صيف الضيعة

موضوع: رد: صيف الضيعة الخميس يوليو 17, 2008 3:58 pm

ممنونك خيّ حرف سحبتها من عقر دماغي
دوام العمل شوي مغيّر وبالصيفية ب برحليون في قطعة كهربا كتير وناطرين شي متمول مغترب تا يحن عا هالضيعةلذلك مارح اعتب عا سلمون اللي قعدني بالقرنة مع انه بيته تحت القرنة بشوي .
و الله يرحم جميع الموتى .

مزيّر يا فرخ السلمون****من الصنّارة للشبكة
عم تغزل متل المجنون****وجوات البحر بتبكي
عا نغمة صوت الحسون ****العالم عم ترقص دبكة
صلّي حتّى الصعب يهون****ونشيل الشبكة عالشّط
وناكل هالسمكة نيّة
__________________________
يا شامخ ما نسيت زمان****ولا الربطة فوق البكلة
ومعلّم شلح الرمّان ****وعالسانك طعم الاكلة
لا تنخي عليّي السلمان ****الماعندو بحقدو حكلة
وان كنّك واحد فهمان****وجرحك ما علّم يا جار
من أولها الخبرية
__________________________
يا حرف بعنون وبقول****الواحد ب عين شريكه
وللي غيابه عنّا يطول****يعني ما وقف عريكه
يمكن بالسمكة مشغول****أو عم يدهن عالدّيكو
أو عم ب علّم مسطول****بدّو يفوت على الندوة
ومش عارف كيف يحيّ

موضوع: رد: صيف الضيعة الخميس يوليو 17, 2008 11:32 pm

يل جايي تتحدا ملوك.........قبالن لاتقطع قطعة
ببويك الشركة فعصوك........و روحك صفت منقطعة
و حسان النيعو مفكوك.......و منو مش باقي قطعة
لقينا بجسمو خمس فكوك.....بينفعنا عند القطعة
و فيتاس الحرف المتروك.........محروق و عندوا لطعة
سجّلناك بfacebook .........قلنا منبيعك يا حرف
بصفحات الحرتقّجية

موضوع: رد: صيف الضيعة الجمعة يوليو 18, 2008 10:00 am

سليمان كتب:

hassan akkary كتب:: ممنونك خيّ حرف سحبتها من عقر دماغي
دوام العمل شوي مغيّر وبالصيفية ب برحليون في قطعة كهربا كتير وناطرين شي متمول مغترب تا يحن عا هالضيعةلذلك مارح اعتب عا سلمون اللي قعدني بالقرنة مع انه بيته تحت القرنة بشوي .و الله يرحم جميع الموتى .

مزيّر يا فرخ السلمون****من الصنّارة للشبكة
عم تغزل متل المجنون****وجوات البحر بتبكي
عا نغمة صوت الحسون ****العالم عم ترقص دبكة
صلّي حتّى الصعب يهون****ونشيل الشبكة عالشّط
وناكل هالسمكة نيّة
__________________________

هوول الضيّعة يا حسان***من المغتربين تعمّر
و الmonsenieur الفهمان***لمّ المال من المهجر

و علاّ بضيعتنا البنيان***ومدرسة االعلم تزكّر
ومقبرة الضيعة بإيمان***ومييّة يوضاس تنكّر

وانتي عاشكل العميان***بعدو دماغك متسكّر
جيلك عاللحسي ربيان***وب نجرف هون مفكر

نحنا ما تركنا لبنان***لوما الوضع اللي تدهوّر
ولو بيتي زغير وخربان***وبالقرني ربينا بنفخر

بموقع ملكوت القصدان***ايدي بوسها وتشكّر
وقلّي بأمرك يا سليمان***لا تقسا علينا ارجوك
وخلّي بقلبك حنيي

موضوع: رد: صيف الضيعة الجمعة يوليو 18, 2008 10:27 am

وهيدي للمستر حرف

يا جايي تحارب شعّار***مع حسّون المش حسون
بنحرقلك ايدك بالنار***وبقليك بزيت الزيتون

تزكّرني بموقع عمّار***خليّتك من دون عيون
وربيّت القملي يا جار***براسك تا تصفّي موزون

وقبلك هجمو عليّي كتار***ومن الحد السيف المسنون
شربو الدم من البتّار***ويينك جايي يا مجنون

شامخ عرضك عالتجّار***وحقّك مش قابض رعبون
لا تنهّم ولا تحتار***انتي وعصفور الطيون

بكسّر راسك يا ثرثار***اليوم بموقع برحليون
وبنبيعك قطعات غيار***وراسك وحدو بيصلح طبل
انباع بسوق النوريّي

