ارتجاليات بو شربل بحر الزجل

ألشاعر سليمان طراد
أمري ل ألله..!!

مين فات...؟مين ما فات عندي شروط
لا تهددوني... بتعرفوني منيح
بحري ما خلّى عا الديال شطوط
وحف الصخر تا صار عاري منيح

وجتى الجبل عم لاطمو تا يزيح

حتى المحي ممنوع...؟مش مضمون
قانون ..صفّى لازمو تعديل
ومعروف عني بكره القانون
وبحب ادفع بالدني برطيل

من هيك بدي عدّل القانون
واعمل طريقة ..الظلم عني شيل

ألشاعر سليمان طراد
ابو قاسم الطنبوري مين بيعرفو ههههههههههههههههههه

يا شعر كلما بشعّل بريزي
بتزعل وفاء بتنجرح زيزي
وبتخاف منّي انفعل زوزو
ان بلّشت احكيها انكليزي
بيضرب حنين ..الحبها بوزو
متل الكأنو خان جنكيزي
مسكين يمكن حارق فيوزو
من كتر همو حكمتو كريزي
بيقول عم يفتي الو الجوزو
قمّز عا حرف الشعر تقميزي
من الركض يمكن مهتري شوزو
بيشبه الطنبوري!! بها الميزه
عندو دماغ ومش عم يعوزو
الافضل الو يحطو بالفريزي
دا واد خرفان وكده.. بلوزو
معْرّفش لبسو الزاي بالمقلوب
بايخ أوي غابو من الجيزه

هههههههههههههههههه

سمعوا من بحر الزجل ولا تعاندو رب الشروقي

ما ضل عندي حكي..حايف الشعر يضيع
وبفقد الشاعر وفا...ويخسر محبّينو
ويصير شعر الزجل..غرقان بمواضيع
والله دخيلو ان اجى...ما بيقدر يعينو...Ver más
سمعوا من بحر الزجل ولا تعاندو رب الشروقي

ما ضل عندي حكي..حايف الشعر يضيع
وبفقد الشاعر وفا...ويخسر محبّينو
ويصير شعر الزجل..غرقان بمواضيع
والله دخيلو ان اجى...ما بيقدر يعينو
بعرف الشاعر انا..بيخسر وما ببيع
الكلمة الكتبها وشرد..فتّح شراينو
ولما عا منبر زجل..بيبلّش التفظيع
بيسكر بحبر الوحي...عا صوت تلحينو
من هيك بحر الزجل..كلما قصيدة يزيع
تحفة..اعترفوا بقا...واقروا بدواوينو
وخلّوا تران الشعر..ماشي بلا تكويع
وحاجي تراخي وحسد....رح تحرقوا دينو.

ألشاعر سليمان طراد
يا قلب طيّب ليش يا عدنان
قايم على الشعّار بالجنّيه
دشّر الشاعر يخلط الاوزان
وجاوب قصيدك عنك وعني
انتي وانا بيضات بالقبان
والكل معنا بيسمع الرنّي
ياسر تهجّم بس بالقصدان
والحج بدر الساكن بجنّي
غايب عن الانظار صرلو زمان
ما كان منك يسمع ولا كان
يقنع يشارك بالزجل مني

واذا ياسر كتبلك بالازاعة
قصايد بكر وبشعرو تداعى
لا تزعل بالشعر ياسر بيحبّك
وعنّو الناس بتطلع اشاعة
انا محلّو على جهنم بكبك
ويمكن علّمك فن الرضاعة
ما شفتو بالشعر بالشعر سبّك
سب الكل لكن عن قناعة
انغدر قلّي بموقعطن وضبّك
بجلبابو متل ما ضب ساعة
وبضربة بوكس فوق الارض قبّك
وساعة تصرخ وتنحم ساعة
ولما شاف فاضي كتي لبّك
قرر يرحمك بالشاعرية
لأنو محب ياسر يا جماعة
هههههههههههههههههه
6

