جون اللقيس وفادي فياض وبحر الزجل عركه ارتجاليه

ألشاعر سليمان طراد

فادي فياض اليوم يومك

بيخبروني العيد عا فادي جنا
تزوّج وصار ضعيف حتى بالغنا
بيقوا عا شربل كامله بالافتتاح
ومتل الحمل بيأف لم بحضر انا


John Lakiss
يا بحر برحليون حمّيت الحديد
فادي لفادي صبر كافي مانحو
منشان يحمل تقل دمّك عالأكيد
ويأفّ حتى يحملك ع جوانحو

ألشاعر سليمان طراد

فادي بيعرف في الي عا الشعر دين
والنسر يا لقيّس منو بو حنين
من هيك ضل بعيد يا جار الرضا
ولا تأف متلو ..بخاف غلّط بالتنين
ههههههههههههه

John Lakiss
أوعا الغلط مع شاعر بيلبس عبي
شعرو بحقل الموهبي موسم عبي
متل النسر رح أفّ فوقك يا طراد
ت تفقس وتكبر يا صوص الموهبي



ألشاعر سليمان طراد

أفيت أفة ع المنابر يا شريك
وقفيت حرف مدهب علا المواييك
قفيت كاسي من قوافي مفخمة
وأفتك أفت دجاجي قبال ديك



فادي فياض

افففف يا سليمان بجناح الشقا
يا معلم بليس اللعين الحرتقة
الطربوش جبنا خيط من شرابتو
وعا رقبتك جينا نلفو مشنقة

ألشاعر سليمان طراد

لفيّت عا الطربوش كل سواعدك
وحرّكت كل مواهبك وقواعدك
وهلق اعرفنا كيف تم الأستلاء
جون خاين ..عا الجريمه ساعدك
هههههههههههههههه

John Lakiss
هلّق يا فادي حوّش كروم العنب
وبأيد فكرك طال نجمة بو دنب
سليمان بدوّ ياك تنزل ساحتو
الساحة ألك رح قوم أقعد ع جنب


فادي فياض
انت وانا يا جان وحدة حالنا
مع سنديانة زان فاضي بالنا
قديش بدو البحر يزحف عالشطوط
ويحلم بانو يطال ارز جبالنا


ألشاعر سليمان طراد

فادي قبل مده قصيره غالبو
والنسر ما بتقدر تفك مخالبو
ما جيت طالبكن على موقع زجل
بطربوش جايي طالبك او طالبو

ألشاعر سليمان طراد
أفيت أفة ع المنابر يا شريك
وقفيت حرف مدهب علا المواييك
قفيت كاسي من قوافي مفخمة
وأفتك أفت دجاجي قبال ديك
هههههههههههههههههههه

يا طراد حاجي ولدنة بدك دوا
اعصاب يشفي حالتك بعد النوى
جربت اصلي الديك لكن شايفك
راسك متل كاسك من قزاز وهوا

ألشاعر سليمان طراد
كاسي رفعتو مواج من بحري الغميق
تا داخ الله وقال موجك شو رقيق
وانتي طبشتك متل كاسي بسكرتي
وجون المدوّر طبشتو متل البريق
هههههههههههههههه

ألشاعر سليمان طراد
فادي قبل مده قصيره غالبو
والنسر ما بتقدر تفك مخالبو
ما جيت طالبكن على موقع زجل
بطربوش جايي طالبك او طالبو
هههههههههههههه


فادي فياض
يا بحر موجك ما انعرف بنعومتو
عا كسر صخر الشط فشلو فلومتو
اللقيس والفياض جابولك بريق
اكرع شعر وشعور من زلومتو

ألشاعر سليمان طراد
بريق الطبشتو كيف بدي اكرعو
ما مواج شعري ما بتقدر تبلعو
من كتر منّو تخين رح خ علّي المواج
وعا شط زتو وينتهي وزتك معو

فادي فياض
يا مواج بحر الضعف زمو واستحو
بحر الضغيني في عصاتي بفتحو
لا في بحر زت الشمس من جوها
ولا في هوا زت الجبل من مطرحو