مشرف عدد الرسائل : 519 تاريخ التسجيل : 15/03/2008

بّها هّا هّا هاهّة بلاقيـــك = بسّ البوبو ذيعانــــــــــــو
يشوفك عم تبكي وابكيك = بين الشعر وفرسانـــــــــو
بتعرف حرف الأطلنتـيك = مدوّخ بين إنسو وجـــانو
وحد القرقة بيبقى الديــك = الما بيشفق ع صيـصانــو
بموقع عمار مداريـــــــك = بمبدى الحرف وقصدانـو
لاتفكرني كنت ركـــيــــك = صحابو بداري منشانـــو
ولو بدي كنت بنســـيــك = الحليب اللي رضعـــــانـــو
وهلق مع شامخ جايــيـك = سنانك كسّر وسنانــــــــو
وتانسوي الطبل الحاميك = الجلدك كمـّل بـــــنيــانــو
لاتزعل شو بعمل فيــــك = ربابة ودربكة وطبـــــــل
تايكنلك فضل عليي
===========
وياشامخ إشمـــــــــخ بطلوع = بتقشعني بدر مصـــــور
حاجي بّو شربـل مفجــــوع = الماشي خلفو بيتــــهــور
وبي برحليون المــــــــنـزوع = منزوع وما بيتـــــطـور
وتيار الفيها مقطــــــــــــــوع = وحسان الوجو منـــــور
منها طل وزاد سطــــــــــوع = ومن عقر دماغو تبـلور
مهما تاخر عندو رجــــــوع = وبغيابو بيـضل الحرف
يطق الأخصام سوية
===========

موضوع: الحق يقال الإثنين يوليو 21, 2008 12:16 am

عركي حرزاني، والمعركة حمياني، رد يا سليمان ولا تتفاخر بماضٍ غاب وما بان. اليوم المعركة حاضرة بقصائد نادرة. ونحن سنقيّمك لا على الماضي بل على الحاضر، فدافع ولا تغادر، فالحرف رد لك الكيل، مكيالين في النهار والليل. فشمر على زندك وهات ما عندك.
لقد قرأنا عن حسان أن له باع في البيان، وماذا عن شامخ، هل هو للوضع راضخ?!! ننتظر الرد ونحكم في الجد.
أما ما مضى فقد مضى، وغاب وانقضى

مشرف عدد الرسائل : 519 تاريخ التسجيل : 15/03/2008

ياليلى ردك حــــرزان = بسكب السجــع بيتبـــلـور
حاجي تشدي بسليمان = وديلــــــــــــــي منو أكــبر
هوي صاحبنا وفنــان = وساعةّ ماحـرف بيحضر
وحدو بيطلع بالميـدان = ريّس ع كل الشـــــعـــــار
وكلن مافيهن ليي
===================

موضوع: رد: صيف الضيعة الإثنين يوليو 21, 2008 1:50 pm

شو قلّك حرف المغرور***لا تهتمي بحكياتو
عمالناه مبارح قرقور***وقصيّنالو صوفاتو

وتركنا حسان يدور***الهيئا مضيّع عقلاتو
وشامخ شامخ متل نسور***ورب الكلمي بردّاتو

وبو شربل شاعر مشهور***مربّى القمل بشعراتو
وكلما يكتب خمس سطور***بيرجع يا ليلى مجنون
وعامل حالو شخصيّي

مش بس لو ترجع ليلى ولو رجع قيس وليلى رح ركّعك هههههههههههههه

رد سليمان قوي متين، لكنه يتحدى شاعر لا يلين، وعندما قال حرف " كلن ما فيهن ليي" هجم سليمان وكان ما كان، مشيدا بشامخ هاجيا حسان، لذا سألت نفسي وقلت عن الحسون: سكت دهرا ونطق شعرا.
أنا أعلم أن حرف لن يسكت، وسيسكب من شعره فيضا وينزل الندى وسيُسمع لصراخكم صدى.
وهو يقول الآن في سره: " كرامة عينيك يا ليلى سأرد العدى، لن أجعلهم " يتعشون" علي، وقد حان موعد " الغدا".
فهل يثبت سليمان، أم تتزعزع به الأركان. هل سياتي رده في العجل أم سيعتريه الوجل.
سأكون متفائلة وأقول: أجل. (وشامح يتحضر للرد ويأتي بالكلام عن جد )فنرى شعرا لا أروع ولا أبدع

ليلى بسكب السجع نبوع.......نبوع الشعر المسكوبي
بتكتب عالصخر المشلوع.........بيوت الكلمة المكتوبة
و لايهمك شامخ مطبوع............بقلب الصخرة المقلوبة
مدحرجها عا الدرب طلوع..........و بفلتها تكرج عا حرف
و عا وطواط العلية

وينك يا حسّوني هربت ما قلت بدك تقرف مناخير ههههههههههشرف تا نشوف مناخير مين بدها تنفقرف هههههههههه

