قصايد النقابه الزجليه

اجمعيني وفرقيني يا سنيني
وعلى معجن عذابي وزعيني
لأنو مطحنة عمري اثرها
غبره معلّقه بسجرة جبيني
الحياة الصالحه فوخر سجرها
بعد ما انضربت بسوس الضغيني
ولأنو ال رب بكتابو زكرها
بقيت للأذا صيده ثميني
وضعفت بعد ما الواقع حشرها
رغم ما جذوعها كانت تخيني
انا من هالحياة البحتقرها
ما بدي اشحد واكسر يميني
بدي بس ابعد عن بشرها
وعيش العمر كلو بالسكينه
واذا تأملت يا انسان برهه
بنوع ولادها من اي طيني
بتعرف للأسف طعمة تمرها
وبلا ما تغص كمّل عا السفينه
التركها لوط عا الضفه وهجرها
ولأنو ارضنا الام الحزيني
زرعها ربنا وادم نطرها
ولهالا الاسباب بدي من حياتي
فرابي يرجع يشيّد مدينه

اعذيرينا يا خوابي الشاعريه
على غياب الشباب الأشبهيي
لأنو الظرف قاسي عاوطنّا
وشكوة عيشنا صارت خطيه
وحتى اللي هجر او غاب عنا
حياتو بغربتو صارت شقيه
والمرتاح يا احباب منا
صفى بها الوضع متل البقيه
لها الأسباب يا احباب منّا
بحاله تسمح نشارك سويه
اعذرونا وخففو ها الضغط عنا
انشالله بنرجع نمشي الخوابي
وترجع عيلة الشعر النئيه
ع يشيّد مدينه


وانا ما بحب اتحدى غيابي
ولا سكّر بوابي عا عذابي
وبفضل اليوم شعّار الأونطا
متل عدنان بطلّت الكتابي
اذا شاعر لمح فكره بتنطا
بيشحن دهشتو عا ضهر دابي
متل مهرب ال تاجر بشنطه
تاما تلمحو عين الرقابه
الشاعر كلمتو من غير حنطه
بتخلد بالشعر لو كان شاعر
لأنو زاهد بمجد الترابي

احترمني يا ظرف مارق عليي
ولا تعتب لو مواجي مش نقيّه
كسرت القفل عا القلب المسكّر
وفتحت سدود فكري الشاعريه
انا شاعر خوابي مش مخمّر
التخمّر من اساسي وعاش فيي
واذا عن ها الخوابي بغيب اكتر
كأني انكرت امي وفضل بيي
ما بقدر غيب عنها ومش مقرر
انهي روح عاطفتي بيديي
ويا عدنان انتي صرت اخبر
ببحر الارتجالي بها القضيه
تركنا نضل نكتب الف دفتر
بركي بتفرج عليك عليي
وبرجع عا الوطن وبقيم منبر
وبلعن ساعة اللي غبت فيها
عن منابر زجلنا المنبريه

انا شاعر ورق لو جف حبري
القلم بيصير يبكي بالكتابي
نفد عا النت من شعّار صبري
لأنّو تهجّموا عليي بغيابي
ولأنو واسع وبيساع صدري
التحدّي بيفرض عليي الإجابي
وهفوة شعر أو مقصود ..مدري
أخونا بدر عم بيدق بابي
انا قوس القدح بالكون شبري
وعا دقني بشبر وماكن جوابي
بصدر المعتدي ولو كان عبري
وبصدر الخصم ما بضيّع اصابي
انا عا النت يا احباب ندري
شوف الشعر دهشة مع غرابي
وما بدي تسمعو من شيخ بدري
لأنو بيعشق بنقدو الرتابي
بداء الهلوسة ساخن وجدري
وعايش نجم عصر الإنتدابي
انا يا بدر قدري سماع..!!إدري
بحر غطى الرواسي والروابي
انا انجنيّت بالإبداع بدري
بدري الروس وبعتّق خوابي
انا البيعرفو عا النت قدري
ملاك الشعر ..جنيّة عذابي
انا مشهود عا المنبر بنبري
حلبت بحنكتي اللبوة بغابي
وحقنت السبع المضرغم بإبرة
وخدمت الشعر تا تجدد شبابي
كبرت بعنفواني بس كبري
ما خلّى سطوتي اركب عا دابي
انا بحر الزجل يا حسين حبري
واذا بتشاد بتحمّي الحديدي
الحديدي بشكها بإربد إصابه
ههههههههههههههه لا تلعبوا مع البحر