Adnan R. Said
شو فهمت منك يا زعيم الكار؟
رح جاوبك لكن انا محتار
حامل بإيدك مطرقة وما عرفت
عم تضرب الحافر او المسمار
الله خلقني من حدا ما خفت
وكباركم قدّام مني صغار
بعينين شعري ياسرك ما شفت
كنت افتكرتو بالذكا جبّار
لكن طلع حامل عا كتفو جفت
بالوِج ما بيضرب طلع غدّار
وياما معي قبلو انت نشّفت
وياما رجعت من ساحتي منهار
ومن بعد ما فيكم انا تشرفت
ما شفت الا تنين مقهورين
من حروف اسمي الموّتو الشعّار
6
Adnan R. Said
رفيقك اجا تا يطنطن جراسو
ويعمل مدير ورغم افلاسو
قلت يا ربي شو عم بيصير
صار الذهب عم يقبل نحاسو
وعرفت كيف الفيلم والتدبير
هوّي وانت والحج بلباسو
رحتو لعند شاعر كتير كبير
تا تدوزنو بالكره انفاسو
وتا تخربو موقع كبير كتير
لكن فشرتو براسك وراسو
6
ألشاعر سليمان طراد
بعرف عليي كتير بتمونوا
ووين ما رحت بالقلب بتكونو
وبستان قلبي الريحتو بخّور
زهر القصيدة ضل عا غصونو
لا تعاتبوني بغربتي مقهور
التاجر تا يقدر يدفع ديونو
لازم يركّز ع الشغل مجبور
حتى القدر ما يقدر تخونو
يا شعر ودّي قصايدي ببابور
يوصل على بيروت داخونو
وفيّق حنين حبايبي ببنجور
وفرّح وطن عم تاكل شجونو
يا ريت قادر غير الدستور
صار الوطن عم يخسر دهونو
تا حط بالدستور خمس سطور
وامنع الهجرة واجبر السايح
ينسا المضافي وياخد عيونو
بحر الزجل
6 d

ألشاعر سليمان طراد
يا صاير تخرّف مع الايام
وتنسج روايا من شغل بالك
بتشبه صبي حاضر رعب افلام
قلبك طفل معزور نيّالك
صارت ولادك عا الورق ايتام
ولا تترك الأوهام تغتالك
وعرّق جبينك حبر بالأحلام
وخلّي السما تعرق من خيالك
ولا تضل تحكي بحق ها الاعلام
احكي وفشّط نصر عا حالك
بحر الزجل بالشعر متل السام
وين ما رحت وهربت بيطالك
ولو كنت نازل من سما الألهام
ما بيتركك توصل بإنزالك
بيفرض عليك تضل تبري قلام
وتضل تعرق عا الورق تا تصير
تحكي معو وعينك على خيالك
6
Adnan R. Said
غايب الك مده ب أيّا مكان
عم تجمع وعم تكتب القصدان
و عم تنتخي تا تهجم عليي
هجمة شفاف البنت عالصبيان
ياللا تعا وتدلّع عليي
تا نيّمك عا فرشة التحنان
ديك الشعر لولا وعي فيي
بعبّي الدني من حضرتك صيصان
و مازال جايي بهيك سهريي
تعمل تحدي مع قمر نيسان
لو جبت من بو روكز هديي
ومن زين جبت المرجلي اوزان
ونتشت من حمدان غنيي
ومن سيّد محمّد عقد مرجان
ومن موقعك تا تهجم عليي
مش بس جنية وملوك الجان
من ارض علويي وسفليي
لو جبتهم تا تغيّر الميزان
رح ردكم عالقمقم سويي
واهديك هوّي تقبرو بمحل
بمحَلْ ما بيكيّفو الزعران
هههههههههههههههههه
6
ألشاعر سليمان طراد
لا تنأذ من الشعر والفكرة
خليّك دهشة الذوق محتكرة
وعلّي معي تا نكمّل المشوار
بركي علينا بيشرق البكرى
ياسر قصدكن ..ضيف بيتك زار
لاقاك غافي من بعد سكرة
جرّب يدق الباب شاف الدار
سايب بوابو السوس ...عا فكرة
معشعش بداخلها ووجو دار
وشافك طريح مكشّف الزكرا
قلّي يا بو شربول موقع صار
نهوروا عا كتر الشيطني عكرة
برفض بنعشو ينضرب مسمار
من هيك يا بو شربل تركتو
يضرب براسو وينتحر تكتو
قطعتو وهديتو وهربت اكرى

