مارون داغر وبحر الزجل

طلال مطانس عكو
rSntedsopo0l08
a
i
l1ta5
o

n
1
u
ihm
1
e
2
u81
a

u8

03h7fl
1
2
l


7
:
g
s
t
j
f
d
9
·
حوار سليمان طراد و مارون داغر

أفتتاحية سليمان طراد
اووف اووف

تعا ي شعر واغمرني بحراره
وع سدني روح عا العصبه زياره
وسلّم ع لطيف وأذن اقطع
تا يسمح رد ..بعتولي إشاره
يا مخاييل بدي الشك اقطع
واعرف مين داغر عن جداره
بيقلّي جون عن مارون مرجع
وجوقه كان عندو..بالصداره
ترك لبنان يا جاري وقطّع
السبع بحور تا يعمل تجاره
وانا من جهتّي ما بحب اقطع
برزق الغير ..بدّي استشاره
انصحني يا صديقي ا ووعد بقطع
ما خلي داغر يدوق الخساره
اذا بيزعل.. !!ما بدي ولو بمطلع
اجرحلو شعورو ولو بعباره
واذا بيكون متلي ما بيفزع
ت وصّي بالخوابي ع الإناره
وكراسي من السما وكروت نقطع
قبل ما يبيعها جون وتا قلو
ينعي الكل عا ضهر المغاره

اووف اووف

يا سدني في إلك عندي محبّه
ومعزّه وعاطفه وحياة ربّي
وشوق لجاليتنا ومن شعوري
سلامي ببعتو ل عالم محبي
يا داغر انت بالصوت الجهوري
كرسة منبرك عارف معبّي
رجوعك للزجل .صفى ضروري
الدعوه انقامت ولازم تلبّي
لا تفزع ترعبك موجة حضوري
لأني لابس الإبداع جبه
المنسونور عمي وخي خوري
جايي اعزمك ع ها الخوابي
العزيمه صحن تبوله وكبّه

اووف

اناّوريّس العصبه قبل مده
التقينا قال ردي وقلت ردّه
لكن خبّروني زعل داغر
كيف بحطّمو بحفلة تحدّي
اللطافه مع لطيف بتم ثاغر
حاورتو بإخلاص وموده
ولأنو محاوراتي يا دواغر
مهمّي بحب احكيها بموده
انا ما جيت عبي محل شاغر
انا بحب التحدي يكون جدي
بصراع الفكر مش ضرب المهدي

اووف اووف

ويا عصبه الشعر تا زورك وعدني
الوقت من ها الزياره صار يدني
ولأنو جوانحي حره وطليقه
المواقع كلها بتعمر بلدني
انا يا داغر شعوري رقيقه
بيقشعر لو كسر شعرور بدني
وانتو بعصبة الشعر الأنيقه
ما إلكن حس..! يا داغر وعدني
انو تشغلّو فيها الخليقه
وحتى تنطرب ادنك وادني
بتبقو بلا نجاح وبالحقيقه
عصبه معصّبه بأعضاء خمّل
اذا ما بتعملو حفله بسدني
اووف اووف

ولأني صرت شاعر اغترابي
المواقع جيّروها ع حسابي
وما في شاعر بلبنان إلّا
مرق من تحت ايدي بالكتابي
ولأني سمعت عنّك قلت والله
بدّي اعزمو وزعّل جيابي
الموايد كلّها شعر المحلّى
وموايز ما أكل منها الفرابي
ولأنو قرايبك داغر تخلّى
عن المنبر تركنا بالكآبي
الله يرحمو شاعر تجلّى
صديقي كان من اغلا صحابي
ويا مارون اوعا تقول كلّا
لأنو بتخسر الجوله بغيابي
وبترك جسمك قصايد متلّى
بعد ما شحّدك عا دراج بابي
عنا من السمك طازه ومقلّى
وحابب دوقّك طعمة كبابي
وبقدر لعبّك معنا تسلّى
كلل اطفال يا داغر وطابي
وبكرا بعزمك عا فنزولا
اذا بتكون مذوق بالزياره
يا أهلا فيك عنا بالخوابي
=========

