صفحة الشاعر بطرس شاهين

هذه القراديي هي للشاعر بطرس شاهين
بيحلا شدو القرادي ++++ بالنغمات المعتادي
والبدو يسمع ويدوق++++ يحافظ على الجو الهادي

منرجعكن عا ميفوق++++ وعا قاديشا بالوادي
بتنسى أتعابك وتروق+++ بزقزقة الطير الشادي

من الوادي تطلع تا تفوق+++ لشربل مد الأيادي
حبو بلادي يا هل الذوق+++ وصلوا بشفاعة رفقا
يا أصحاب المبادي

ثم قال لأحد أصدقائه الكهنة

ويا أبونا عا الطريق ++++ بدك بالضرورة رفيق
كانوا يقولو من زمان++++ الحرديني خي وصديق
والكبوشي يا إخوان ++++ الدم البارد ما بيطيق
والدويهي بالإيمان ++++ سيف الكلمة يوم الضيق
والأخ البار اسطفان ++++ يوعي النفس الما بتفيق
ربي عطانا بلبنان ++++ مية قديس وصديق
جمعنا زهور ببستان ++++ تنعيش بإرادة حب
ومن روحو السامي التوفيق

محلا هيديك الأيام +++++ العاشو فيها أجدادي
كانت حلوي يا سلام+++++ والبركي تفيض زيادي
قلعو الشير من قدام+++++ جل لبكعب الوادي
وللعيلي كانو خدام +++++ بقلب الصخر الزوادي
غرسوا النصب بقلب تلام+++++ شعاب البور المزدادي
زرعوا القمح بهاك العام+++++ بعزم القوي المعتادي
متل النيي عالتمام +++++ الموسم جيد وهادي
درسوا القش بإهتمام+++++ وجمعوا الموني عا حيادي
الجار يعمر ما بينام+++++ والجيري تمد الإيادي
سراج تشحتر بالظلام +++++ والليل بيمرق عادي
فراش مخزق فوقو حرام +++++ ومخدي لونا رمادي
يوم إل إلهن يوم صيام+++++ محبي وصدق ومبادي
مع نفسن كانوا حكام +++++ لله قلوبن منقادي
شو هالقناعة الإلهام +++++ لفيها وصانا الفادي
بنام وبصحى عا أنعام +++++ حكاية عاشت ببلادي

» صفحة الشاعر نجيب كرم
» صفحة الشاعر عصام يوسف
» صفحة الشاعر مروان سليمان
» صفحة شردات الشاعر طوني شلهوب
» صفحة الشاعر الدكتور اياد قحوش