فرد الاكرى شباب حدا بيعرفو
6
Adnan R. Said
عن مين جايي يا صبي تدافع
وكرمال مين على الحرب بتفوت؟؟؟
كرمال هالانسان بترافع
روح قلّو يا حبيبي سكوت
جايي لعنّا وجبهتو رافع
حتى مدير يصير عالمثبوت
مش شايفو عا منبرو نافع
بعدو طفل بيمصمص البسكوت
كرمالكم ما بينصلا مدافع
بنكزي صغيري من قفا ايدي
بيموت هوّي وانت رح بتموت
6
بحر الزجل
قتلني بقفا ها الإيد فيها غدر
قتلني وانا رح اطعنك بالصدر
بعمري ما رح ارميك من خلفك
برميك لو بتكون فوق البدر
راحوا اللي كانو يوم بحلفك
ندرلك تا فيك تردهن شي ندر
سليمان مش معتاد عا بلفك
واللي حرقلك قلبك وكبّك
اهيدا صديقك مش صديقي بدر

هههههه
6
Adnan R. Said
ههههههههههههههههههه
6
Adnan R. Said
هيدا اللي عندك مفتكر انو
بدر السما وكل الحلا منو
عم يقشع الاغلاط صرلو زمان
وساكت وضاحك للقدر سنو
الهيئة افتكر يللي جرا ما كان
وبيساعدو يللي احترق بنو
ونحنا الطحنّا البن عالمولان
وصفّا تفل للكب يا اخوان
والتفل شو بدّا البشر منّو
6
ألشاعر سليمان طراد
تقّل عليي بحبك ولا تخاف
وطهّر لسانك بالحكي عنّي
وعرّض قبل ما تفوت جنّي كتاف
وسآل شط قصايدي عني
تقل البشر فوق الوحي نفناف
ونجوم ها البتعدهن هنّي
بيجاوبوك البحر شو شفّاف
بيشيل من قلب الوجع عنّي
وعن بدر لازم ينحكى بأنصاف
مجنّى شعر اكتر مش مجنّي
انتي وغيرك عيب في احلاف
كانت معك ما عملت مرة حلف
افادي بيعرف قصة الجنّه

ههههههههههه
6
Adnan R. Said
جيبن معك وحدك ما بدي ياك
ما بتحرز نخرطش عليك سلاح
واحد يخرطشلك شعر نسّاك
وواحد يقلك هالسلاح شلاح
منشان ابعتكم على الافلاك
عا جهنم الحمرا الملاني نار
كرمالكم وصّيت عالمفتاح
6
Adnan R. Said
روق يا سليمان لنو شوي
ما لحج خيّك والدني عسره
بيدخن شوية بجلسة فَي
تا يشيل من قلبو الف حسره
بوكرا بتنظم بيت مالو بي
ضايع ما بين الفتح والكسرة
بيطل حج البدر متل الخي
تا يخلصك بيفلسف الكسره
ههههههههههه
منشان هيك بتحبو
6
Adnan R. Said
فادي بعرفو بيحب فنّي
وكلما قلت شعري عم يهنّي
يا بحر الشايفك بالشعر جِنّي
يا كافر لا بقا تحلم ب جَنّي
اذا جنيِّتَك بتطُلْ مرّه
على وراقي ما رح بتحل عنّي
عا صدري بترقص بأحلام حُرّه
بعيوني بتولع وبتجن منّي
وتهوي من شبقها ونار حَرّه
وتتهدّا بخُصَلْ شعري بتأنّي
وتتذكّر معك كم الف مَرّه
ما تلاقي ولا خُصلي تشد فيها
صلعة فاضيي وعا فرد رنّي
6

ألشاعر سليمان طراد
مين قال انّو بتسمح خلاقي
بمرج الحكي ما بتمرق سواقي
بتمرق نهور النمل تا تزقّك
وبتترك الدبّان عا الباقي
جنيّتي بتخاف... من نقّك
من طيور متلك دوم بتقاقي
بشعرك الاجعد صح تا تزقك
بتشد يا عدنان تا تجرّك
لكن معي بتشد بوراقي
هههههههههههههه
روح العب مع غيري ههههههههههههههههه

