زينب والبحر سياسي

زعيم الزعماء

آخ منّك يا زعيم الجوخ
قديّش حنيتلك جبب وشيوخ
مبروك صاروا الكل بيحبك
وشخصيّتك فيها مجد وشموخ

بيخبّروا بتحب تتنزّه
وفاسد ..وراشي وبايع الوجدان
وانتي زكي وقديّس ومنزّه
وبعرف وفاك وحبك اللبنان

لا ترد آه لا ترد ضل كبير
ومطرح ما بدّك يا زعيمي طير
طالب بحقّ الشعب لا تهتم
وحصّل حقوق بلادنا لا تطير

من كل قلبي هون عا الفيسبوك
رح امدحك كلما الحاقد قح
عا ها الوزاره الخدتها السبقوك
فلقوا الدني وهنّي يقولوا بح
وما في وزاره بها الوطن عطيوك
الا سيّاديه انتهت باللح
تأكد العالم كل ما سبّوك
أنو الغلط هنّي وانت الصح

Zainab Hmadi
سليمان يا بو ذاكرۃ عورۃ
لا بتنفع ل حكمۃ ولا شَوری
بتنفع تطبّل..خرج دق طبول
ويوقّفولك زِلم عالدورۃ
عا شو عم تنفخ بقرن الفول
الخسران شي ميۃ ألف دورۃ
عا شووو عم بتألهو ومذلول
ورافع قرونك طول هالحَورۃ
لولا كنت شاعر حقيقي قول
وضعنا بلبنان مش مقبول
نحنا الوطن .نحنا الارض والشعب
من قلامنا بتبلّش الثورۃ


سليمان طراد
أيا وطن يا ست أيا اجر
رح تاخدي بها الكون يا ربي
عيبه عليكي كل شقة فجر
بتصبحي المسؤول بمسبه

خايف مع الايام يا زينب
عا ها الثقافه ولادنا نربي

Zainab Hmadi
المسوول اﷲ لا يسهّلوا
وحكيي الو ما بخاف وصّلو
بيكفي بلادك يا طراد تخون
بيبقی الوطن بس هِنًّ بيفلّو
ولادي الاغلی من نظر لِعيون
ن كبروا ع قول الحق..بيضلّو
بربيّهن ومتلي علی المضمون
يا بكون حرۃ يا بلا ما كون
بعلّمهن يحبو الوطن بجنون
يعيشو بكرامتهن ما ينذلّوا

ألشاعر سليمان طراد
يا فاشله عا منبر ملوكي
عا منبر سليمان كبّوكي
تا يعلّموكي الشعر والترتبيب
بركي شهاده حسن يعطوكي
الشاعر يا زينب مش غبي لعيّب
والله دخيلو بيعرف سلوكي
شاعر انا طيّب وبرشح طيب
وباليا هلا بيوتي بيلاقوكي
لا تغلطي بالسب والتسبيب
بمسبة الأهل اللي ربوكي
ولادك اذا عا الذوق والتهذيب
ما تعلّموا بكرا بيسبوكي


Elie Bou Antoun


عا موقع الألهام روقو شويّ
سليمان حاجي بزينب تحركِش
بتغرِّق المتلَك بنقطة مَيّ
و مِيّة(١٠٠) بحر بالميّ بتفركِش

ألشاعر سليمان طراد
لو لبّسوها زمرد ومرجان
تأكد معي ما بتلبس التيجان
ما البحر البحر وموجتو موجه
وزينب بسيطه بتغرق بفنجان

Zainab Hmadi
جاهل بحق ل بال ظلم رادك
يا خاين ال بتحب جلّادك
بتحكي بلا ما تفكّر وتهتم
ولا بتنحسد بالفكر أبعادك
ربيان عا حب الفقر والهم
وضحكۃ زعيمك ..كل أعيادك
وعا شعب عم يدفع كرامۃ ودم
من فانزويلا تكب أحقادك
لو فيك نتفۃ دم ما بتنسم
كنت بتجي وقد الحكي بتكون
بهم ومرض بتعيّش ولادك


ألشاعر سليمان طراد
ألشاعر سليمان طراد
ولادك ضحيّة وضع مش عادي
وعاها الثقافه عيب يتربّوا
شو ذنب طفل زغير بيدادي
تا بنار حقد وملعنه نكبو
بعرف انا للحقد منقادي
محبيّن قلبك غيرتك عبّو
ما في سياسي بها الوطن فادي
لكن عا خدمتنا بينكبّوا
ولولا رجع يا زينب الهادي
وعيسى مسيحي بتعرفي بحبّو
ها الوضع تا يرتاح ببلادي
لساناتكن عن بعضكن ضبو
مني وجر معلّم ولادي
لا تهينوا ولو بتنهانوا
حتى عدوّن برفض يسبّوا





صوت السياسيين

ليش التتطاول عا كرامتنا
ما زالنا نوّاب أمّتنا
لا تتهمونا بنسرق ملايين
منشان نصرفهن عا عمّتنا

نحنا انتخبنا بصوت وقوانين
وأنصارنا هيّ اللي سمّتنا
كل يوم بتسبوا علينا الدين
ومن سمّها في ناس سمّتنا

كل يوم في اشباه موتورين
بتسبنا ..بتاكل بكرمتنا
وتا نرد ما بنرد متفقين
وانصارنا عا الزهد لامتنا

نحنا سياسيين محترفين
وهيك السياسه بهم لمتنا
مش عدل ..مش كل السياسين
زعران ..نحنا ربّنا بيشهد
ما بناخد قرش لو متنا