سليم شلهوب وعدنان سعيد وبحر الزجل حركشة عا الخفيف

Adnan R. Said
Ayer a las 14:21
حوار صار اليوم بظرف نص ساعة بيني وبين سليمان طراد وسليم شلهوب
على موقع جنية ورق ... بعيد تنزيلو بالخوابي هدية لشعراء الجوقات والمنابر ..
ألشاعر سليمان طراد
--------------------
سلّوم ..كل ما طيفك قبالي مرق
بحس عا عدنان فرقع واحترق
بموقع خوابي قضيت عا كل الشباب
ما ضل عندي غير جنية ورق
هههههههههههه
Adnan R. Said
سليمان يا كتاب الما بقبل طالعك
لو كنت حوت الشعر شعري بالعك
لوما بخوابي الشعر ضعت و ضيّعوك
ما قصدت جنيّه تا تقرا طالعك
Salim Chalhoub
من قبل ما عا بوابنا زندك طرق
عا وهج إشعاعاتنا راسك برق
وكنت شجره والورق فوق الغصون
رجعت شجره لا غصون ولا ورق
-----------------
ألشاعر سليمان طراد
جنيّتي موقع عملتو وما انترك
لوما عليي تبعتوا بسرعة الدرك
وموقع خوابي الشعر ما بيسكر حدا
لوما فانوسو بإيد موهبتي انفرك
-----------------
ألشاعر سليمان طراد
غصوني منابر والطيور بيوقفوا
تا يسمّعوك الصوت ..من جفتي انعفوا
وغصن اللي عنّو قلت ما بيحمل ورق
بيكون عالي ..وصعب انك تقطفو
Adnan R. Said
فركت الفانوس وطل مارد ابتكار
وحامل بإيدو سيف قصّاف العمار
وحامل بإيد التانيي باقة ورود
تا يحطها عا قبرك وينهي الحوار
Adnan R. Said
بعرف سليم ان فتّح على الشعر عين
بيرجفك و بيترك على الكل دين
و وحدي انا مكتّف جناحك بالزجل
كيف لولا علقت ما بين التنين
Salim Chalhoub
كنا سوى والمعركة بساحة "زجل"
من ضعفك خترت الهريبه عا عجل
وجنّيت لما رحت عا جنيتك
وبعدا "الخوابي ؟ وال"زجل" ساحة زجل
------------------
ألشاعر سليمان طراد
ورودك ما فيها عطر ..لا تهدي بقا
وتجيب كمشة عطر ..اجمل مطرقة
حمل الورود بيلزمو شاعر كبير
عندو قلب مبيّض متل الزنبقة
هههههههه
ألشاعر سليمان طراد
عمّو سليم ..اسماع لا تسمع حدا
بحر الزجل ..جنيّتو تركت صدى
تركت الخوابي وجيت عا جنيتي
لما انعزمت وشفت ارتب عا الغدا
هههههههه
Adnan R. Said
قلبي انا ابيض عم ينقّط هفاف
والحب منّو تدلدق وعالكل طاف
بهدي ورودي وكرت جايي يقلها
تا دوّب شفافي على اطيب شفاف
Salim Chalhoub
الشجره العليها رشرش دموعو الندي
متلي ومتل عدنان ورده مورده
وانت شجره يابسه غصونك حطب
غير طير البوم فوقك ما هدي
-----------------
ألشاعر سليمان طراد
شفت الفرق بيناتنا ..بعيدي الدروب
لازم قبالي تنحني وترجع تتوب
انت بتدّوب شفافك عا الشفاف
وبحر الزجل بالجسم كلو عم يدوب
ههههههههههه
3 hrs · Edited · Like · 4
Adnan R. Said
بجنيّة الاشعار حاجي تدعي
وحدك يتيم وصرت عقل بلا وعي
استقبلتنا وجنيّتك ما شفتها
ناديلها تا تقوم بالواجب معي
---------------------
ألشاعر سليمان طراد
طير العلى غصن الجمال بينتشي
الا على غصون البلاغة ما مشي
عدنان يا سلّوم بكرى بتفرمو
جنيّتي ...حتى يبطل حركشي
Adnan R. Said
شفافي انا بتسكب عا خديها هنا
وبسكبلها الترياق بليالي الجنا
بتدوب انت قبالها لكن معي
بتدوب هيي .... وال مدوّبها انا
ههههههههههه
ألشاعر سليمان طراد
بتدوب فيك..؟؟ ضحكت تا قلبي اشتعل