ألشاعر سليمان طراد
4 h

كيفو عدنان

عدنان كيفك كيف احوالك
كيف الزجل..كيف صحة عيالك
بيخبروني صرت يا عدنان
عم تنتبه بالشعر عا حالك
بتخاف ..؟ لا تفزع من سليمان
سليمان عدّو بيّك وخالك
ياما كتبلك بالشعر قصدان
وياما قبل ما تنام يا عدنان
يا زغير حتى تنام غنّالك

بحر الزجل
Adnan R. Said
ممنونك ومشكور يا خيي
عم تسأل عليي بصفا نيي
وصاير اغاني الحب ترويها
ونسيت في اسرار مخفيي
ولما عقدت حواجبي فيها
غنّت الي فيروز غنيي
تا قبلت اني عود احكيها
وغنّج حلاها ودوب حنيي
وحتى ليالي الشعر تحييها
انت هيكي عملت يا بنيي
وغنّيت لعيوني ولياليها
ترنيمة الشحرور للميي
وفِرحِت اراضينا وسواقيها
ورِضيت عليك دموع عينيي
غنّي انبسط وعمول تنزيها
وتمرمغ شويي عا ايديي
ولما الصدارة تنفرد فيها
مفروض تشكرني وتجي وتقول
بعرف يا بيي فضلك عليي

ألشاعر سليمان طراد
من فضل الله الشاعر الموهوب
بيرسم دني بقصايدو وبيدوب
كلما فتح شبّاك عا الزرقة
بيفزع تجي الحجران من محبوب
وبالأمس كان الشعر عا الورقة
ومرسال بين الأهل بالمكتوب
واليوم ضلّت بالقلب حرقة
ابعت الك مكتوب يا بيي
وعارف ما فيك تدوّر الحاسوب

مع فنجان قهوة

Adnan R. Said
لما خلقت يابني ضعيف الحال
بالكاد شكلك رايق وصحّي
غذّيتك بدمع انسكب شلال
ولبّستك من جواهري ودحّي
هههههههههههه
وعلّمتك بكليّة الابطال
رغم فقري وحالتي و شحّي
وكبّرتك وشفتك معي رجّال
وشو بعد بدّك تكرم بضحّي
ولوما عطيتك من جيابي مال
ما جبت حاسوبك من الدكان
وبقيت تكتب شعر وتمحّي


ألشاعر سليمان طراد
بعرف يا جدّي حالتك بالويل
وما عملت مستقبل ..لأحفادك
من ميل قلبك هابط ومن ميل
مفرّغ بجارك كل احقادك
ابنك طلع متلك قليل الحيل
وآخد شوية جهل ما زادك
ولاحق الريسس أو سباق الخيل
وانتي البحر ما بيكسر عنادك
بكتوب بمحّي صح كل الليل
من البخل صرت تقفّل البرّاد
منشان ما قرّب على زادك


ألشاعر سليمان طراد
نهلا كتر ما بتعرف تغرّك
بتدوّبك بعيونها الحلوين
بتحتال حتى تشلّحك درّك
وترّجعك بالعمر عشر سنين
توقّى يا جدّو ينفضح سرّك
وببيّن الأبيض متل صنين
عمرك مواج الموت عا برّك
وحتيار صاير يا قليل الدين
ارجع ل ربّك بنت بتضرّك
نهلا الخوري عيونها شياطيين
وعا مين دخلك متّكل عا مين
هههههههههههههههههه


Adnan R. Said
عايش انا محافظ على حالي
وكل همّي رزقة عيالي
واحلا الصبايا انشغتها حدّي
ما بشوفها ولا بحطها ببالي
ووانت النوايا حقد مسودّي
عارف شو بدك يا ضنا حالي
نهلا قصيدة شعر بتندّي
عملت ببيتا من الشرف هالي
ومنها لمتل فضلك مستعدي
تسمع حكي اللي بيزحفو عاطول
كرمال بسمة بنت ميّالي