افتتاحية الشاعر مارون داغر

لطيف وجان. ها العصبه استغلّو
واسامينا عا كلّ لسان. خلّو

واحد شاف حالو بالزعامه
وواحد حبّ يروي عروق غلّو

عا عصبة شعرنا لقيت الملامه
ورحت للريّس المسؤول قلّو

اهتم بحالك وضلّك نظامي
والبيهاجمك عا الحقّ. دلّو

العصبه حاملي اشرف اسامي
ولازم يفهم المعمور كلّو

مهما يكون شوط الشعر حامي
مش مسموح تدخيل الاسامي
ولازم كل شخص يعرف محلّو

بشعري يا شعر دهّب سطورك
وببحر الموهبي تابع عبورك
ويا سليمان يا خاضع لحكمي
أمامي لازم تثّبت حضورك

يا آِكل من طغاة الشعر لكمي
ظَهَر تأثيرها بلغّة شعورك
انا ال نطّقت بالاشعار بُكمي
ورحت عا موقع الاشعار زورك

ولاءنّك ما دخلت صفوف حكمه
بقي عا الكلّ يتفاقم غرورك
الّعطوك الاسم ما عطيوك حكمه
فيها تقدر تدبّر امورك
عليك وعا الشعر اصدرت حكمي
يا بتخضع لحكمي خضوع كُلّي
يمّا بجمّدباءيدي بحورك

وكيف لضيعتي بتطبع مناعي
وعن حالك انت بتقول واعي
وتحشر انفك بضيعه. النسوره
حموها من التآمر والدواعي

انا والياس حلّينا المروره
وعطينا العزّ وشموخ القلاعي
وحمينا ضهر المغاره الجسوره
من الْ عا. حرقها الاشرار داعي

واذا فتحنا الخوابي للضروره
بتطلع فاضيه وبَعد المساعي
بتطلع متل فضلك بس. صوره
لا فيها بالعرس تعمل عجيبي
ولا فيها تحتمل سطوة شعاعي

ويا سليمان قلّي انت مينك
وعليي مين يلّي مفلّتينك
على كرومك عند ما النسر حلّق
العنب فلّ وعا خوفك فلّ تينك

ما شفتك بالمعاني بحر ازرق
وْ لا مخلوقات بحرك تابعينك
انت مش بحر صيّادو استرزق
انت ب حَرّ موءذي محرحرينك

يمكن بحر عا الفاضي بتشهق
لتسهيل التجاره عاملينك
تجّار النفط عملوك ممرق
ومن نعمة زفيرك حارمينك

ومعي ال الخلّوك يا سليمان تعلق
متل يوضاس هودي بايعينك
ما قدرو يحاوروك بشعريلبق
اجو تا يتاجرو بشعرك ودينك

كبش ودّوك فوق النار تُحرَق
وعرفو لوين هنّي باعتينك
رح بعطيك فرصه العيش تعشق
بكرامه تعيش ومعلّي جبينك

تْفَهّم عا الارض ممنوع يخلق
متلي شاعر بكَفّو يزينك
وْفَهِّم كل شاعر بَعد هلّق
من العم يبعطو بلجّة يقينك

انا النور ال عا كلّ الكون اشرق
وفيّي معلقّه رحلة سنينك
وحتى ما بجحيم النار تغرق
اذا ما تبعتني وخلّصت جِلْدك
لا الله وغير الله رح يعينك
========

جولة قرادي
ألشاعر سليمان طراد

كنتو جوقه من نسورا
مغموره ومش مشهوره
بتضلو بعيوني زغار
ان قطعتو السبع بحورا

اووف اووف
بموقعنا الشعري الحساس
اللي بيحضرنا ما بيدفع
مش متل السهره ع كأس
لازم تدفع تا تسمع
دقولي من سدني الناس
بمارون الداغر اشفع
من حيثو بيقرب عمو (الياس)
كل ذنوبو مغفوره
(الله يرحم الشاعر الياس داغر)

مارون
نحنا جوقه من نسوره
بنعمة الله مغموره
وتا فيك تعالج عينيك
روح شفلك شي دكتوره
......