وسلّوم لما سمعك اسمعتو سعل
مسكين عنك قال ..قلي خطيتو
بتسايرو ..لا يطق قلبو من الزعل
Adnan R. Said
شوباك بو طوني تعا وشد الحبال
تانربطو بميل اليمين وعالشمال
انت وانا ربين للشعر الحلو
والبحر رح بيسير عا دروب الزوال
Adnan R. Said
فاضت معي والله عطاني الموهبي
تا افضح البيكون عالمنبر غبي
روحو ابعتولي نسور شعر مدربي
تا تقوم يا اخوان هون بواجبي
وشيلو البحر حطوه بتناك الزمان
صارت حياتو حد مني متعبي
----------------------
ألشاعر سليمان طراد
جنيّة وراقي ..قوافي عا السطور
بتمرق عليها عيون ..وبتحمل شعور
الما بيعرفوا بسر العيون الدافية
ما بيفهموا كيف شكل بتغني الطيور
-----------------
ألشاعر سليمان طراد
بحياة ربّك ليش ..طرت من الزجل
وكبّوك يا عدنان احكي بلا خجل
لوما يجي بحر المواهب ينشلك
ما صرت تكرج هيك كرجات الحجل
ععععععععع
Adnan R. Said
في طيور بيغنو عا تختي زقزقة
وطيور بتغني قبالي حرتقة
خود الطيور ونتّف رياش الحنان
وخلّي طيوري للذكا والحربقة
Salim Chalhoub
كتر ما آكل على جنابو زقيف
صار فخدو مبلطح وجسمو نحيف
ومن جهتي خصمي ضعيف بساحتي
و ما بحب إتمرجل على الخصم الضعيف
---------------------
ألشاعر سليمان طراد
طيورك غبيّة بس منّو بإيدها
بتخلف مع الحلوين بمواعيدها
لكن طيوري منكّحة ..يا صاحبي
بتحمل طيور الوز بمناقيدها
ههههههههه
Adnan R. Said
مع احترامي لموقع الشعر الكبير
حسّيت حالي اكبر واكبر كتير
وهلق لعندو رجعت حتى ادعمو
وتا خلّصو من مجرم المتلك خطير
Adnan R. Said
خلّيك مع وزّي تقاقيلك منيح
ومع كل غزّي تنوجع حتى تصيح
لكن انا عصفورتي متل النسيم
الا معا بطلت اعرف استريح
Salim Chalhoub
لما عا ساحة حرب بنزل عن يقين
بيصير كفي مجرم من المجرمين
قلي الحكيم مسموح تضرب بالشمال
لاكن منعني إضرب بكف اليمين
----------------------
ألشاعر سليمان طراد
ما بتفزع ...يشوفوا شو كاتب شيلها
بكرى عليك بيغضبوا وبيزعلوا
كل كلمة انتبه عا تحليلها
مجدي ..!!غلط عدنان ..روج وازعبو
ههههههههههههه
Adnan R. Said
نكايي بصبي حربوق متلك مدعي
موقع زجل يللي مرافق مطلعي
من هلق ورايح انا رح ارفعو
وهوّي بيجي تا يشيل بالحمله معي
----------------------
ألشاعر سليمان طراد
سمعت الوصيّة بالقلب ..خاجي تهين
رب السما وتحكي بحق المؤمنيين
قلّك لا تضرب سيف جتى عا العدا
وكلما البحر بيكفكفك دير اليمين
ههههههههههه
ألشاعر سليمان طراد
هيدا كلام ..بموقعي لا تمرّقو
وعارف انا الشيطان زاتو معرّقو
لا فيك راسك ترفعو وخايف انا
موقع زجل ببحور وهم تغرّقو
هههههه
Adnan R. Said
سليمان اوعا تقول كلمة نابيي
حروف الفصاحة عا شفافي رابيي
ان رادو انا عيوني فدا موقع زجل
ولولا ما رادو بضب حالي بخابيي
---------------------------
ألشاعر سليمان طراد
ها الخابية صارت قضيّة ..يا سلام
ردّت لموقع صاحبي حب وئام
البيك اعترف بالخابية وشرب الأمير
وحققت حلم مناوبو عمك وئام
ههههههههههههههههه
Salim Chalhoub
لا تخاف نحنا متل فضلك مؤمنين
لاكن انت مفروض تعرف عن يقين
لولا ضربتك كف بإيد الشمال
بيضل عندك روح تا تلقى اليمين ؟!!!
