انا وارث شعر والشعر قيمه
حملتو بخافقيني وبصميمي
واذا بيكون عندك استساغه
يعني بتفهم ومنك غريمي
انا كلما طفل بالمهد كاغا
بحس بمملكة روحي رميمي
وشو زنبو بقول يقتل بالفراغه
من خرطوش طايش يا نديمي
وما زال تنينا ضد الصباغه
وانتي مفترض نفسك كريمي
نصيحه حضّر كتاب البلاغه
تا صرخ هون يا جعفر وقلك
جريمه ما تعلّمي جريمي
انا عا الكوثراني بشوف حالي
لانو اشتراكي وراسمالي
بيلعب عا حبال الطائفي
كانو بوطنامش مبالي
ياما قتل اكل عا يديي
تا صار الليل يبرم بالحقالي
وعمك بدر عندو سوء نيي
عرفت متهوم في عندو عمالي
وزهوه ناقد الكلمه الزكيه
بعد احيان في عندو سآلي
وزكرت الليكو بالشاعر يه
ولانو الشعر بدو مناصرينو
تا يرفع كاس شعر الارتجالي
عا بالي يا زجل جدد نشاطي
وابعد عن الحكي الإعتباطي
وفرّح خاطري بردة معنى
وافقش موجتي فوق الشواطي
الزجل تا يرجع يفرّح وطنا
ما لازم ينظمو انسان واطي
لأنو ها الزجل معروف عنّا
تراث الوصّلو الشحرور لينا
وانيس وطانيوس وابن القماطي
أخ آخ آخ
ويا كوثراني وين إيامك
مشتاق اشرب دمعة قلامك
صرلك شي شهر ونص ما بتطل
متل الكأنو مبلّط فرامك
بيخبّروني الكل...يعني الكل
تلفن مادورو عصّب ولامك
وقلّك إلك سنتين ما بتكل
وبصدرنا عم تزرع سهامك
ما انت معنا كنت اوفى خل
شو صار تا غيّرت انغامك
وصفيّت داعم للغرب بالظل
شو صار شو بصران بمنامك
يا إشتراكي حل عنا حل
ودشّر النقد وعيش إيامك
لبنان بدو يضل بي الكل
وبكرا بتجي الأيام رح بتشوف
مدعوس اكبر راس قدّامك
يتبع
يا إشتراكي ضاع عنوانك
التطبيع جايي حضّر حصانك
بواب الهريبه مشرّع الدستور
لا تفتّش علل الباعك وخانك
بالشرق وقفو الكل بالطابور
بدّهن سلام وعدل اخوانك
قراقير عم يستعطفو الساطور
حرّك الثوره وكز عا سنانك
ما انت يا حسّون لو بتثور
بالشعر قادر تطلق عنانك
لكن بمعركة الشعر معزور
خوفك عا جلدك بل شنتانك
جاييك عزراييل يا شطّور
وضعفك بمحكمة العدل دانك
بعرف لسانك بالهجا مشهور
والنقد عندك متل شربة مي
لكن معي بتطهّر لسانك
ضليّت تهجيني ..بصدر مشروح
تقبّلت منك ..بس ها المرّه
قررت رد عليك يا أنزوح
وارجع عا راسك إكسر الجره
وحياة الله وين ما بتروح
رح الحقك حتى عا المجرّه
وامنع ورود العنجهيه تفوح
واطرد ابليس الشعوذه برا
تا تعتذر منّي وعا آخر روح
رح امنعك تا تعاود الكرا
وتعرف بأسواق النقد مسموح
البيّاع قادر يبلف الشرّى
من هيك منّك يا حسن مجروح
وجايي تا قلّك وبنفس حرّه
ان عاديتني بتلبس الخيبه جروح
وبطمنك رح تلبس الخيبه
مش بس مره شي ألف مره
هرب
اشتقنا لغسان شديد
اووف اووف
قبل غسّان ما يعلق رقولو
ليش الناس عم بيطبّلولو
ما هوّي كل ما بتدق طبله
بيوقع من فزع قلبو عا طولو
يا غسان بيّك كان قبلي
الشعر ما يقول الا عا أصولو
اذا من مقلعو مجبول جبله
البحر تا تحس بعرّج خيولو
جبلي من زخم ها القرم جبلي
تا شعرك تعرف العالم ميولو
واذا بتجيب بدي جيب حبله
فيها علّقك ب عمد تيني
حتى خاين العالم يقولو
اووف اوفف
يا غسّان من مدّه بعيده
عملّتلك فلق بذكر بإيدي
وقبل ما تاكل العشره ندامه
كنت تصرّخ بأمرك يا سيدي
أنا شاعر ما ببرم عا الأسامي
ببرم بس عا بيوت المفيده
وحتّى تكرج عيوني أمامي
لازم ينكتب أشيا جديده
