حياتي

موضوع: حياتي السبت يناير 12, 2013 11:29 pm

بضيعه ع كتف الجرد محفوره
بتغفى بحضن الثلج مطموره
وببيت سقفو من خشاب وطين
طليت عا هالكون كزدوره
بكانون ثاني وضحت الصوره
وربيت متلي متل اخواتي
أربع بنات واخوتي تلاتي
كنت الزغير وكان بيي يقول
اني كبيير بكبر عقلاتي
و ضل التواضع جزء من ذاتي
تا صار عمري بس عشر سنين
انطرت الربيع زهور وحساسين
بنيسان ولعت حرب مجنوني
وصوت المدافع بلش التلحين
وحطو العله بالوطن والدين
تركت الطفوله واللعب عالرف
ورفي تركتو لحقت تاني رف
عا كتر منني شاطر وفهمان
بالمدرسه مش آكل ولا كف
وعا قد منو العلم جيد كان
إتفقو الاداره ورفعوني صف
وبلشت بصفوف الدراسه حف
وبديت فتش عا طريق جديد
يفتح طريق السعد قدامي
تركت البلد مجبور مش بلايد
وبعدو ربيعي زهر عاكمامي
وما عاد ينفع هالحكي ويفيد
عم يخلصو عالسكت أيامي
وعا قد ما للارض عندي شوق
تركت الوطن بالصدر في عنه
وحسيت كل م عليت متر لفوق
روحي تضل و تنسلخ عني
و شقفه بارضو باقيه مني

» توأم حياتي وروحي