شادي موسى وبحر الزجل سرقه حلال

حوار قديم نبشتو اليوم وهرب شادي بوقتا ههههههههههههههههههههههههه
السرقه حلال او حرام
شادي موسى
تعا اشتقتلك يامغضوب
........................
ياطراد كلما نسّمت تنسيمتك
وحاورت شعرا بتنتشي بتعريمتك
معهن بتفقد قيمتك شعر وحوار
لكن معي بتزيد قيمة قيمتك
ألشاعر سليمان طراد
ها البيت قبلك جون قالو ل بشير
وزينب شهود ..وفيك تسألها ودير
بالك ..لأنو مصورّه الحفله وليك
افتح يوتوب ان ما اعترض هون المدير
هههههههههههههههههههههههههه
لشاعر شادي موسى
تانقول جون القايلو وقدرو كبير
و عدت الحكي تافهمك شو عم يصير
ومازال عارف انت شو قالو الشباب
تفلسف وجاوب غير ماجاوب بشير
خخخخخخخ
لشاعر شادي موسى
تانقول جون القايلو وقدرو كبير
و عدت الحكي تافهمك شو عم يصير
ومازال عارف انت شو قالو الشباب
تفلسف وجاوب غير ماجاوب بشير
خخخخخخخ
ألشاعر سليمان طراد
ما كان قصدي تنفقس بس الجرى
جون جاري وها التوارد مسخره
الغنّو معي اقطاب يا شادي استحي
تفضّل شو عندك هات رده تنقرا
الشاعر شادي موسى
الغنو معك.. اقطاب بالنسبة الك
لكن معي عدّل وشد معدلك
ومازالني بسرق من الماضي وحي
رح اسرق الوحي ال بقي بمستقبلك
ألشاعر سليمان طراد
ما تسرقوا الأفكار يا شادي ارتقوا
قلّة ضميرو الشاعر اللي بتحرقو
سرقت بيت زغير من جون استحي
لو كنت شاعر محترم ما بتسرقو
الشاعر شادي موسى
جون متل حكايتك اسمو بغَرق
مغمور لا شهرة ولا مجدو شرق
تكارمت وسرقتو وعلى اسمو ضويت
تايفتخر ويقول عن شعرو انسرق
تعلم الجواب وروح نام خخخخ
ألشاعر سليمان طراد
جون شاعر منبرو شعر وغنى
بيّو الكبير العلّمو ومنو اغتنى
الكرم الما منّو بيسرقو ولاد الطريق
تعلّم يا بيي ما بيعطي بالجنا
الشاعر شادي موسى
...........
التراب.. سارق روح دمعات السحاب
وخباهن بمخزن عميق بلا بواب
و جسم الكرم ما بينتشي لوما الجذور
تسرق من تراب الارض روح التراب...
ألشاعر سليمان طراد
كل يوم عم نطلب وندعي بالخراب
علّي سرق احلامنا بالأغتراب
كمشة ترابك بعد ما الله سرق
تا يردها للأرض بيردك تراب
تعلّم
الشاعر شادي موسى
........
ادم تراب.. بيوم تكوين السنين
حط فيه الروح رب العالمين
وقرر تايعمر كون.. يخلقلو مرا
ونيّمو.. ومنو سرق ضلعو اليمين....
..........
ألشاعر سليمان طراد
بقصة الجنّه وضلع آدم قبل جيل
آدم عطاها ..وما سرق الله.. وكيل
ولو كان الله حلل السرقه منع
تنزل لا تسرق ..بالوصايا مستحيل
الشاعر شادي موسى
.........
بقصة الجنه. ..وشجر رزقو دشر
ادم وحوا " دق" بالسرقة انتشر
لولا من الشجرة ما سرقو حبتين
لا في نبوّة ولا وصايا ولا بشر
.............
تعلم يا ابني تفلسف الحوار خخخخ
ألشاعر سليمان طراد
السرقه جريمه وليش تا مجرم تكون
وتقول حوا فضلها علينا...جنون
من هيك مش رح أمّن وانتي معي
بعرف انا بتسرق الكحله من العيون
أو الجفون نقي الأفضل
الشاعر شادي موسى
.....
مزبوط بسرق كحل عين مكحّله
بليل الشعر كلما المنابر بعتلي
بشعري وحضوري وبسرق الرهجة كمان
وبتشوف كل الناس بتزقف إلي..
ألشاعر سليمان طراد
شاعر المنبرقد ما إسمو كبير
بدو ع شعرو يسهر ويتعب كتير
لما بيسرق بيت شعري مش إلو
بيصير شاعر لا شعور ولا ضمير
الشاعر شادي موسى
.........
هالفكرةت ال بالمبتدا مرّقتها
صارت ملك للناس شمعة حرقتها
ولما رجعت كررتها باخر جواب
معناتها من الناس انت سرقتها
خخخخخخخ
تعلم تفلسف..
الشاعر سليمان طراد
السرقه بها الإيام يا شادي نضال
تأمل بغزه كيف سرقو الأحتلال
سرقو الوقت تسللو تا طوفنو
هوني السرقه حرام..قلي أو حلال؟