الغربة مريرة

موضوع: الغربة مريرة الجمعة مايو 30, 2008 12:54 pm

يا غربة ليش افكارك غريبة.......دعيتي الناس تتفلفل هريبي
عن الاوطان يعلن انشقاقو.......تيسكن قصر ابوابو عجيبي
بوطن مهجور عالن استياقو ........على الاوضاع و الحرب الكئيبي
حبستي شعور دمعات اشتياقو.....لانو الدمع محتطلو ضريبي
اختفت افكار حرّة بانسياقو.......خلف لهموم و النزعة المريبي
ما بعرف ليش زاد بانرهاقو.......انا عن لوم انسان السفاهة
لترك لبنان تيعيش بزريبي

موضوع: رد: الغربة مريرة الجمعة مايو 30, 2008 4:30 pm

كتير حلوة يا شامخ يا ملك عن جد بتبيّض الوش يا ملك يا كبير يا عظيم يا الاه الكلمة يا ربّ الشعر روح يا استاذ و الله اسم على مسمّا شامخ و انت شامخ يا ريت فيي اتعرّف عليك

موضوع: رد: الغربة مريرة الجمعة مايو 30, 2008 6:04 pm

" يا غربي ليش أفكارك غريبة" رائع هذا المطلع يا استاذ شامخ.
"... تا يسكن قصر أبوابو عجيبي" إذا كان صحيحا أن " خير الكلام ما قل ودل" فقد أصبحت كبد الحقيقة، وعبرت وأنا أكيدة - عن خبرة تعايشها كل يوم- حيث تبقى بلاد الإغتراب غريبة مهما تآلفنا معها، بل ويزداد الحنين إلى الوطن الأم.
لكن لا أوافقك بآخر ما قلته وخاصة في قفل البيت، طالما أن بعض الهجرة هو قسري، وخاصة عندما تضيق سبل العيش والعلم بالإنسان في وطنه، الذي لو حقق استقرارا أمنيا لعاد إليه الكثيرون.

مشرف عدد الرسائل : 519 تاريخ التسجيل : 15/03/2008

ياشامخ كلمة الحرة بتـجرح = ولهاالأسباب عنها بحب إشـــرح
ضروري تعدل بكلمةّ زريبة = البشر مابيقعدوا في نفس مطرح

دفعت دمعها العالم ضريـبة = ووطنها تاركة وبالغصب تسرح
وعالم هرولي فلّت هريبـــة = من الحرب وخوف ممنوع تمرح

ولأنك صاحبي وصاحب حبيبي = الشعرو عاجبك ع كل مسرح
حتى تخفف شويــــــة المصيبة = الزريبة عدّل ولبنان ناطــــــر
ربوعو ترجعوا تا فيك نفرح

============

الغربة سجن يا حرف مش باين
كنو بعد هالعمر لح ضاين
يمكن الرجعة ليوم صدقني
زربة الغربة عا عظم لاين
ما كان عتم الليل يعتقني
و تا غيّر البيتين مش هاين
و حدي بعد هالعمر عن عاين
انو الغربة زربة الزربات
و وحدو حنين الارض يقتلني

قصدت بزريبة اي الزربة او الحبس و الخنقة

مشرف عدد الرسائل : 519 تاريخ التسجيل : 15/03/2008

قريت النبي جبران من مدة = العا كل صخرة واضع مهدي
رمل وزبد زادوا البحر عافي = والأجنحة المتكسرة مودي

ومابين دمعاتو بحر وافي = والابتســــــامة ابتبتسم جَدي
ومن حكمتو استلخصت هالقافي = بمحبتي تاقولها وودي

الفقر غربة بالوطن صافي = والعكس صفى وليش ماتهدي
تحمّل لاترجع ع الوطن لافي = ونقشع عليك الفقر متعدي

وشامخ لأنك هجرك مجافي = منك وقت ماتعود مابدي
غير فاقر حصرمة وطافي = بعين المابي حبوك متحدي

وعين محبك تفيّق الغافي = بعين المعـــــاني متل هالردي
العنها شفت أجمل شرح كافي = عرفنا قصدك بكلمةّ زريبة
ياعيني عليك ياشامخ بيقدي
================
حلو ياشموخ حلووووووو

» شعار بالغربة