John Lakiss

طربوش حنا تاج ع راسي اكيد
وتاج لملك ما بيلبق لمتلك عبيد
بتقول أنو طبشتني حكيك زهيد
يا طراد حنا كلمتو خوابي نبيد
شربت الخمر من خابية شبعت نهيد
وسكرت حتى غفيت يا عبد الحميد
وحلمت أنّك بالشعر طحبشتني
جايي ع راسك طحبش بيوت القصيد



ألشاعر سليمان طراد
ما زال جايي ترصّني بالطحبشي
رح رجّعك عا كور زاحف أو مشي
ههههه
بحر الزجل عملاق..يا جون اختشي
وساعد حماتك بالطبيخ وبالحشي
ههههه
بيكفي معي متل الدجاجي برحشي
او متل يلّي شاف شوفي تا غشي
خوابي المعنى نبيدها خمر الكلام
وجرار خلّك بالزوايا مقششي



John Lakiss
يا ديك صيح وكلمتك ما تغششها
أحسن ما أحشيك وجناحك أششها
خوابي كلامي لبزوايا مقشقشي
تخبى الي متلك تحت فيية قشها

ألشاعر سليمان طراد
يا جون لوما البحر تاريخ افتقر
بعمرو نبي وقديس موجو ما احتقر
وانتي البيعينّك حصرم الكلمه انفقر
المخرز تطعّوج عند ما بعينك جقر
الأزميل ما بيحس فيكن لو نقر
من هيك مجدك بعد توبو ما اندقر
يعني اعترفت مواهبك ضيّعتها
يا بالقبو يا محل ما نامو البقر


John Lakiss
يا بحر موجك ملعبة للريح زيح
حصرم غرورك عن عيوني يا شحيح
جاية بمخرز كلمتي وزميل ريح
أنحتلك وأحفرلك الليلة ضريح
صوتك يا لص بيشبه كتير الفحيح
بتقول شعري ضاع حكيك مش صحيح
شعري جراس العيد ب فخر ومديح
وجوا لمغارة تزكر آنكنك فصيح
نامة البقرة حدّ الله بمزودو
ومش عيب شعري آنكان ع جنب المسيح


ألشاعر سليمان طراد
يا جون عني الكل بيقولوا صريح
ما بساير الشعّار ما بحب المديح
ما شفت عندك موهبه وحبرك شحيح
خايف معي لا تروح شيح بقلب ريح
طيّب انا رح وافقك تا تستريح
وبمغارة المصلوب شفتك عن صحيح
الناموا تا دفّوا ربّنا دب.. وحمل
مظبوط كنت الدب دفيّت المسيح



John Lakiss
شبّهتني للدب والله العظيم
ت تهرب وما نقول عنّك شو غشيم
قبلت كون الدب يا شب الفهيم
وأغمر الرب لكرسح جيوش الجحيم
وأنتَ كنت هيرودوس بهاك الزمان
عم تقتل الأطفال بي أورَشَليم

ألشاعر سليمان طراد
هيرودس السفّاح جهلو مقتلو
غلّط بقتل ولاد الله ما الو
والبحر بحر مواهبو الدنيا تلو
وموجات حرفو عا المدابح رتّلو
لكن في عنا المنبر ومستقبلو
جلّاد بدي اعمل ولا تزعلوا
ولاد المنابر كلّهن عاهه زجل
وابن الما منّو خير لازم نقتلو
ههههههههههه

John Lakiss
الحجي ضعيفي دماغك لهيقى فتل
وبي بور أرضك شتل شعرك ما شَتل
يا طراد حنا هممك الليلة عتل
جلاد عامل حالك بكل الكتل
وحتى زجلنا يخلص من الكافرين
أنت أوّل شخص لازم تنقتل



ألشاعر سليمان طراد
يا جون صاروا ذنوب منبرنا كتار
مش للقتل للحرق ببراكين نار
ما عاد فينا بالزجل نسمع حوار
الا قتلني وبقتلك بالأختصار
قتلني اذا موتي بيعمل انتصار
وبيرجع المنبر ربيع واخضرار
بموت بمعاصر فلسفه عنب الحياه
وبرجع بخمر المعرفه بآخد التار