مشرف عدد الرسائل : 519 تاريخ التسجيل : 15/03/2008

ليلى بحروف الوجــــدان = بكّرم عودتــهـــــا بـــ ردة
وبحيي رفيقي حســـــــان = المتألق صارلو مــــــــــدة
بسامح شامخ .وسليمــان = نشالله بيفهم شـــــو بــدي
بو شربل شفتك نعســـان = من الصوف غزلت مخدة
ودفيتك كلما بـــــــــردان = تكون ومش قاعد حــــدي
وخاروف قبلتا منشــــان = إبقى الكبش المـتـفــــــــدّي
افدي ليلى والجيـــــــــران = وإمسح شاعر متــعــــدي
متطفّل عامــــــل فـنـــان = ولا مرة بيطلع قــــــــــدي
وياما بحروب القصــدان = ركعتو وبوّس يـــــــــــدي
بيتهجم ع حروف الجان = وع قيس اللي بليلى جــــن
مفكر حالو شبوبية
=====================
انركعت العــــــــــــالم كلا = اصحى حروفي تتبلا
ولولا قدرت تركّع حرف = بتكون مركـــــــع الله ههههههه
======
ياربي تسامحني دخلك جريك بس بالشعر

ملكون الكلمة سليمان***والردات الموزني
وشامخ بالموقع فنّان***واخضر متل الزيتوني

ويا حرف الكسرة منشان***الله اسكت يا عيوني
وعم اتطلّع عا حسان***عم يرجف صرلو شي شهر
الهيئا بقرني مخفيي

هههههه
تشبّهت بالله ومغرور***ونار جهنم رح بتزور
ولو الله بزاتو بتجيب***اسغففرلله بترجع مكسور

هههههههههههههلا تخاف مش مكسور البيت لفاظ منيح استغفرلله خخخخخخخخخ

هه هه هه هه هه هه هه
حلوي منك يا حرف، وممنوني، كلماتك شو حنوني.
أرى سليمان يستنجد بالحسان، الذي لا بد أنه قد سُحر من ملكة المرجان، فغاب عن الأعيان. هل يعرف أننا اشتقنا لشعره الظريف، الذي يحمل زهر الربيع لا أوراق الخريف.

مشرف عدد الرسائل : 519 تاريخ التسجيل : 15/03/2008

عم تهجي قرنةّ حســـان = وقرنةّ حرف بتلغيـــها
بدك تهرب من ميــــدان = ملــوك الكلمة والـفـيـها
حرف بتعرف ياسليمان = قرنـــةّ عيـــنك طافيها
ومع شامخ طب الفنجان = بلكي بتزمط بالتبصير
وعينك بترك مضوية
============
ربي استغفرتو عن حب = المتعالي ووحدو الهادي
وقلي بالأشعــــــار الرب = حــــرف الكاتب قرادي
====================

لا تزعل يا حرف الجر.......بالقرنة رح حط تنين
يمكنلك حسان الفر........غرق بالدمع العينين
و سليمان لزاد الكر..........ما بيرحم فرك الدنين
لو خففت شوية الشر......بين الكر و بين الفر
هديتك احلا عوسية

بس من الوريد للوريد بالشعر ههههههههه

مشرف عدد الرسائل : 519 تاريخ التسجيل : 15/03/2008

بعويسية أو سكــــيــــــن = عيب تقابل حد السيف
درويش عرفتك مسكين = ياحيـف عليكن ياحيف
سليمان بطقو من سنين = الماكرّم حسان الضيف
وفارك ذينيه الحلويـــن = وحلقة معلقلو من زمان
نشالله يعلقلك هيي
===================

جود يا حرف، رد موفق

مهما غيب وزيد غياب****ب ضلّو باسمي محلّي
وهالصيفية جاي آب ****من التين المر يحلّي
والظنن بغيابي خاب ****وبقلبن سكنت علّي
مهما يسنّو عليّي حراب****حرف مكفّي وموفّي
وجايكن بالخبريّة

سلّو سل مسلّي و سلّ****واعذاري عدّا مسلّي
طل وغل ومل وفل ****وبراسو القملي مفلّي
زل انزل وجل انجل****يا سلّو مهما تعلّي
حل وبل وعل وكل****بالضيعة مافي ارسال
لاقيني بالشتوية
يا ليلى هجمو الشيبات****وبيقوله الشيبة هيبة
وبالكرم شقرّو العنبات****وبالخمرة مافي خيبة
عا لعتمة الضيعة بتبات****وان ما راسلنا عيبة
واللي ب عد الضربات****غير اللي راكب ب بويك
من عقلاته الرجعية

