رفيق الحريري...قصيدة سعنديال

مقتطفات من قصيدة الرثاء الطويلة في بلدة سعدنايل\البقاع الأوسط

قبل بشهر... هونيك كان نْهار-----غافي كنت ووعيت عا هزّة

و انشق من ضلع الأرض ختيار----- جْبينو مغبّر بس.. عن عِزّة

إسمو.... رفيق العز و الأحرار----- أربع قْمار حروف معتزّة

قلتلّو: شو في إلك أسرار؟!----- مشتاق تحكي و نسمع الهزّة

قلّي يا شاعر... طوّل المشوار----- و بالبال حزّة.. و بالقلب حزّة

ما بريد نفتح صفحة الأخبار----- و نحكي سوا بأوضاع مهتزّة

بدي يا ابني... تبلّغ "التيّار"----- مرّة بمكّة رْجمت سبع حْجار

و لو ما رجمتو اليوم في غزّة -----لا حدا يطلّ..و لا حدا يعزّي

يلّي انوصل صوتك بصوت المعرفة----- لك كيف ما بنجمع ألوف مألّفة؟!

و ياما و ياما.. سْهرت عالقلب الرقيق----- و ضلّيت تخلع كل ورقة مزيّفة

حتّى العبوّة انفجرت بجنب الطريق----- و قلْتلْها يا عْقارب الوقت وْقفي!

و البحر ع"السان جورج" طلّع بالحريق----- و لما هجم عالنّار حتى تنطفي

قالت .. طْفيني عالسّكت أوعا رفيق----- دخل العرش لا تنقزو..هلّق غِفي

أهلا بطير القافيي الشادي***فتّق زرار الورد والأبداع
واللي انشرى بالّدم ما بينباع***محمد عطانا الحق والفادي
قول الحقيقة وحلّق زيادي***وبالمنتدى خلّي الفضا ما يساع
طيور الزجل بتعيش من البقاع***وعا صخور برحليون بتغنّي
كرمال الله دشّرو بلادي

يا مية أهلا بالشاعر الصديق أبراهيم ياسين بين أهلك

يا مية اهلا وسهلا بالشاعر ابراهيم ياسين نورت

موضوع: مية هلا وهلا الإثنين أبريل 07, 2008 10:36 pm

بهالطلي حمي الدق ------------ جايي وقايل كلمة حق
أهلا وسهلا بابراهيم------------ بتطلب ما منألك لق
يا ألف أهلا وسهلا.

عا راسي يا شباب خجلتوني والله

تحياتي لإاكن و لجميع أهل برحليون الأكارم و خصوصاً شاعرها سليمان طراد

» اغلا رفيق
» قصيدة ختيارة
» رثــــــاء ام
» قصيدة الإعدام
» قصيدة للشاعر نجيب كرم