Adnan R. Said
ما قدرت لينا بالعواطف والحلا
جايي بسياسي تحرتق قبال الملا ؟
نحنا ان بيفرقنا سلاح المرجلي
منعود نتلاقى على فرض الصلا
-----------------------
ألشاعر سليمان طراد
عندي شعور اليوم ..بعد اللي انقرا
ومن بعد ما اعرضنا شو عنا مقدرة
مبارح نمت وحدي ...مقاصص يا شباب
واليوم خابف ما تدشّرني المرا
----------------------
ألشاعر سليمان طراد
طيّب اذا شددت تا يتمّ والوئام
شو خصّني ما زال داعي للسلام
يعني بطريقة تانية رح فهّمك
ما بتعترف بالحق يترشح وئام
هههههههههههههههه
Salim Chalhoub
ههههههههههه
عندك مرا باقة ورود بمشتلك
قبلت. مليح البعدها عم تقبلك
لوما عا كتفا قادره تحمل جبال
وحياة الله ما بتقدر تحملك
---------------
ألشاعر سليمان طراد
يا سليم البحر عندو مقدرة
يقرى النوايا المش ضروري تنقرا
مرتي بتحمل تقل دمي عا الأكيد
وانتي بربّك ليش ما بتحمل مرا
ههههههههههههههههههههههههه
Adnan R. Said
نازل انا و بربح اذا بجد السعي
ومتلي وئام كتير بعرف المعي
بيترشح وغيرو كمان ترشحو
و الا اللي عندو حظ ما بيوصل معي
--------------------
ألشاعر سليمان طراد
مسموح او ممنوع حقّك تمنحو
رأيك معي بلا حيلكي بتوضحّو
لما المحادل تمرق بأرض الوطن
كل اللي عندن حظ نتفي بينمحوا
ههههههه
Adnan R. Said
خود الصراحة وضل واقف عا حدا
الفكر اليساري رح بيبقى المبتدا
من بعد ما حاوي انتهى دورو الفظيع
الا الوليد بساحتي ما في حدا
Salim Chalhoub
وحياة ربك يا سليمان الحكيم
لا تفيّق جرح بيوجّع سليم
كنا سوى عشنا بهنا وحب وسلام
لولا ما يدخل بيننا خوري لئيم
--------------------------
ألشاعر سليمان طراد
يعني آحادي بتعترف يا خيبتك
قبال البشر معقول تظهر عيبتك
قلّي بصراحة انت يوم الأنتخاب
عقلك بتقنع او بتقنع جيبتك
هههههههههههه
ألشاعر سليمان طراد
شو ذنب خوري جرّب يرد الحبيب
والحق كلو عليه بتحطو غريب
تا تربح النسوان وتحبك مرا
مفروض فيك تضل من قلبا قريب
خخخخخخخخخخخخ
Adnan R. Said
لما ابو تيمور ينزل بدعمو
ولولا تركها لشخص تاني بفهمو
بعبي جيابي مال ووراق البياض
رح حطها وبقول الله يرحمو
هههههههههههه
ألشاعر سليمان طراد
يا مدعّي ..قديّش بتحيلك كتير
بكرى زهير بيزعل ..وفادي خطير
فادي بيحب يضل يرضي جيبتو
مرة بيغني ل بيك مرة للأمير
خخخخخخخخخخخخخ
Salim Chalhoub
كنا حباب وعهدنا نبقى رفاق
من العمر خمس سنين عشناها بوفاق
لاكن الخوري الساكن بروحو بليس
هوي اللي وصلنا عا محكمة الطلاق
Salim Chalhoub
بعرف أنا عندك نوايا طيبه
شو بدك بجنّية ورق يا صاحبي
مني نصيحه عود عا موقع "زجل"
يما على موقع "خوابي" مدهبي
Ya no me gustaYa no me gusta · · Compartir