زجليات فيسبوك

نسر وبحر

كلما علي فيي يا شعر النو
كلما دفوف المنبر ارتاحوا
راحوا اللي كانو يحلّقوا بالجو
كل اللي راحو تعملقو وراحوا
لهونيك مطرح ما بيحكي الضو
ةقلب الشعر مصلوب عا لواحو
وليش كلن نازعين الجو
وديك الشعر ما بيطلع صياحو
أو بتعملوا منبر مرتّب أو
باب الشعر صبو عا مفتاحو
ان ما بتقبلوا بحل البحر والنسر
بدو الكل يخرطش سلاحو

غاب الوقت من زاكرة بالي وهرب
لما قلت بدي الخوابي تنخرب
الا بيجي عدنان وبيسأل علي
قهوة البحر الميت كيف بتنشرب

هوني استحيت وقلت فلتحيا العرب


Adnan R. Saeed
أيّـا عرب ؟ ما في حدا يلبّي الندا
من بعد ما الحكّام باعو ترابنا
و " فلّو اللي كانو هون مش باقي حدا "
هيك بكرا منكتب على بوابنا

عم يندهونا يا بحر غيّابنا
14



ألشاعر سليمان طراد
ألشاعر سليمان طراد
من بعد غربه قلوبنا الرجعه اشتهوا
وكل غايب قام حط منبهو
الا بيجينا صوت من افريقيا
ما قدرت الا ببوم اسود شبّهو

لا تندهوا ما في حدا لا تندهوا

Adnan R. Saeed
ولك كيف بدّك ترجع و بدّك تعود
عا بلاد ما فيها حكومي و لا عهود
كم يوم رح تخرب و يمكن تنتهي
و تصير طابة بيلعبو فيها القرود

مطرح ما قادر ترزق الأفضل قعود

ألشاعر سليمان طراد
لا تنصح المحروق قلبو من الانين
وقضى حياتو بغربتو شوق وحنين
لا تخاف مش رح عود عا بلادي انا
قاعد على خازوق بالغربه تخين

معمول من سنّة التماني واربعين

Adnan R. Saeed
خليك برا تا تضل رفيقنا
ولا تعود تشرب ذل .. فاضي بريقنا
شو هالنهايي بإبن لبنان العريق
عم نفتخر صرنا بحلا خوازيقنا ؟؟

يللي خلقنا ما بقا بيطيقنا
هههههههه

ألشاعر سليمان طراد
لما الحرف عا ضهر موجاتي انطلق
نحنا الاكلنا هون بالغربه الفلق
وشايف بعد ما صار ازمه بها البلاد
معقول نرجع متل ما الله خلق

9 horas
الأنترنيت والمنبر

ما لازم تعتبوا عليي لأني
عا أنترنيت عم أكتب.تمنّي
ما بيخيب ظنّي بالقرايه
لأنو النت فاضح كل إني

سمعت مهووس عم يحكي بقفايي
وبيقلول على المنابر ما بجنّي
كأنو بيرتجل إبن الحكايي
وما بقدر انجح وحلّق بفنّي

وانا معروف عني ..من البدايي
المنبر هاجرو من زغر سنّي
واذا رح تسألوا بالصيف جايي.؟
تا غني....؟ بقول جايي غصب عني

تا غنّي عا المنابر مش رجايي
رجايي المنبري يخف التدني
ويبقا الشاعر مهذّب كفايي
حتى بكل رده فيه هنّي

ولأني واقعي ومن دون غايي
بخلّي رجعتي فيها تأني
لأنّو الكل كذبو من عدايي
بدّي عود افضح كل شاعر
بيقلك إرتجالي عم يغني

برمة دهر
لما الدهر بيجور ..أو بيخون
بدّك تصفّي بالغصب مجنون
وتا تعيش ما يزعل حدا منك
لا تكون ..حاتم طي..جاحظ كون