يا سليمان ال مش معروف
بعدو اصلك من فصلك
بتتحدّانا عا المكشوف
تا علينا تمرّق فصلك
الياس ومارون من الشوف
تمنّولك تحيا باصلك
نادر سدني حتى تشوف
وتوفي ل مارون ندورا

سليمان
مش عارف أصلي يا ضعيف؟
أصلي شمالي وطرادي
الزرقا مشقفّها تشقيف
لبست الغيمه لبّادي

جايي تهجم قلي وكيف
بتركب موجي.. وطرّادي
وما عندك حتى مقاديف
وب سدني عايشش خوييّف
تركب حتى بشختوره

مارون
شقّفت الغيمه نفناف
ولبّدتا فوق كتافك
الرًسام ال ها المنظر شاف
استحلى يرسم اوصافك
ويا محلّى بدمّات خفاف
ركاب وركّب احلافك
بشختوره وايدك مقداف
وبرّمهم عا المعموره

سليمان
كنتو جوقه من نسورا
مغموره ومش مشهوره
بتضلو بعيوني زغار
ان قطعتو السبع بحورا

ركبّت على مواجي رفاق
وبحرّتن بالشعر منيح
حتى المنبر نام وفاق
عا مخدات من تواشيح
وبالإبداع وبالأخلاق
انصبنا عا الغيم مراجيح
وحتى توصل للأنفاق
يا مارون اسباح منيح
وشيل الدر من الأعماق
الكلمة الما فيها تجريح
وان ما بتقدر بالآفاق
تسبح معنا حاجي تصيح
متل اللي نازلو فتاق
وطلع براسو دنكوره

مارون
رفاقك داخو يا سليمان
من شرب الخمر المغشوش
شافوك بعدّة الوان
متل الطاووس المنفوش
بَحْرك فاضي من المرجان
ومعبّى اسماك قروش
لا خرج تغنّي قصدان
ولا خرجك تاج ولا عروش
انت سفنجه مش انسان
بتغرق من كبسه وبتفوش
وبحرك ما يطلع فنجان
تبصّر فيه الحشّوره

سليمان
اووف
كنتو جوقه من نسورا
مغموره ومش مشهوره
بتضلو بعيوني فروخ
ان قطعتو السبع بحورا

اوف اووف
يا جايينا بمحضر جلب
وجارر خلفك دوريه
لا تبرم وجك بالقلب
روقها عليي شويي
بحر الكلمه عندو قلب
بيشرب بطحه والفيي
عنباتو من جبال الالب
ونبيدو من ميلدورا

مارون
رفاقك داخو يا سليمان
من شرب الخمر المغشوش
شافوك بعدّة الوان
متل الطاووس المنفوش
بَحْرك فاضي من المرجان
ومعبّى اسماك قروش
لا خرج تغنّي قصدان
ولا خرجك تاج ولا عروش
انت سفنجه مش انسان
بتغرق من كبسه وبتفوش
وبحرك ما يطلع فنجان
تبصّر فيه الحشّوره
==========
جولة المعنى
سليمان
الراحو عا سدني الشعر خربو وبوظو
برغم الرعايه الصادقه الفيها حظو
في بعد منهن للأسف ما تحظحظو
تركو المنابر من بعد ما تحفظو
مارون داغر بالشعر بتلاحظو
بالرغم ما ظبط شويي ملافظو
بعدو متل ما كان من عشرين عام
ما في الو بالشعر بيت بتحفظو
الزوده
مخايل لطيف الشعر الله يحفظو
قلو استقيل ومية مره يوعظوووووو

مارون
من بدايتي سدني جهودي شاكره
وفضلي عليها بالشعر مش ناكره
بدّك جهد مضني ودَعْك ومذاكره
وتغيير اسلوب الغباوه الماكره
انجرّبت صيدك بالمياه العاكره
بتوقع ضحيّة عنطزه و مجاكره
ومش بس في عندك مشاكل بالنظر
عندك مشاكل بالنفس والذاكره
الزوده
شفت البشر من لطف شعري ساكره
طلعت بعكسك كل كلمه فاكره

سليمان
سدني عليها ما حدا رايو فرض
غنيت فيها وما كنت توفي الغرض
اعترضت عا شعرك بعد ما الشعر اعترض
ع هيك اسلوب اللي ولى وانقرض
ان عندي مرض ؟ شو خصك من المفترض
تجاوب ع قدك قد ما عليك انعرض
عندي مرض بالشعر مدمن عا الجمال
وانتي بحياتك ما سخنت بها المرض
الزوده
مارون داغر بالزجل يا خيبتو
بعدو متل ماكان هيده عيبتو
وبحر الزجل عاطي الشعر من جيبتو
مدين زجل لبنان عمرو ما اقترض

