احمد الصميلي وكمال مهتار

أحمد الصميلي :
سنتين صرلي الدرب بزرعلك حبق
لاكن حصانك يوم ما شفتو سبق
وهلّق ع درب الشعر عرّج يا كمال
حتى تشوف الفخ عا عنقك طبق
••••
المهتار مهما سهام من قوسو شبق
أنجق بعظمو يقدر يملّي طبق
==================
كمال المهتار :
جمرة حروفي كتير قاسي لطعها
وجه القمر عم ينكسف من سطعها
وإيد البتنصب فخ تا توقع صديق
رب السما حلل علينا قطعها
==================
أحمد الصميلي :
تأنّى يا شحّ الموهبة وقطوعها
شفار القنا زهقت عنق دلّوعها
أرزة أنا ونفسك تَتشبع جوعها
قصقص غصون الوارفة بربوعها
وكلما تشحّل غصن من أرز الخلود
كلما يشدّو بالأعالي فروعها !!
====================
كمال المهتار :
مهودس يا احمد انت او شارب عرق
حتى خبالك راح عا هالمفترق
وبحري البلع هجمة جنونك بالغرق
ردك مزلط لا سيوف ولا درق
كفي منامك ما حدا بيعتب عليك
ما فيك ارز تكون الا عالورق
==============
أحمد الصميلي :
مربّع على عرش النجوم الناقية
وإيدي بعيونك حبّ حصرم فاقية
وبحبر شرياني وصلاتي الراقية
دمّي انوشم أرزة بعلمنا باقية
عليها السما كتاف الكرامة لاقية
ومن شان اشرب نخب أرزة راقية
شربت المحيط وانت يا كوكو الحزين
حدّ المحيط طلعت شقفة ساقية !!
==================
كمال المهتار :
ظلك تنقل بالوهم نقلة غزال
لا بقيد عليك ولا رح قلك عقال
وجودك قبالي عندما نعد الرجال
كتيري عليك تكون صفر على الشمال
وارز الوطن مش ملعبة بين العيال
هيدا شرفنا وتا تمسو من المحال
ومازال طعم الملح ما بين معك
بشكر إلهي بعدك بتعرف كمال
=================
أحمد الصميلي:
فتّح عيونك والحقيقة شوفها
من قبل ما عالخدّ تحكي كفوفها
سطور المجد نحنا ال كتبنا حروفها
حتّى انتحر ليل الجهل ع رفوفها
وأرزاتنا لْ عمّ الدني معروفها
نحنا لْ بساح العزّ كنّا سيوفها
ومن شان متلي تصير فارس يا كمال
كرمال الله بهوراتك عوفها

=================
كمال المهتار :
فتحت عيني وشفت اشعارك مليح
لقيتك صبي منزوع وبفكرك شحيح
متلت دماغك كل تكه بيستريح
عالوايرلس شغال كل هبوب ريح
ما يوم كاتب سطر الا بالمديح
لا حملت هم بلادنا ولا عم تزيح
ضرب الحبيب زبيب قوي ضربتك
مش عيب لولا مشيت عا شرع المسيح
=============
أحمد الصميلي :
هالطفل لولا حواجبو بوجهك قفل
كلّف ملاك الموت تا فيك اصطفل
ولولا دماغو بثوب أشعارو رفل
عنّو الوحي ما تمكّن عيونو أفل
وكلما زمان المجد ساحاتو كفل
وشرّف هبوب الريح عا أرضو احتفل
بيفوح عطرو عالقريب وعالبعيد
وبيميل خصرو متل زهرات النفل
====================
كمال المهتار :
ي بني الشعر منو صفير ولا نفيخ
بتحرق صابيعك عندما يغلي الطبيخ
هههه
هاجم عليي بين كف وضرب سيخ
تعلم من الهندوس كيف تحب سيخ
من كم كلمه صار دمعك عم يسيخ
ان ما فهمت بدي فهمك بالطاخ طيخ
خخخخخخخخ
الا ما افرك رقبتك عا منبري
مش رح بيطلع قمح بالراس السليخ
================
أحمد الصميلي :
يا شيف كوكو ليش غيّرت المهن
من الطبخ عالأشعار يا حيط اندهن
مهما غرورك دهلز الخطّة ودهن
معروف بالمضمار خسران الرهن
عقلك مريض وزاد خيباتو الوهن
فاضي نأَجر طابق وشقة وارتهن
حتّى القبر سكّر بوابو والضريح
لمّا غراب البين آخرتك كهن
============
كمال المهتار :
يا ناس شو بعمل مع الغكرو ضعيف
ووجهو مقمر متل شي طلمة رغيف
غني يا احمد شعر احلى من الحفيف
اطلعلي بقى من القبر والحكي السخيف
بقلك شعر انقى من التلج العفيف
بترد متل القاعد برمل الظريف
شفلك حكيم يطببك من علتك
واترك زجلنا يظل من دونك نظيف
===============

