـلـّطتي ................

حلوووووووووو

وحده من الأصحاب كتبتلي تسألني عن صاحبة الجيب، جاوبت: (إنت هودي بتحبّن يا سليمان ) هيهيهيهي

صاحِبْة ال"جيب" شو سـمره وْ طويله . طولا بْكعب، طولي عالقليله

ولِأنـّا سـتّ، ثوب الطهْر لـبسـِت . قليل نشـوف مِتلا بناس جيلي

*****

سـمايي غْيوم، دمْع القهْـر حَبسـِت . بـِكـفّي تقهقريني يا رذيـله

وْ أنا ناطـر إذا الأحوال كبسـِت . تا قـِش سْـدود عم توقف بدربي

*** وريـّح صدْر من عبقـَه تـقيـله ***

يا شعْر يا عتـّال أحـزاني ... يا رْفيق دربي بْكـلّ أحياني
شو حْملت منّي مسؤوليّه وْهِمّ ... واخْترْت حتـّى تْدوب منشاني
بْتغوص حقـْل الموهبه وْبتزِمّ ... وبْيفجرك حمـّام بركـاني
ومن كلّ كـدمه نـازفه بتلِمّ ... تا ينتـِلي قصدان جـزداني

*****

إنت لازم عطر زهره تْشِمّ ... وتركض ورا فْراشات هربانه
وتـْزور حلوه وْتنزلق بالكِمّ ... وتغـلّ بمْـسامات عرقـانه

*****

ولك شوف حظّك روح غيري خِمّّ ... ماعاد فيها الروح تلقـاني
في كتار شِعرُن نابع مْن التِمّ ... من كلّ قلبي بطلـُب وْ بدعي
*** يهديـك الله عا حـدا تاني ***

إلك يا سـتّ عمـْر تعـذّبيني . بـِكـفّي تقهـَريني صدّقـيني
إذا لْـغيرك كلام العـشق بحكي . الـْعنيني وبالشوارع شرشحيني
خدودك تلج عالتـلّات بـَركه . بـِدوب التـلج لمّن تقشـعيني
وبـِفور الورد أحمر جنْب ضحكه . وبـِرشّ السحْر كلْ ما تغمّزيني
وتا يبرد لهب هالأزرار فـِكـّي . ضروري شـمّمك عطْر البصدري
............... وْضروري العطر إنتي تشـمّميني ................