مارون
مينك انت تا تقيِّم جهودي انا
لا بالاصول بتفهم ولا بالغنا
من فَيض شعري موطني الغالي اغننا
والمهجر لابداع موهبتي انحنا
عندك مرض ها الامر عَنّو بالغنا
الله يعينك عا المصايب والضنا
والاّ ما نحنا نخلّصك من علّتك
صعبي علينا نعيش لحظه بالهنا
الزوده
مارون داغر عا عرش مجدو جلس
ال ما كان يجلس قَبل عا ايدو جلس
بحر الزجل املاك موهبتو اختلس
يا بحر حسْ ورجّع الجوهر لنا

سليمان
اووف اووف
شو ها الغرور الفيك يمكن تنحظر
من كتر ضحكي عليك مصراني انفزر
مارون موجي كل ما مد وجزر
بيكتب قصايد خالده توقى الحزر
كبرت الخسه براسك وما بتنعذر
وصفيّت اعمى بالبصيره وبالنظر
وحتى النظر يرجعلك وتمحي الغرور
قصدلك جنينه كلها خس وجزر
الزوده
اووف اووف
يا جالس على العرش ومفكر كبير
جلوسك جلوس العبد عا دراج الأمير
بيوتي بذرتن در تا المنبر يطير
البيهين مجدي بعد لسّا ما انبذر

مارون
يا بحر يا هاجم على ساحاتنا
ملهّف تا تبلع ارضنا وراياتنا
من وين بدّك تعرف حكاياتنا
وتاريخنا وابطالنا وآياتنا
زرعنا الجزر كرمالك وموزاتنا
وليموننا وقصْباتنا وعنباتنا
ولمّا ما كفّو حضرتك خبزاتنا
ووقت الضيافه كان بعد ما فاتنا
والاّ قصب للمصْ عِنّا ما بقي
تركناك تاخد مجدك بقصباتنا
الزوده
تاكّد عروش الشعر نحنا ملوكها
ودروبنا بيصعب عليك سلوكها
ارضك بدرت ونكوزوك شكوكها
وقالت يا فاسد دُر عن خيراتنا

سليمان
اووف اووف
ها الردة الشفرتها يا فيلسوف
بتمرق ع غيري مش عليي ولو تشوف
بعمل القصبه حصان بركبها بطوف
بخيل عليها بالجلوس وبالوقوف
وبرجع بعد ما غسل منيح الكفوف
اعمل القصبه ناي وبراعي دالظروف
وع جنينتك ما زال عمتعزم الوف
وحاتم الطائي عامل وقلبك عطوف
كيّف وضيّف إنما ناي القصب
حطو بتمك وانفخ وسلي الضيوف
الزوده
حتى الكرامه يا مارون تردها
مجبور ايدك عا السلاح تمدها
ومفروض يا داغر العشره تعدها
من قبل ما تلعب مع شفار السيوف

مارون
مارون جَرْ الحرف بالكلمه ونصب
وغيرو عا غيرو احتال وكنوزو نصب
ومين ال على اكل القصب تمّك غصب
تا تشّد عا ركب القصب كل العصب
كفّي. قصب من سكّر الكلمه نصب
وسهل الكرامه الْزارعو اخضّر وخصب
ولمّا الغرور الزايد عيونك عصب
قوس العداله ما قدرت شفتو انتصب
ومعتاد لمّا دِقْ بالروس الكبار
لهزْ الخصوره جيب دقّيق القصب
الزوده
صواريخ قبلك شبّعونا وراجمات
مات اللي مات وبَعدنا بقَيْد الحياة
ومن بَعد ما للشعر قمنا ناطحات
شعرك اجا عا جنبنا خيمه نصب

سليمان
اووف
تركلي القصب والمص وازرع مردكوش
وحوش قوافي قد ما بتقدر وحوش
استغنم الفرصه من الفجر حتى الدغوش
وضمض جروحك بالقطن خبي الخدوش
وقلن عطبني البحر وخسرت المتوش
لكن ما بدي تقول اكلوني الوحوش
قول الحقيقه وخبر بسدني الشباب
قوة البحر الخارقه باربع جيوش
الزوده
ما بحب اقسا عليك ويقولو هشل
وترمي علينا خيبتك بعد الفشل
مخاييل فيي عمق ودر انتشل
وانتي على شبرين ميي عم تفوش

