شجرة الميﻻد

موضوع: شجرة الميﻻد السبت يوليو 26, 2014 7:39 pm

يا شْجرِة الميلاد بْ زياره,,,,فيها طَهارة طْفل لْ مْغاره

طلّي على لبنان يَوم العيد,,,,وخَلّي لْ قلوب تفكّفك زْرارا

مْن كل قلب يْطّل حُب جْديد,,,, ويْفوت من حاره على حاره

بَدّي هْديّه و غَيرها ما بْريد,,,,يْعمّ السَلام بْسوريا الجاره

بْدل القذيفه و صَوت لْ بْواريد,,,,اسّمع جْراس العيد هدّاره

يتكاتفو الاخوان ايد ب ايد,,,,وترقص بيوت الشام وحجارا

تا تعّيِد فْلسطين بالتَحّديد,,,,يْصَلّي بْشارا بْ البشاره

وحَرب لِ ولْعت تْنطفي نارا،

موضوع: رد: شجرة الميﻻد السبت يوليو 26, 2014 7:40 pm

لعبة التلج
------------
انتي و أنا بالعيد
واللعبه
أطفال مْلكو الكون
ايديّنا،
و احلامنا باللعب
خبيّنا،
حتى نكَمل لعبك
ولعبي
تا شجرة الميلاد
ضوّينا،
شُ تشَوهَرو عالجّو
عَينينا
قلك بجيب البرد
مش صعبه
ما زال لَون التلج حبَينا
---------------
بهزّ السما و بتتلُج علينا

» شجرة الميﻻد
» عيد اﻻم
» جيش بﻻدي
» بﻻدنا ايام زمان
» حكاية شجرة