فقشات بحريه

صباح الخير
شق الفجر حبيت الله صبحو
وبلش نهاري والجميله ربحو
ايا صباح الرب رد وما استحى
ولليوم بفلسطين عم يتدبحو

قلق
قبل الغفا بشوي جفني رف
وقلي قبل ما تنام فيقني
بخاف لما تنام يمرق رف
ياكل بعقلي وينتف بدقني

عوّدّت راسي دق بالمريخ
وما عاد فيي انحني اوّطّي
وخايف ما احني من بعد ما شيخ
وانتي عا ضهري بوقتها تنطّي

ما ضل عندي جروح داويها
ولا عاد بدي الحب يفرحني
جروحي بقلبي بحب خليها
بالقلب جرحي ما بيجرحني

لما الوراق تهر..والاخضر يزول
ويشبع تراب الأرض وتشتي الدني
وينفض هوا تشرين غبرات الحقول
بتكون جايي قاسيه علينا السنه

غزل قصيد

قصة صارت معي
غافلت مرتي وقلت بسرقلك حروف
بالبيت وحدي لا نقار ولا ضيوف
تاري بذكاها فهمت عليي المرا
من خرم باب البيت كانت عم تشوف
خلصت القصيده وقلت لازم تسمعي
شو كتبت شو خرطشت شو طالع معي
دقيت..! حتى قلك الليله تعي
قلتي حبيبي اليوم في عندي ظروف
تركت الحكي المكتوب تا قلبي غلي
فاتت عليي ام شربل هرولي
قالت شو عامل قلت حاجي بلبله
عم غازلك بالشعر لا تستعجلي
وبلشت سمعها تا انهي المساله
وجرب ما بين مرتبك والمشكله
هيي تقلي تابع ولكن فهام
ما بيمرق عليي خداعك بالغرام
كل الحكي المكتوب هيدا مش الي


تا حب فيكي بالوقيه وبالغرام
عم حس اني صرت افقد احترام
الأفضل الي ما حبك وابقا رفيق
ما عاد بدي حب عذبني الغرام

لإنسان لما دعس المريخ
بمركب فضائي طار..!! وصواريخ
جرب قبل ما غط واستكشف
ما كان حاطت يومها تواريخ
لاقا الكوكب يومها منشف
وما كان يياس ضل حتى يشيخ
يبرم ع مصدر للحياة وهون
بالشرق نحنا غير كل الكون
بنكبش بجغرافية اشباح
وأكبر خطيه نحفظ التاريخ

إدمان
ع القافيه مبعوت
دينوني
انحت شعر وبيوت
بجنوني
وكل ال بيحبوني
بها الايام
يمكن قبل ماموت
يرثوني