جسن بنوت وبحر الزجل فيكارا

‎ألشاعر سليمان طراد‎
وينو بنوت

وينو حسن بنّوت ..وينو.؟يا ترى
لا بالمدن عن اقشعو ولا بالقرا
شو قولكن ..بعدو مشبشب بو علي
والشاغلتلو البال يمكن شي مرا

بحر الزجل

Hassan Bannout .
سليمان وينك قسم حجاز وبيات.....ومع بو علي غني ودراري شعر هات
راجع لصوبي رجوع بو سعدا الزنات.....تكرم وخدلك معجزة من المعجزات
ولك شو قيمة الدنيا وشو لذة هالحياة.....انما كان فيها سيدات وآنسات
وشو لذة النسر البعب الغيم فات....انما شبقو جناحو على الاربع جهات
ومتلو أنا حاضن جناحي أربعة....بشرع وحلال الرب ليوم الممات


ألشاعر سليمان طراد
ما عقلت بعدك...؟ بو علي من وقتها
أوعى تكون التالتي طلّقتها...؟
ههه
وراقك على النسوان ياما حرقتها
وسمرا وشقرا اغرمتها واحرقتها
خيولك ورا النسوان شو عرّقتها
وما في ولا مهرة اصيلة اسبقتها
اول مرا دشّرتها وتاني مرا
خايف انا ما تكون انو اشنقتها
هههههههههههههه
و


Hassan Bannout .
سليمان يا ماشي بشراشيب وشرط
لسانك عا كتر اللت لازم ينمرط
وتا تصير تفهم شو الصحيح من الغلط
لازم معي بحزب الرجولة تنخرط
ولك أربع خمس نسوان ما بيهمني
مش متل فضلك حملوه عنزه فرط


ألشاعر سليمان طراد
يا بو علي خليك ماشي عا سوا
بحر الزجل وصّل عا خط الأستوا
كيف المرا بتقول عنزة.؟ وما التوى
لسانك..عا ها الكلمة ..؟ ضيعان المستوا
حوّا مرا خربت الجنة وحدها
كيف الخمس نسوان لو كانوا سوى



Hassan Bannout .
عطيتك مثل عن قوتك في هالجواب
بلشت تستعطف وتوقف عالبواب
بيناتنا بالعزم شو جاب اللي جاب
راحت عليك وما بقى عندك ثواب
خدلك شي حبه من الفيغرا كل يوم
وقول رزق الله عا أيام الشباب


ألشاعر سليمان طراد
وين الغلط لو خدتها..؟ يا هل الترى
ان ما قدرت تقشع قام عرنوس الدرا
ههههه
وما زالك مهرهر وراجع لورا
وبتشد عا حالك بعمر الختيرة
الحبة اذا ما خدتها يا بو علي
اكبر خطيّة بتعمل بحق المرا