مارون
شمسي عا سطحك نار حمرا كابسي
من النار ما بيحميك غير ملابسي
توّقى براكيني نَفَسها حابسي
وروحك اذا روح التمرّد لابسي
بدوِّر على الخالف قراري مكابسي
يا بْجَمِّد بحور ال بوجّي عابسي
يا بكلّف البركان يغلي ميّتك
تا ينشّفك ويزيد حجم اليابسي
الزوده
بعرف لطيف دروس تحرز علّمك
بدمغه تا تعرف وين حدّك علّمك
ومن هلّق وطالع احسبني معلّمك
وقدّم طلب تا سجّلك بالمدرسي

سليمان
في سر يا مارون لازم نكشفو
تا يعرفو اللي بعدهن ما بيعرفو
من يوم ما اهلك عليك تعرفو
صار يلعنو الساعه اللي فيها خلفو
الرزق انقطع والخير الله وقفو
عا هيك خلقه الناس منها بيرجفو
وبحري انا ما في لزوم تخوفو
بشموس وبراكين نار بيقدفو
ما بيلزمك نار وحمم ت تساعدك
وانت البحر من خلقتك بتنشفو
الزوده
يا ناس بيني وبين مارون انصفو
يا بينسف المنسف يا إما بنسفو
الهجمو على بحر المعنى واحتفو
ضاعو بموجات البلاغه واختفو

مارون
ب ايدي علقت ومش بسيطه علقتك
زدت الجلاقه واحتملنا جلقتك
بلّقت عينك وافتخرت ببلقتك
وما في حدا رح ينقذك من زلقتك
طلقه طلقت و لَيك رِجعت طلقتك
وجايي انا تا اليوم اعرض دلقتك
ولمّا قرود السود شافو منظرك
غشيو وماتو من الضحك عا خلقتك
الزوده
من دَينتك نحنا سحبنا حلقتك
وعا خلقتك بتدور داخل حلقتك
دقنك حلقت وانت كمّل حلقتك
وعا كلّ شاشة عرض اعرض حلقتك

سليمان
اووف
مارون عامل كم حفله وانهرق
ونازل يعبي صفحتو حتى انقرق
مخاييل خبر داغرك كرتو احترق
ولملم عضامو وحطها بكيس الورق
وقلن عا بحر الشعر لو هجمو فرق
بدهن يموتو يا فزع يما غرق
وجمع العصبه ببيتك ..وقيمو العزا
واوقف ع قبرو ضيف نبيد وعرق
الزوده
اشكر الحظ الوقفك عا مفترق
شاعر عصامي لا تبلى ولا سرق
اللي خبرك معزوم عا لعب تلورق
تضحك عليك وبلفك وضربو مرق

مارون
من ضعف عقلك صاير تطيّر صحون
عجزو الاطبّه يعرفو نوع الجنون
وايّا دوا يعطوك تا وضعك يهون
يعني ما بين الناس مش لازم تكون
بدّك مصحْ مخصّص لهيكي شوءون
ولولا لوعْيك عدت وربحت الطعون
وبَعد الهرج والمرج رجّعت السكون
عا جرمك المشهود رح تدفع تَمَن
وبالمفرد يحطّوك جوّات السجون
الزوده
يا مفتكر حالك خليفة افلاطون
وعاطي الدني من بحرك علوم وفنون
بتهجم عا كل الناس بتهدّم حصون
بتكسر عضام بتقتل بتفقر عيون
==========
قصيد الختام
بحر الزجل سليمان طراد
اووف اووف

