محامي ...الدفاع

بحر الزجل
يا واقف وايدك بتضرب من ورا
ما عرفت عادل كيف راضي بالجرى
المهم ما تفسد علينا يا حبيب
بفزع انا والباس من صوت المرا

Zainab Hmadi
زينب ما بدا من حدا يعمل دفاع
سليمان حاجي وشيل عنك هالقناع
زينب. ت توصل عا كعب خلخالها
بدك تعيش سنين. اذلال وصراع

Habib Bou Antoun .
دمك تقيل و مطرحك باقي ورا
هنت المرا و ما عرفت شو صار و جرى
و عارف منيح و إختصاصك أحذية
الجلدة عا راسك من سكربينة مرا

بحر الزجل

شوف يا حبيب من المرا ما بينقرىّ
سَطرين من قدام.. نقطة من ورا!!
والشاعر ال حاطط نقاطو ع السطور
ممنوع يشحد فاصلة!!من المحبرة
..........ههههههههههههه

Habib Bou Antoun .
شفافك من بحور الشعر مش راشفي
و كل المواقع زغر عقلك كاشفي
و خايف اذا بتصير انت المحبره
تصير المحابر متل وجك ناشفي

سليمان طراد
نشّفت دم الياس..تعليقو محي
وبعت الصداقة عيب بجنون الوحي
الزلمي ما غلّط قال ايدك ل ورا
وما زال مش غلطان ليشك مستحي

Habib Bou Antoun .
فيي طهارة من قلوب الأنبيا
و مظبوط لازم إستحي من الأوفيا
عندي حيا الشئمه جبرني استحي
و بشئمتك مقطوع شريان الحيا

ألشاعر سليمان طراد .
. عندك حيا..؟ مبيّن..!!عم يشطشط حياك
الظاهر حياك بمحفظه بحيبه قفاك..
وكلما سحبت المحفظة تا تشوفها
بتضل ايدك جامدة وعينك وراك
هههههههههههههههههه

ألشاعر سليمان طراد
اووزف اووف اووف

.. رح عيدها كرمال الشباب
خخخخخخخخخخ
بيني وبينك عيب يحصل اشتباك
كرمال زينب ..بعتني بقلة وفاك

عندك حيا..؟ مبيّن..!!عم يشطشط وراك
الظاهر حياك بمحفظه بحيبه قفاك..
وكلما سحبت المحفظة تا تشوفها
بيطلع معك يا صاحبي قلة حياك

Habib Bou Antoun .
منك يا روحي منطق اللطف ارتعب
حبك بقلبي كان من قلبي انزعب
تعبت بحياتي مليح تا أعمل مليح
صار المليح يقول ضيعان التعب