ألشاعر سليمان طراد
اللله يرضى عليك يا جدي
لا تضيّع مع نهلا العمر غدّار
تشيّطنت بالعشرين بيقدّي
توقّى يا جدو صرت عا المهوار
بفزع الكسرة تنقلب شدّه
وعا الراس تاكلها وبلا انزار
صاير عنيد كتير ها المدّه
وكل يوم عم تسكر يا جدي ببار
تعلّم تعيش الآخرة جدّي
وتركع تصلّي عيب يا ختيار
نهلا قبالك كل ما تعدّي
بيعلى الضغط عا شوي وبتنهار
وبعرف انا مش قادر تهدّي
جسمك تلج بس القصيدة نار
خلّصّت من دبحات من مدّي
واياك ترجع تجهل بوصيك
قلبك فرط والحبل عا الجرار

بحر الوعي


Adnan R. Said
وعم ترجع لجدي ومجد جدك
جدك عاشكلو بتطلعو انتو
وجدي بيرفض التهي حدك
او كون مرة مطرح الكنتو
بظفري وبخنصر بقدر بصدك
ديّنت شعري وما تديّنتو
وتا ارجع وغني على ودك
وشعرك ببنت الشعر لوّنتو
كل الصبايا اللوّنو غدك
ما أثّرو ومجدي انا صنتو
ونهلا عروس الشعر بتصدّك
وكلما قبالا يا صبي بنتو
بتوقّف المتلك على حدك
حتى انقهرتو وتا تجننتو
وهلق انا تا رد عا ردك
وشريك عمري العمر ما خنتو
وصعبي عليك تنال شو بدك
نهلا متل بنتي بموقع شعر
والبي ما بيطلّع ببنتو
2

ألشاعر سليمان طراد
سمعنا يا جدو نزلت عا بيروت
منشان ترقع قلبك المفخوت
من بخلك الجايبلك الجلطة
ونوبة قلب كلما صرفت سحتوت
ههههه
والموت عا روحك متل سلطة
عا الكوع واقف عم يزمّر توت
قصّوك بالساطور ..؟ بالبلطة
وطعموك راحة ..وشوربا وبسكوت
بنتك قلت...؟من وين ها الخلطة
ما انت عا نهلا الشعر بتموت
بعرف أمور الحب مختلطة
عينين نهلا بحر من ياقوت
كيف غلطتت بالشعر ها الغلطة
ما عرفت لي بينزل عا بحر الشعر
وبيعاكس التيار بدو يموت
هههههههه
بحر الزجل

Adnan R. Said
عينين نهلا ؟؟؟ لل بيحبوها
وشو خصني باملاك مش خرجي
بعدا صبيي الكل عشقوها
كل يوم صورة شعر بتفرجي
درة ثميني وما فهمتوها
لولا عرضتوها عا جوهرجي
بيقلكم للاصل ردوها
شرقية الطبع ومش فرنجي
وقلبي وشرايينو بتعرفوها
متل الذهب برج المجد برجي
اجتمعو الاطبّا تا يشوفوها
وفاتو عا قلبي وعشّبو المرجي
ومن بعد ما بالشعر فحصوها
قالو يا عمي روح عندك روح
بيضا ونقيي وللطهر فرجي


Adnan R. Said
جايي تدوق لقمة عن طبقنا
قضينا عليك وبقلبك طبقنا
وفتحنالك مضافي حاتميي
رحت تسبنا وتحكي بحقنا
نهلا هالقوافي المخمليي
بتقللا من بيوتك شرقنا
ولا تفكّر بسهرة جهنميي
تشق الموقع المنّو انطلقنا
انت غدّار ريقك سم حيي
وجايي مفكّر تفتفت حبقنا
وعم تطالب بكرسي اوليي
حتى تكبر وتاكل عرقنا
متل ممسوخ عم يطلب صبيي
تا يخرقنا وما في مجرم خرقنا
ونحنا بالقوافي المنبريي
حكي الالهام عا مساكب ورقنا
وتا تسبقنا عا جنة سرمدية
بسبقنا شاركو عقول الذكايا
ويا أعرج انت ما بتربح سبقنا