Hace un momento
الى شادي موسى وخالد فاروق

أوف أوف

قبل ما نبتدي بسرد الوقايع
اسمحولي ..قول ..إنو الحق ضايع

خالد ما تهجّم ..قال رأيو

بشادي .اللي ضميرو صار بايع

بعد شعّار ع دعمو رتأيوا

كأنن متل حملان الودايع

يا ريتن بالوسط بقيو ونأيوا

كنّا بالخوابي ع القليلي

حضرنا بالزجل اجمل وقايع

يا خالد أو يا شادي ضبضبوها

وبلا ما تعلقوا بدقني ازرعوها

يا ريت بتسألوا عنّي صفاتي

صاروا الكل هون بيعرفوها

ما فيني شوف فتنه وشر آتي

وعالم بالدني عم يخربوها

الا ما اجي واعمل إماتي

وانهي المشكله بإما وأبوها

لكن هون في مشكل زواتي

وقصايد طالعه من الألفوها

كرامة مشكل بضحي بحياتي

وبطلب بالخوابي وحق الله

انشالله عضامكن بتكسروها

يتبع

يا اسعد لا بقا تطلّع اشاعه
عن اللي احضنتهن ..عيب وبشاعه
واذا بنحكيك ضيف ..وما تفكّر
عن بنمننك ..هيده شجاعه
نقول الحق تا ترجع تبكّر
على بلادك لأنو في مجاعه
نحنا ما حدا عنا مسكّر
بيوتو للضيافه يا جماعه
اذا واسيتنا اوعى تعكّر
المحبه جوّها بخفه ومياعه
وتا احكيها بصراحه..بحب زكّر
بعد ما انتهيت الحرب اللعيني
رجعنا بأربعه وعشرين ساعه





ولأنو الحرب يا اسعد لعيني
وعملت تفرقه بدينك وديني
لا تبكي عا زمن بالناس نكّل
وتفتح للفتن مخزن ضغيني
جوابي عليك رح يطلع مبكّل
لأنو الحرب اخدت من سنيني
وتآمر ها الدول نسوان ثكّل
وما في أم ما صارت حزيني
شب بيحمل الفرد المنكّل
وشب بيسرق الخزنه التميني
ومقاوم عا زنود العز شكّل
وحمي ارض الكرامه بوعد ديني
لها الاسباب عا ربّك توكّل
وقلي بعتزر يا بحر فيني؟
بدّي اطعمك بوظا مشكّل
وبسوريا الكبيره وبوطنا
الفرق كبير ..بين ضيعه ومدينه



وقبل ما تعتب علينا هدفنا
ترجع للوطن تا البعد يفنا
نحنا ما غدرنا بالحبايب
لكن صدق يا اسعد قرفنا
ما ضل محل عنا للقرايب
الا وما تأهلنا بأسفنا
وحتى الأمن لما صاير سايب
ديب الغدر طعوجنا وقرفنا
انا عا الشام يا ابراهيم دايب
هيي اختنا ولوما اعترفنا
لأنو الحل بيولد عجايب
نحنا بنحفظ الجيره ولكن





ولأنو الشعر يا اسعد قداسه
عرّم كاسك ودقو بكاسي
نحنا كلّنا اخوه ولكن
الجيره بدها سياج وحراسي
ولأنو الجو يا ابراهيم داكن
حكيتك بالكلام الديبلوماسي
اذا تفّهمتني حرّكت ساكن
رغم ما الطرح بيولد حساسي
عنا فقر ب كل الأماكن
وعلينا كلنا في ظرف قاسي
النازح شوف وين اليوم ساكن
بشوادر وجّها بؤس وتعاسي
سمعت بسوريا عملو مساكن
وشعب اللي رجعها وبحماسي
خبّر في أمن ممسوك ماكن
وجريمه تضل نازح ب وطنا
وتسمع كفر اصحاب السياسي

يا سايق وما شفت قدّامك
توقّى في طلعه مبلط فرامك
وتا تصير تنزل عا البحر يا خال
جمّع الشام وكل أزلامك
فاروق كاتبلك قصايد عال..
وشادي منقّح بهت اقلامك
والكل قالو يا محمد فال
تمسح دموع الذل بكمامك
بيخبروني بتغدر ومحتال
وما في حدا بيضل قدّامك
رح خبّرك لولا كنت رجّال
جرّب بخنجر حرفك تغني
وحياة الله بكسر عضامك


لا تصبح غير عا الكلمه ونقيضا
قبل ما تكتب قلامي العريضه
يمكن بالشعر والشاعريه
الوحيد بتقشع كتافك عريضه
انت يا محمد بلا سؤ نيي
بتشبه حج رايح عا الفريضه
مكبّش بالديانات الغنيه
متل ما كبّشو شيوخ الدواعش
وبلا ما تعرفوا عالم مريضه

وقبل ما تعتب علينا هدفنا
ترجع للوطن تا البعد يفنا
نحنا ما غدرنا بالحبايب
لكن صدق يا اسعد قرفنا
ما ضل محل عنا للقرايب
الا وما تأهلنا بأسفنا
وحتى الأمن لما صاير سايب
ديب الغدر طعوجنا وقرفنا
انا عا الشام يا ابراهيم دايب
هيي اختنا ولوما اعترفنا
لأنو الحل بيولد عجايب
نحنا بنحفظ الجيره ولكن
مش عا حساب سمعتنا وشرفنا