تعلمو ما تدعمو حدا

بتتذكرو لما حكي الاحساس
عن ها الوزير بحرقتي المره
قلتلكن قدام كل الناس
لا تدعمو الشعار بالمره..؟
ضحكتو عليي وكل من متراس
عمر وقال شعوبنا حره
وهشم بتاني ميل حتى انداس
بي الكرامه وكسر الجره
بتتذكرو قلتلكن يا ناس
بكرا بيجمعهن ع شرب الكاس
وي للاسف بيزتنا برا

الشعار مش كلن تلات ارباع
بيتقسمو بين مشتري وبياع
شاعر بينطر حفلتو تا يعيش
وغيرو على الشاشات صيتو زاع
وجمهورنا مهابيل وتشاتيش
بيفكروا الشاعر ..وبالاجماع
انو نبي وحاطت ع راسو ريش
وممنوع ننتقدو على الاطباع
وشاعر ملك وال ملكو البخشيش
وصدرو بكيس الكبريا ما ساع
واسطورة المنبر اله وعيش
يا ها الفقير..وكلنا دراويش
بنعيش عا التبجيل والتحشيش
وهني ما همن غير يبقو ملوك
ولو نص جمهور المنابر جاع

راي شخصي لا يلزم الاداره ولا الخوابي

انا وانتو ي جمهور الخوابي
شو بدنا بالنقيب وبالنقابه
ما زال بنعرف ملوك المنابر
دود الخل فيهن يا حبابي

طليع وبو ربيع بعهد غابر
اختلفو بالمحي وحرف الكتابه
وقبضو تقلنا وعبو العنابر
ولعبو بالعواطف متل طابه

ونحنا ليش عم نحفر مقابر
وننعت بعضنا بشله وعصابه
ما زال الكل بعدو عم يكابر
ويصدر حكم ع غيرو غيابي

وما زال الحرب خلصت والمعابر
فتحناها باراده مستجابه
تعو تا كلنا نرجع نثابر
ونترك كل شعار المعنى
النقابه تجدد بعنصر شبابي

قصتي مع النقابه

حوار مع النقابه

بحبك تكوني للمسيحيه
او بقلك..!! بس درزيه؟
لا لا في مهرجان بصور
بحبك نقابة شعر شيعييه

الشعار ع جمهورهن رفقو
من بعد ما زيتاتهن نفقو
وين الوزير القلن اتفقو
والكل اظهرلو حسن نيي

موسى طليع العمرهن خانن
شو بدنا نحاسب على جنانن
دشروهن عيب...منشانن
وتمسكو بوحده حقيقيه

بدنا نقابه شخص يعطيها
قادر يجدد عهد ماضيها
وكلما الشبيبه تجتمع فيها
يعلن على حفلات شعريه

لكن انا شاعر اناني كتير
بدي الرياسي سلبطه وتزوير
حالف ما بدي شوف غيري كبير
ولو كلهن رح يهجمو عليي

ايا نقابه بدك وملهوف..؟
لامة محمد أو بني معروف؟
لشعب المسيحي الكل عم بيشوف
منبر زجل لبنان خبريه

الشعار كلن من زمان بعيد
زين وطليع واسعد وبو عيد
وحتى محمد مصطفى الغريد
جمهورهم مقسوم مش بالايد
هيك نحنا وحوش بريه
بنلحق غرايزنا ..وامييي...

مين قال اني طايفي مين قال
اوعا الفتنه توصل وما زال
في خلف مني في نبي دجال
من جهنم الحمرا بعت مرسال
خلي النقابه متل ما هيي
رمز التناتش والانانيه