ألشاعر سليمان طراد
مين جاب سيرتها يا بهورجي
نحنا عا نهلا ما منسترجي
نحنا المرا من عيونها منخاف
وعا دفتري بتضل مندرجي
من جبينها العالي شفت نفناف
وكلما تطّل بزيَّن المرجة
هيدا اللي منها بس عم ينشاف
عالي سماها وبرجها برجي
عويناتها سودا وفي عندا شفاف
للشعر فرجي وللحلا فرجي
وأنت العشت عمرك على أوقاف!
مجلس البلدة .ضل معمرجي
مدماك قصدان وبلا إجحاف
لاكن اذا بتلكلك لسانك
رح جلسو بسدَّان كندرجي

هههههههههههه


Adnan R. Said
دخلك يا كاس العز تعتعني
وشَفّي وشَفّي المجد بلّعني
وحتى من همومي انا إرتاح
بحياة ربّك لا توجعني
وحضرة جنابك عاشق الاشباح
وبمحبتك ما فيك تقنعني
داير عا صفحات الشعر سوّاح
تحركش بسمرا وغيرها يعني
وباقي بموقعنا انا مرتاح
وعزة نفس بتضل تمنعني
قاصد عا حربي الشايفو تمساح
والصيد لما فيه يجمعني
بعطي لكندرجي القوافي وشاح
من جلدك الغير هيك ما بيعني
ويا بحر رح بتشوفني سبّاح
وصعبي عا موج الغدر يبلعني
عايش حياتي اجمع الارباح
بجمهور صار يحب يسمعني
وحدك اذا حبيت رف جناح
والجو النا صار ساحة حرب
يا بودعك يا انت ودّعني

...
ألشاعر سليمان طراد
انهزي يا بنت الموهبة انهزي
كاس النصر والمجد والعزّة
منو متى يتضيّفي سليمان
بتصيرسكر الطعمة المزّة
جلددي مجلد منجد القصدان
لابس النورقماشة البزّه
من ارزة بشري مجد جبران
جارة الشام واخت ل غزّة
وهاجم عليي ليش يا عدنان
هجمة شبح وبنفس مبتزّة
تا تغز خمجر غدر بسليمان
خمسين مرة مجرب الغزة
اللي بيجمع الأرباح بالدكان
الرسمال قرقة وحدها وزة
وعلان مني ليش يا عدنان
بتعرف الك بعواطفي معزّة
شو طمعّك با الحرب يا فليتان
مهرك ان فز بساحتي فزي
بين الأصايل الجمو يا فلان
ال بيودعك من بعد جولة حرب
تا يكمّل المعروف بيعزّي

بحر الزجل


Adnan R. Said
ما بيكرهك عدنان ياسليمان
وبدّو عا قمة عاليي يخليك
من وقت ما عرفتك قمر نيسان
هنّيت حالي وجيت تا هنّيك
ولما ابتدينا نجوجل الاوزان
وشفتك صغير الضو ما بيرضيك
جبتلك من البهورة الوان
وجايي بإيدي المريلي اعطيك
ولنهايتك ما بجبلك الاكفان
طول العمر حدي رح بعلّيك
وهلق قبل ما تنده الاخوان
حتى عا دفن الموهبة تلاقيك
ومن قبل ما تعزّي اهل لبنان
عزّيت حالي بساعة الشفتك
وعا شعرك بعزّي الشبيبي فيك


ألشاعر سليمان طراد
انا ب نيتي....... العالم عليمي
ماشي على الدرب المستقيمي
ولأني بعرفك من عهد غابر
بعدك صاحبي وخيي ونديمي
لكن عا المنابر لا تـــكابر
حرام ترخص الدره الكريمي
أنا معتاد ع فتح العنابر
من قلبي وفؤادي ومن صميمي
اللي بدو يشك بعيوني الميابر
قدما ها النفس كانت رحيمي
بدو يصير من أهل المقاير
وتا اقضي ع الفساد وعا النميمي
اذا عزيت فيي روح خابر
بموتي الموت عندو صار قيمة
وأنت لو متت يا إبن الأكابر
واجب قول انك كنت صاحب
لكن بالشعر منّك غريمي