يا شامخ جهّز ل قفاص****ولاقيني صوب عكوسا
تا تعرّب عالسوق نجاص****وتملحس وبر الكوسا
والحية تحت البرباص****مافيك ب تمّا تبوسا
عم بتزكرني بيوضاص****البايع ربّي لليهود
بالّيرات الفضيّة

يا حرف بقوص النشّاب****أجهز عالخصم وصيبو
تا يلعوس مقتي الخشّاب****ويكسر من كدشة نيبو
ولشامخ عندك دولاب****بيبرم عكس دواليبو
لسلمون عصاة العنّاب****حتى كل ما راسه يقب
تضرب ضربة نوعية

رائع يا حسان، أهنؤك.. تهانيي خاصة على الاستعارات الرائعة من الحياة القروية، ومن الحقول، لقد أرجعتني بالذاكرة إلى حقول قريتي الغناء. بالحقيقة يا شباب بلشت تحلو مع هيك شعر حلو.
كانت ابياتك من زريعتنا، وحقلتنا، وكروم العنب والتين والعناب.
حلو يا حسان، يا حسون برحليون.

مبارح كنت مسافر جيت.......و شفت الردة يا حسوو
و بتكتب قرادي نسيت.........و حروفك كاتم حسو
و جمري حامي و حرف شويت.........و بشفاتيرك لا تدسو
عا وصيلك عا توابيت........من خشبات المهرية

موضوع: رد: صيف الضيعة الخميس يوليو 31, 2008 7:44 am

النجمة علينا لما تطل ****بخيالا البدر بيغفى
ولما باشرافا بتهل ****القلب من العلة بيشفى
ليلى تاج لراس الكل****ولو نفيوني عالمنفى
الها أمري بعز بجل****بتبورد ليل الأشعار
من نسماتا الفكرية

_____________________

بالصخرة حافر كفني****وبحروف البيرق محفور
ولسّا ما طبّق جفني ****ومنّي دمّك عم ب فور
بحياتك انت حفني ****وبمواتك شرّك مغفور
جينا نستأصل عفني ****وندعسها بحكم القانون
ب جياب الخزمتشية
_____________________
سليمان اللي مطنب خد ****ومن كفّي راخي التاني
بالقدماني بلّش عد ****وعم يمشي بالخلفاني
بشلح مزحة بياخد جد****تاهمني بالخياني
كلما مرّة باعه مد ****رح يرجع ياكل كفّين
مع ركعة بالتحتيّة
_______________________
لا يشوى حرف بيشوي****وشاوي شمّوخ سفينة
وما خلّى بعينه غشوة ****ولاحو بكعب العترينة
ما بيصلح شوشو حشوة****وزابل مش خرج الزينة
طول عمره رشوة برشوة****ليرة بجياب الكفار
ب سوق القمرجيّة

موضوع: رد: صيف الضيعة الخميس يوليو 31, 2008 4:45 pm

يا حسّون الجو تلوج***انت وحرف الحندقة
قدّام البحر البيموج***اكبر موجة بتتلقّى
ويّنوي حرف الغنوج***جايي وجايبلو مدقة
تهري عضامك يا فرّوج ***وبعزم عمّار وشمّوخ
عا أكلة كبّة النيّي

مشرف عدد الرسائل : 519 تاريخ التسجيل : 15/03/2008

شو القصة راجع تحـــتـال = ومــــــــــابتّوب من الوقعة
ومع شامخ في هيك مجال = من الصـعب تسدوا الرقعة
فكرنا عندك أشغـــــــــــال = وكومــــــة عمالك منشـقعة
راجع ع ساحةّ ابطـــــــال = ع ضعـفــك ضحـكوا بفقعة
مابتعرفنا ولاد جبــــــــال = مـــــــامنـخاف من السـقعة
طلنا النجم الما بينطــــال = وخلينا دمـــــــــّـــــك بقــعة
وتاينّوي حرف الرجّــال = تخبّى ياصـــــــوص النقـعة
انت وعمار الدجــّــــــال = ع شياش الحرف وحسـون
صرتوا لحمة مشوية
===========

موضوع: رد: صيف الضيعة الأحد أغسطس 03, 2008 2:52 pm

تأدب ياحرف المجـنـون = حاج تلتلت ع الفـــــاضي
بطفي بوجك جوز عيون = بالشيش ان كنـك راضي

والأشعر منك حســـــــون = مخدوع بحرف الماضي
مفتكرك رح توفي ديــون = بالعدل قبال القــــــاضي

بموقعنا الزجلي بفنــــون = وردة غرستك بحـواضي
وع ديي رفعتك تاتكــون = شاعر عملاق ريـــاضي

بس بموقع برحليــــــــون = بالرحمة منّك حــــاضي
تارصّك رص الزيتــــون = وبـيعـــك زيت جـواليـة

*************************
cheers

ما تسكتلو يا حرف، وقد عودتنا على المراجل الحقيقية