عبد الجليل وهبي

أكثر ما يتمنى محّبو عبد الجليل وهبي أن يسمعهم حين يصفو باله و تستقر ذاكرته قصيدة "الحمار".
و لا يخفى أن هذه القصيدة نالت جوائز عديدة و قد ترجمت إلى عدة لغات يذكر فيها الشاعر مزايا نبيلة للحمار و يضفي عليه بالخصال الحميدة و هي من نوادر شعره الرفيع.

يا مرفّل الدينين يـا رفيـق العـذاب.....جبّار طيب عنصـرك بيـن الـدواب
ياما ع ضهرك خيّلو ملـوك و عبيـد......و زقّو عليك حجار و سكوتك جـواب
أيـوب يامـا هتكـت فيـه الـعـدا......من الصبر غيرك ما رضي يورت حدا
جلدك على الكربـاج فتّـح و إنعقـر......و المكاري عليـك قلبـو مـن حجـر
ها الما بيحمل ضربتـو تـور البقـر.....بالمسلـة بينعـرك عنـد الطـلـوع
و من دون رحمة بيلكشك بين الضلوع......شبعان و مفكفـك حزامـو عالشبـع

و من كفر قلبو تاركـك شبعـان جـوع




من ساعة اللي خلقت جبلك هالجـلال......الفوقو خرج واسع شراريبـو طـوال
و من كتر ما اكلت من جريك الدروب......ضمرت حتى صـرت ع قـد الغـزال
و بيحقروك النـاس بكلمـة "حمـار".....أوسع مـن التحقيـر دينيـك كبـار
يلي سكوتك من صفـات الفيلسـوف......يا كتاب خالد لا مـداد و لا حـروف
يا موقـف التفكيـر ع بـاب القـدر......و مصاحب الإنسان و مراعي الظروف
صابر على مر الأذى صبـر الكريـم......و هالإتزان اللي فيك من طبع الحكيـم
و مين اللي بيجهل ثورتك عند اللزوم......لبطّتـك مـا بيوقـف عليهـا حكيـم
ما طلبت عالحمل الثقيـل مساعـدي.....و ما إرتحت يـوم مـن العمـر كلـو
البيدلك على الـدرب مـرة واحـدي......مـن بعـد منـهـا إنــت بتـدلـو
بتشرب بترفع جبهتك صـوب الفلـك.....و بيضـل واقـف صاحبـك يتأملـك
و بيتعبو شفافو عـا كتـر الصوفـرة.....و ما بتلتفتلو قـد مـا يصفـر إلـك
لو سائبت شي يوم و قطعـت العليـق.....و ركابك من الضعف لكّـو عالطريـق
بينقطـع قلـب المـكـاري علـيـك......و بالمحـسّـة بيـبـرم حـوالـيـك
و مش عن محبو و عاطفة بيحس فيك......بيفكر بمصلحتو قبـل كـل الكاينـات
و بيخاف ما يلاقـي مكـاري يشتريـك

و في فئة من الناس خانو بالصديـق.....نام الضمير بقلبهن و ما عـاد يفيـق
مـن هالنهيـق تعـودو يتضايـقـو.....و ما بيعرفو شو مقصدك من هالنهيق
ضـل صــرّخ نــادي عالـوفـا.....و عـن طريـق عيونهـم رد الغفـا
قلهـم هيـدا صــراخ الجايعـيـن.....قلهـم هـيـدا عـويـل التايهـيـن
قلهـم بالكـون يامـا فــي بـشـر.....عـم يستغلوهـم جماعـة ظالمـيـن

و الزانية الممسوك جـوزا عالخنـاق.....و بـدو شهـود يشوفـهـا بعيـنـو
و الشرع يلي ما بيحكم عليها بالطلاق.......شـو فـي قرابـة بينهـا و بيـنـو
مسـجـون فــي سـجـن الأبــد.....مـجــروح صـيـتـو بالـبـلـد
و يلي سمحلو الشـرع ياخـد أربعـة......و يسوقـن سـوق البهايـم بالحيـاة
بيعيـش أنفاسـو جريـح مقطـعـة......هيدي الخطية مـا بتغفرهـا الصـلاة
ميـن خـلا الديـب كاسـر عالفـلا......ما يحـس بحلـو و لا يعـرف حـلا
غـيــرك يـــا هـالإنـســان......يــا قـلـب مـــن صـــوان
الـنـســر بـلـبــل كــــان.....مــــا عــــدت لاطـفـتــو
نـسّــر عـلــى الـحـرمــان......جـــرحّـــت عـاطـفــتــو
بـكــرا الـجــدي الـمـذبـوح......رح يـتــركــك و يـــــروح
بـيـهـرب مـــن الـتـعـذيـب......بيـفـضّـل عـلـيـك الــديــب
كــــل شــــي حــســاس.......مــش بــس قـلــب الـحــي
حـتــى الـوتــر و الـكــاس........حـتــى الـحـجـر و الــمــي