أحمد الصميلي :
مهتار يا ورقة بوجه الريح
بتشرين كفّن وهم أحلامك
معروف حبرك بالمعاني شحيح
وجايي علينا هون تتسامك
هههههههههههههههه
سطورك ملانة بهورة وتشبيح
ونغم الدجل معزوف ع مقامك
لا الحسّ طعّمها ولا التنقيح
مرّة قدر يرفعلك مقامك
وعايش على التنفيض والتمسيح
ومنّك طفش خيّال الهامك
ولمّا قبالي بديت بالتلويح
ع قراب سيفي نقصّ صمصامك
وصارت عيونك عالهروب تشيح
والمهر تحتو حطّك وقامك
هههههههههعههههه
ونشّاب لّ معوّد على التجريح
عا لوح صدرك كسّر سهامك
ولمّا براسك بلّش التقديح
طأطأ على سكينة لحامك
وكترة ما عوّدتو على التنطيح
ص(ا)ر ينطح الرملات قدّامك
وجبنا علي (الطفيلي) يغنيلك مجاريح
وانطون (بوشموني)يطبخ رزّ ع عظامك
هههههعععععععععههههه
ومن شان تمّم واجباتي مليح
وإكسب بموتك أجر يا مهتار
بدفن النعش مفروض إكرامك !
•••••••••••••
بعيدا بصريح القول والتلميح
بو الكيم يسلم حبر أقلامك
جنينة زهورك فتّحِت تفتيح
تا سال نهر العطر ع كمامك
وناصب حروفك للعلى مراجيح
والشعر رندح لحن أنغامك
**********************
كمال المهتار :
شوفو الصميلي الشاعر العيوق
لا كان يتهدى ولا كان يروق
شو قصتو شو صايبو تخمين
معقول عم يشرب حليب النوق؟!!
ترشح قبالي متل جون ماكين
مقروق عم يتشبه بمقروق
الا ما يبلع كيس فيتامين
ما بيعرف يصلح قوافي لوق
بيعلك علك بالشعر متل التين
وعا وسع وجو بيطلع البقبوق
بيكرع تينر مخلوط تربنتين
وبياكل الصبير بالمرقوق
بدلو على الكبه بتنورين
مابيقبل محتر على الطاووق
وبيظل يترقوص مع الحلوين
لافف ع خصرو الشال اربع طوق
وجايي عا صغحة كلها حساسين
ينفخ بهالصوت اللي متل البوق
بيظل عندو راكب التقنين
والدش مطفي وحضرتو معجوق
بيظل يمشي حد المساكين
من سوق نوريه لتاني سوق
محظوظ بيغني مع سلاطين
حيث القدر فيلو علينا حقوق
بعد الحكيتو بقول احمد مين
احمد بعيني متل سابع خي
وبكل فتره بطرقو خازوق
===================
كمال المهتار :
عاصفحة شاعر حسون...الليله وجهت جيوشي
مين ما كان الخصم يكون...بفضي براسو الخرطوشي
يا احمد مين موديك...عاصفحة شاعر جبار
ما بيطلع حقك متليك...ويا خجلتنا من الشعار
محسوبك بالشعر بويك...وشو خصك يا اوتوكار
مش بس انغشينا فيك...العالم كلا مغشوشي
==============
أحمد الصميلي :
عا صفحة يوسف حسّون ••• لْ عا أبياتو بتجلّى
جابولي شويعر محزون ••• وقالو يا صميلي تسلّى
عا مسطرتو في كميون ••• تعشّا فيهن وتحلّى
بديت بمهتار المجنون ••• وحتّى لحمو يتقلّى
رشيت شوية كمون ••• ودهنتو بزعتر مع زيت
وحمّصتو بالمنقوشة
==================
كمال المهتار :
من روكز من ماضي سنين
جبريل مبشر فيي
جسمي مش من مية وطين
اصلي ارز وحريه
عن اسمي اسأل بوتين
وعن قنبلتي الذريه
بتتنعوش قرعة صنين
كلما بحندل طربوشي
=======

============
أحمد الصميلي :
صنّين لْ شيّب أزمان ••• بحضنو الطهر بيترامى
ولِ بينكر أصلو يا فلان ••• عنّو المجد بيتعامى
وحيثك روسيا عشقان ••• وبقنابلها بتتحامى
منعزّي أرزة لبنان ••• بهالصنديحة الملطوشة
#################
أحمد الصميلي :
يمّ الفستان الكحلي *** وخصر الجذّاب
بعيونك لون الكحلة *** ذوّبني وذاب
**********************
لون الكحلة بعيونك *** خلّاني ذوب
وعلّقني بين جفونك *** متل المصلوب
وقلبي الذايب من دونك *** قلّك مطلوب
تعودي و توفّي ديونك *** من بعد غياب
=========
كمال
شو هالصدر المتجلي...مولع كانون
برقيلو وبفلش ظلي...يمكن معيون
عقلاتي عالترللي...وقلبي مجنون
وبصدرك مش رح خلي...حبة عناب
=========
أحمد
فستان اللابس قدّك *** ناعم شفّاف
وسحر الخال لْ عا خدّك *** جمّر الشفاف
وقلبي لْ منّو من قدّك *** صاير بيخاف
تمرّ النسمة من حدّك *** ولو كان بآب
=========
كمال
شهريار واحساسو...وانتي بالبال
حلم عيونك عاقياسو...لو مهما طال
صدرك جنني كاسو...وخلاني خيال
كلما بتدق جراسو...في عاشق تاب
###########
كمال
نويت عليك يا قلبي نوى عم
على الصهر وصدى جرحك نوى عم
وبعدما شفت نهديها نواعم
ما عاد التلج يغري والذهب
========
أحمد
ياحلوة اللي نهودك عاج ميلي
ت إربحلك جميلة عا جميلة
وكلما الليل يسأل عا جميلة
بكتب اسمك بريف الهداب!!
=======
كمال
النحل ميل عا مرجو عاطريقو
وطرق بابو تا يوعى عاطريقو
لقى تمك لزهرو عاطي ريقو
لحق تمك ترك مرج التراب
=======
أحمد
إذا قلبك بشوقو عاج روحي
ع عرزالي تقدّم عاج روحي
وإذا عيونك تجنّو عا جروحي
إلي الله على جروح الحباب !!

» حركشة بكمال مهتار
» بحر الزجل والشاعر كمال مهتار