هجوم كاسح اجتماع بالخوابي

اجتماع بالخوابي مطلوب ابداء الرأي بس شعريا
بعد ما كنت راعي ..صرت راعي
الإداره عيّنتني ع المراعي
وتا إحكم بالخوابي حكم عادل
على عدنان رح كرفت دواعي
ولأنو كبريائي ما ببادل
ولا بدّل شعوري واندفاعي
قبلت رافق بها الموقع عنادل
رغم حرصي ما يهبط ارتفاعي
طلال اللي تعيّن ما بجادل
ضليع ..وبس بيسبب ضياعي
بأوزان الفراهيدي المعادل
بحور مقطّعه بجهدو الجماعي
وفراس عبيد ضريّب المنادل
تشكّل نجم بالخط الدفاعي
وجون العقل بيمرق محادل
على الشعار ما بيعرف يراعي
وطوني بو شموني ستار سادل
على اخصام بالدفع الرباعي
وانا متل الحمامه صرت هادل
وتا اسعى للسلام اليوم بدي
يكون الكل حاضر اجتماعي
اووف اووف
وقبل ما افتتح لحظه اسمعوني
عن اللي الصار من مده هجوني
وبيقولو بدر بيت زغير نزّل
حقد مليان وبعارض جنوني
تدخّل بو بهاء وبالمعدل
طقو بيت من خلده ل جوني
وبدر عنّد ترك بيتو وما عدّل
وهنّي هيك والله خبروني
انحذف بيتو وبالخوابي تبهدل
وشفت دمعات عينيه بعيوني
حيط وحيط راسو ما تبدّل
ولأني بعرفو مفتن مواقع
لازم كنت كبّو تتركوني
ولأنو بدر هوّي اللي هجيني
ونقل حقدو على تاني مدينه
شفتو جمّع العزّال ضدي
وعبّى صفحتو حقد وضغيني
زينب دعمتو ومن قبل مده
غرقت ب بحر شعري وحنيني
وشادي راح يدعم ها المصدي
كأنو الحج شعرو بوشكيني
وحسام الفي الو بقلبي موده
ما بعرف ليش علقلو بدييني
وهوّي لو طبشتو بكف يدي
بخلي حيط نافوخو طحيني
لها الاسباب بدي اليوم بدي
ادعي الكل كل مناصريني
تا نعمل محكمه ضد التعدي
وندعم كل موهوب وهدفنا
على شواطي الادب ترسي السفيني





عمك بدر هوي اللي هجاني
وجرحني بسيف احقادو واذاني
ويا ريتو ما هجاني ها المشحر
كنت بسامحو ع ها الاهاني
لكن بدر ها الغلطات كرر
كانو الحاكم الظالم الجاني
وكمل بالاهاني وما تعكر
مزاجو وضل يهجيني بتفاني
دخل عدنان طقو بيت سكر
بابو وقال زتوني وخياني
انا رفيق الخوابي وعيب اضهر
من الموقع ويقسو عا زماني
قلت معليش بدي الحج يظهر
بمظهر مفتن ومن بعد منها
على جنابو تعلم خيزراني