شو بدك بالبحر يا استرالي
تا تتواصل ع نمرة سنترالي
وعم بتنط من موقع ل موقع
كأنّك كنغرو بقلب الحقالي
انا يا داغر البحر التربّع
على عرش المنابر والليالي
المسيح مكزدرو وموسى مقطّع
لا تتطاول على شردة خيالي
اسمعت منك حكي وما عدت اسمع
بإنك شاعر الغربه المثالي
انصدمت بضعفك وبلشت ادمع
على سخرية العمر النضالي
وقلي بلجتي مين كب ضفدع
بقلب العاصفي والموج عالي
كإنو ما بيعرف بحر ببلع
وجاهل كيف بيشيلو الآلي
وتا نفتح قصّة العصبه ولا تفزع
على أعضاءها اخوه وأهالي
انا ما جيت فرّق جيت اجمع
بعيني ..شايف الفرقه يا غالي
وعلى جوله ..بهيّه ..بهيك موقع
اعترفلي بدون ما تعمل قتالي
ع مين الحق برأيك بيطلع
معارض انت قلي أو موالي
وأنا شايف بعيني الشعر مرجع
حرام تشّوهو الحس الجمالي
اجتمعو ع هدف واحد وبطمع
ساعي الخير ب صون الرساله
عرفت اسست جوقه وصرت تطلع
على الشاشات حتى تصير حاله
لكن للأسف ما قدرت تلمع
لأنو شعرك من الذوق خالي
وبجولات التحدي كنت تطلع
طش ..وبالهريبه كا الغزاله
وعل البروفيل حفلاتك مجمع
متل ما بيجمعو بالسوق " باله "
ولانو البحر يا مارون مرجع
دعيتك تنطلق ..سهم بمجالي
وقلت مارون خيي وشو بيمنع
استرالي يحاور فنزوالي
انا ما بحب تتراجع َوترجع
انا بحبك تضلك أنف عالي
تبيّن مستواك بشعر أروع
متل الياس داغر و َالفغالي
ولا تنغرّ انو فيك تقطع
ببحري بلا اذن او من خلالي
اعتذر فورن بها الجوله واركع
وخبر كل شعار البسدني
بحر الشعر رب الارتجالي

قصيد ختام شاعر العصبه
مارون داغر

حضوري يا شعر لمّا طلبتو
طلقت جوانحي والكون جبتو
ومحيطات الشعر فرحو بحضوري
وقت ما البحر هاجمتو وغلبتو
حِكي الجغرافيا وقال بسطوري
اسم ها البحر عندي ما كتبتو
عا سطح الارض مفلوشي بحوري
وما ظِنِّي ها الاسم كان وشطبتو

مرق ممسوس وتحركش ب حُوري
وعليي طوّل لسانو بغلبتو
عملتو بحر ميّت من نفوري
ورغم الموت انتاجو رغبتو

رجعت يا شعر اطلقلك نسوري
بعد ما البحر نشّفتو وعطبتو
تا تتحلاّ بخمورن وبخموري
وبشعري عوّضك عن وقت غبتو

انا شاعر وهبت الشمس نوري
وبعينك شفت ها النور الوهبتو
وما ميّز بين متسلطن ونوري
جمعهم بالتساوي عا حلبتو
يا سليمان رجّعلي بروري
ومعن ملكيّة الحق السلبتو
شايف حالك ب كم فرخ بوري
وللخاروف شلّحتو قصبتو

قَلّي الحق بالصوت الجهوري
انت للذوق ما بتقرب عتبتو
لا آخد حِس من خيّك الخوري
ولا من عمّك الايمان جبتو

عا مهلِك يا ارض لِفّي ودوري
في قرد قلام عا النهر وقصبتو

لا ام سكعكع ولا فرخ دوري
ولا قادر اقشعو سامع جلبتو
عا هيكي فرخ ما بفلّت صقوري
لحالو فات عا الفخ النصبتو
كمشتو وقت ما عربش عا سوري
وبريشة جانحو جسمو ثقبتو

عا شاشات الدني تسجّل ظهوري
بظهوري المقصد المرصود صبتو
وتا ما البحر يسلم من عبوري
بغوّاصات ذرّيه خربتو
وانا بالكَنغَر بيكبر سروري
متل الارز بالقيمه حسبتو
وانت يا فنزولّي من شروري
ما رح تسلم من السم السكبتو

ولطيف الجاب خوري وورد جوري
قلّي بدون ما اقبض ندبتو
وقمت بواجب الدفن الضروري
وانا عا هيك واجب دفن عبتو
رجعت تتقمّص وتدخل قصوري
بشكل المارد القبلك قلبتو
وتا ما للخلق يظهر قصوري
عملت البحر انسان وصلبتو
وتركتو يمرّ سالم عا جسوري
ولمّا صاح ديكو عا هضبتو
وبشعرو هاجم العصبه وشعوري
جبتلّو عصايي ما بترحم
وضربه قاضيه براسو ضربتو .