عدنان كان صاحبي آجروني



Adnan R. Said
وانا متلك بدفنك يا زميلي
اذا ما متت من ضربة زميلي
لانك صاحبي ومش خصم قاسي
رح بجبلك طليع بدون حيلي
وبدفعلو مصاري من كياسي
تا يعمل صورتك صورة جميلي
وبقلو كنت عندك حساسي
اصيل وجيت من عيلي اصيلي
وبيسامحني الاهي عالنجاسي
اذا كذّبت ونشرت الفضيلي
وببكي عليك ويزيد الحماسي
ورح بيشاركو كل القبيلي
وبيهيك بكون عنوان القداسي
وخدمتك مرتين على القليلي
مرة بعركة الشعر القياسي
رحمتك بالجوابات التقيلي
ومرة بموتك الما كان قاسي
جبتلك طليع وعا حسابي
ومش من عادتي ربّح جميلي

7 h
طالع عا بالي اعمل مشكل
خلص

ألشاعر سليمان طراد
يا ها الادارة ليش ما بتليّكي
للشعر والابداع قلي يا مدير
للبحر أو ل شعّار متلي مديّكي
جايي تا اعمل مشكل الليلة كبير


Adnan R. Said
نحنا ادارة كتير موقفها ظريف
منليّك على شعر بالمعنى نظيف
قررت ليّك عا قصيدي كتبتها
طلعت سخافة وما بتستاهل زقيف
7 h · Ya no me gusta · 16

ألشاعر سليمان طراد
انتو ادارة ..مليّكين على الجمال
ورح افضح الموضوع ..أو افتح جدال
لوما تكون الست نهلا رائعة
من وين ها الليكات قلّي من الرجّال
هههههههههههه
7 h · Me gusta · 9


نهلا اميرة شعر من دون روتشي
آية جمال بدون كبرة وكنفشي
شفلك شي موقع ناقصو المتلك ولاد
بيليكولك لو مخربش خربشي
7 h · Ya no me gusta · 13



Adnan R. Said
شوباك سكّر راسك مقابيل بيك
ما كنت عارف هيك ضعفك صار هيك
معقول ما ليّك الك لكن اكيد
من بعد هيكي شعر رح ليّك عليك
7 h · Editado · Ya no me gusta · 12

ألشاعر سليمان طراد
يقطع لسانك مر يا ظالم ثقيل
وبالليك والتعليق عا شعري بخيل
بيليّكولي عا الشعر والهضمني
وبيلّيولك انت عا لسان الطويل
7 h · Me gusta · 7

ألشاعر سليمان طراد
ليّك عليي ..وقد ما بدك اكتوب
رح اتركك متل المشرد عا الدروب
لوما عيون السود ما بتليّكوا
وما فيك تعشق يوم تا تاخد حبوب
7 h · Me gusta · 6



Adnan R. Said
حاجي بكي عاللايك لا تقلل ضمير
مع شاعر الوزّع على الوردة عبير
لساني بسكب الشعر معجم فلسفي
وعا رقبة الستّات انعم من حرير
7 h · Ya no me gusta · 11

Adnan R. Said
جايي تلطّش تغمز عليي انا
وعند الضرورة بقلك بقطف الجنا
باخد حبوب تخفف هياج الشباب
خصوصي عند ما شوفك بتخت الهنا
7 h · Ya no me gusta · 10



ألشاعر سليمان طراد
ناعم ...انت..؟ قديش صرت بلا ضمير
شو نسيت لما هجيت بدر بها المصير
بفن الهجا معقول تعمل متل زير
وتدوّخ الشعّار وتبربر كتير
لكن مع النسوان اسمع كلمتي
حبوب الزرق ..بتفيد صدّق يا مدير
هههههههههههه
7 h · Me gusta · 4

ألشاعر سليمان طراد
تختي موسيقي ونغمتي فيها حنان
والله خلقني بحر وجنوني أمان
ومش بس بجر القافية والموهبي
صاير محيط الحب يا عدو كمان
هههههههههه
7 h · Me gusta · 6

Adnan R. Said
عيون الزرق بتدوّب قلوب الرقاق
وبتركّع النسوان بعد الاشتياق
وحتى الزراق يضل معنا بالحياة
البتحبني بتطلب من عيوني الزراق
7 h · Ya no me gusta · 12



