أنيس الفغالي

أنيس الفغالي

مزهرية ذكرياتي
اسمحلي يا عمر لملم شتاتي
اقترب ديب الفنى يغتال شاتي
الغايه المن حياتي برتجيها
يبقى التلج صوره عن صفاتي
الدني تركت المسرّه لساكنيها
وعشت عيشة تصوف ضمن ذاتي
لا "عيسيها" فرضها ولا "نبيها"
فرضها حدّ أندى من الإماتي
تركت "هند"، و"حلا"، و"ليلى" و"نبيهه"
تركت رمحي، تركت سيفي وقناتي
تركت فوضى الحياة وما يليها
تركت أقدس وأوجب واجباتي
وعشت معزول بجنينه شبيه
بأحلامي وأنا بمطلع حياتي
جنينة العاشقين بتشتهيها
لغسل الروح بالعطر النباتي
بروحي مش بمالي مشتريها
سكنها بنت من أجل بناتي
بنت شعري نموذج عن أبيها
بطموحاتي وبزهوة أمنياتي
المثري للسكن ما بيرتضيها
بدو دور وقصور ولواتي
وقليل الزهر كتّر مبغضيها
وعرّضها لنيران الشماتي
وأنا مسرور فيها بحيث فيها
من زهور اللقا المنشود زهرة
يتيمه، بمزهرية ذكرياتي






طعمة تمها
حبيتها وحامل بروحي همها
ومعجب برقتها وبخفة دمها
وكلما بالروض دلحت كمّها
بتظنها اقمار ورد بكمها
قررت للصدر الملوهج ضمها
وامّيت دار القلت بدي أمها
وبلشت إتمسكن وإلهي امها
وقّبل بهالتم الموردي وشمها
وبقيت مِدّي لا حلاقه ولا غسيل
حتى ع تمي تضل طعمة تمها




الدين
الإنجيل والقرآن للعالم هدى
هودي نعم مش كل يوم بتنهدى
محمد طلعلو ناس من بيتو عدا
وطهر النبوه جنبو كاس الردى
ويسوع طاوع ولبى الندا
ومن أجلنا تمسمر ع جلجلة الفدا
الدين أسمى من السياسه والنفاق
لا يسيسو ولا يضحك علينا حدا




هيدا إنت
لبنان يا قمة طموحاتي
ورعشة حنيني وزهو أوقاتي
مشهور عنك ملهم الأجيال
من جيل ماضي وحاضر لآتي
كل عمرك للهدى مشعال
وانتاج شعبك صك إثباتي
الله نحت فيك بصفاوة بال
وكون شعب حر ووطن عاتي
أيد فيها عطّر الجبال
والتانيه للحسن نحاتي
وغنى حلاك ودوزن الموال
الما بيحلم بمتلو كمنجاتي
ولما النظر في هالمحاسن جال
حصّنك من عين شماتي
ومن دهشتو بروعة جمال قال:
"كونتك وضيّعت ذاتي فيك هيدا إنت يما أنا ذاتي"؟؟