ولأنّو الدف والكلمه غرامي
سمحت الآخ تطلع من نهيدي
وحبست الشوق والثوره بكلامي
متل ما بحبس الدم بوريدي
انا يا شديد بفرض إحترامي
البلاغه مطعمه بنكهة قصيدي
ترسي الشعر سيفي الإبسامه
الخوابي بتعرف بجودة نبيدي
ولأنك صاحبي ..وصاحب شهامه
جيت اليوم تا حمّي الحديده
قصايد ارتجالي.. والعلامي
القفله قلتها لشادي..العصامي
انا بطق القصيده بربع ساعه
وانت بتطق تا طلّع قصيده
سؤال
قبل ما تطمنّوني..وتسألوني
عن عدنان ..كيفو خبّروني
بعدو طير من فرشه عا فرشه
ومشاويرو الجميّزي وجوني
ولأني بعرفو بأطباع ورشه
خايف يحكمو عارض سخوني
كان يخبّر ...!! ينامو ع كرشي
وصارو اليوم هنّي ينيّموني
الصبايا ..الحروقو فحمات مرشي
فلّو وبعدهن عم يحرقوني
بغيابن ما حلقت ما عدت فرشي
وبلا حمام.. ريتن يقبروني
ورغم ما كنت معهن هين قرشي
ولا مرّه تعاملنا بخشوني
كنت متل الملك جالس عا عرشي
وكيف اليوم ها العدنان قولو
أماني عن صديقي طمّوني
اناوعدنان اخوه بالكتابي
ولا مرّه اختلفنا يا حبابي
لكن في خلاف وما تجرّم
التباين حق وبرأيي إجابي
هوّي بيعشق الصدر المورم
وانّا بحب الطبيعي ومش غرابي
انّا مكلّخ نيابي بالمحرّم
وهوّيّي راهب بدير الخوابي
عزمني عا السهر ..قلّي.. وتكرّم
عليي .شراب مره من شرابي
ولأني طفل حدو ومش مفرّم
أخدني الكاس عا سكرة غيابي
وبعد ما دوّر براسي وبرّم
الخمر..حسّيت عم يرجع شبابي
وعا بيدر شهوتي قمحي تعرّم
قبل ما فيق من سكرة عذابي
وبعد ما الجسم من عمرو تغرّم
نسيت على الدرج شالح تيابي
عرفت عدنان سكّرجي مخضرم
وانا بالكاد كاس ونص اشرب
وهوّي قادر يقفّي الخوابي
يتبع
بعد الأحيان الشاعر لازم يكتب هيك وبعد منها
يتبع...
حازم تيابو الليل بحبال الدموع
وحامل عا ضهرو هموم مازوخ الشتي
وكذب شمع كانون ...عا مذبح خشوع
وقربّ يجي ع الكون ل مخلّص يسوع
يا غيمة ال بشباط...لازملك رتي
لا تصدّقي الأوهام ..قومي واركعي
مطرح ما شمع النذر فرفط واندثر
ونار المحبه الكانت تدفّي الوعي
ما ضل منها بها الدني ايا اثر
بيعي الضمير وحمّلي بحقو الوجع
توب السعاده باخ عا كتر النحيب
لا تنطري رجوع السنونو والبجع
الموعد بعيد وما بقا رجوعي قريب
ولازم يتزكر جرحو الشاعر
بتتزكري مطرح ما كنا نلتقي
هونيك قبل الصبح عا صخرة دغوش
تحت الندي البردان كنتي تعرقي
وبوبو عيونك يكمش حرام الرموش
هيي
تزكرت آه معلوم لم كنا سوى
قديش كنا نعشق جنون الهوا
نتمرمغ وفينا سوا يغل النسيم
ومطرح ما يحلا جوّنا نشم الهوى
واغرق بصدرك من بعد سحبة غرام
وحس بدفا إيديك عا كتافي حرام
وكلما تكشّف طير فيي تلفلفو
وتا ينام فوقك ..تدبح طيور الحمام
هو
بتتزكري من قبل ما تركت الربوع
كيف جيتي تودّعي بين الجموع
بزكر انا كنتي عا مفرق بيتنا
ومع كل ...الله يوفّقك ..تنزل دموع
..ما عاد ينفع لا جنون ولا خوات..!
وشوق الحنين ..الضل ينبض بالحياة
لا تزعلي ..ما العمر ..ما بيرحم حدا
عيشي حياتك زكريات بزكرات
=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<<%2CP-R]=AZWTix_yvZ8AlEDWhqKsBexWUyYYkqBK3IvHEbX0TM8YxVExe5INq4eqTVQKzZRZbXg3VJTmpl0of1PWESOL-od-3ZBsYlX29wmGgM-ZGpfJop9aJD8wlOIfcMdBGMzBVoM&__tn__=<<%2CP-R]