Adnan R. Said
ايّا محيط وانت ساقي وجاريي
بتلم شو ما كان هيي وجاريي
لكن انا الستات عاشمال ويمين
واتخن مرا بالحب عندي جاريي
7 h · Ya no me gusta · 10


Adnan R. Said
====================
مازال شعرك هيك عالوادي هوى
وجايي بحبة تنصح جنون الهوى
الحبيتها الميّت اذا بيشوفها
بيقوم من قبرو بلا حبوب ودوى
7 h · Ya no me gusta · 10

ألشاعر سليمان طراد
وينك بأيّا صيدليي عم تجول
تبرم على حبّات تا تخبّي الخمول
ما زال باقي بلا نتيجة يا مدير
باعت الك اسطول ..ّ!!.قرّب عا الوصول
7 h · Me gusta · 3


Adnan R. Said
==================
وحياتك ووحياة هالحبيتها
الروحي وحياتي يا حبيبي عطيتها
عن مرمري بتنقوِد حبوب الحياة
وحبة صغيرة بقلبها خبيتها
7 h · Me gusta · 10



Adnan R. Said
نحنا بخوابي الشعر في عنا رجال
وعنا بنات بتكتب بوحي وخيال
رحلك عا موقع ناطر المتلك يجي
تا يصير عندو مين يكتب ارتجال
6 h · Ya no me gusta · 9

ألشاعر سليمان طراد
الله خلقني ما بحب الثرثرة
وبحكي الحقيقة طس لو مهما جرى
ان حبيّتها بلا جنون عاشق يا مدير
اكبر جريمة بتعمل بحق المرا
6 h · Me gusta · 4

ألشاعر سليمان طراد
خخخخخخخخخخخ
6 h · Ya no me gusta · 2


ألشاعر سليمان طراد
مهما تقلّك يا ملك لا تخافها
واتغزّل بملّاحها ونفنافها
انتي كتوب على الورق تا تحبها
وخلّي البحر يكتوب غزل عا شفافها
هههههههههههههه
6 h · Editado · Me gusta · 3

Adnan R. Said
ملكة حياتي زنبقة بين الزهور
هيي الحلا هيي الهنا هيي العطور
شهد الحلا العايش على شفافي انا
ما بتبدلو بملح البموجات البحور
6 h · Editado · Ya no me gusta · 9

ألشاعر سليمان طراد
حب المرا احساس مش حبر اندلق
او شاعر عليها تا يغرمها انجلق
بحب المرا ..وبعشق جمال عيونها
و بحب دوقا متل ما الله خلق
هههههههههههههههههههههههههههههه
6 h · Editado · Me gusta · 4

Adnan R. Said
حب المرا احساس بعرف شو المرا
تمي كتر ما باسها داب اهترا
ترجم انت احساسك بنتفة وراق
وبدلق عليها العاطفي نهر وجرا
6 h · Ya no me gusta · 11

Adnan R. Said
وشو بعد بدّك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ههههههههههههههههههههه
6 h · Ya no me gusta · 3

ألشاعر سليمان طراد
يعني اعترفت ..اليوم انك عم تضيع
وقلبك بلحظ عيونها واقع صريع
اهتريو شفافك كتر ما كتبوا غزل
معقول ..؟ تدلق نهر حبك عا السريع
ههههههههههههههههههههههه
6 h · Me gusta · 3

ألشاعر سليمان طراد
ههههههههه
6 h · Me gusta · 1

ألشاعر سليمان طراد
يلا بنكمل بعد ما ارجع
6 h · Me gusta · 1

Adnan R. Said
زعلتني اللي طلعت ضد العاطفي
وما بتفهم بحب اللي عايش بالخفي
ولا تخاف نهر الحب يخلص سقسقة
بدلق نهر ما بينشف ولا بينطفي
6 h · Ya no me gusta · 11

Adnan R. Said
جولة سريعة وحلوة هههههههههههههههه
6 h · Me gusta · 2


ألشاعر سليمان طراد
هيدي الكلمة ناطرك تا تقولها
وتعترف بالمشكلة واصولها
نهرك بقي وما عاد يقرا سقسقة
من حبوب بلّش يبتدي مفعولها
6 h · Me gusta · 4