إلى روح جبران

قصيدة شروقي للشاعر اللبناني الأصيل بطرس شاهين، الذي كلفني بكتابتها في هذا المنتدى الرائع، وقد قرأت عليه بعض محاوراة هذا المنتدى بين الشعراء الألمعيين، فكان مسرورا جدا، وقد عبر لي عن اندهاشه لقصيدة بيروت للشاعر سليمان طراد،وقال لي:" لقد ابكتني رقت معانيها".

يا مدينة لجبران عاش فيها ++++ مجد وغنى من الفكر عاطيها
وكل ما بيمرق بمجالها الانسان +++ بيشعر بالنبي الكان غانيها
وإذا جينا على سيرة الإيمان +++ سطر سطور بأبهى معانيـهــــــــــا
خلا الفلسفي حكايات وين ما كان ++ لخير البشر والأجيال ترويها
وهيك انحلت قصة الأديان +++ كتلة مشاعر والرب باريـهــــــــــا
وحياة البشر واقع وبرهان +++ دستور ماشي عا أهاليـهــــــــــا
يا فكر نور بصيرة العميان +++ وحرر أيادي الزل طاويـهــــــــــا
وعلم محبة مفهومها القربان +++ القدس عرش الرب يهديـهــــــــا
بالعمل مأكد رح ينهض البنيان ++ تقدمة لله لع دوم حاميـهـــــــا
ويلي بيحيك بصوابعو فستان +++ متل الهديي والولف غاويـهـــا
ولما ما حقق بموطنوا لبنان +++ بجيرة غباوي والجهل عاميـهـــا
إجا عل الغرب تا يفجر البركان ++ بنار المعرفي والحب كاويـهـــــا
حتى ما ضل عندن في حدا عطشان + وبلاد الشرق نهاراتها لياليـهـــا
شاعر، فيلسوف، مصلح وفنان ++ وأرزة شامخة عا روابيـهـــــــــا
حتى اليوم صار بالامكان ++ + انسمي الدني كلياتها لبنان
وروح جبران ترفرف حواليها.

» فلاسفة من لبنان