من أطفال لبنان الى أطفال اسرائيل د. إياد قحوش

الرسالة

د. إياد قحوش 07/07/2008

طيـّارة ورق

من أطفال لبنان الى أطفال اسرائيل (في ذكرى حرب تموز): وصلت الرسالة

****

د. إياد قحوش

عالسّطح كنّا
"وبيتنا" السّقفو حديد
كان حضْن
وإيد عم بتشدّ إيد
وكنّا زغار
وعم يبلّلنا العرق
ونحنا وطيّارة ورق نركد ركيد

**

وفجأه
السّما احمرّت .. و موقدها برق
و رجّو التّلال قبالنا
وضجّ الرّعيد
وكيْف رح بيقدر طفل طيّارة ورق
وحدو
يلاقي وحش طيّارة حديد ؟

**

كان الجمر
كلّ ما على مطرح مرق
يمحي الحياة
وياخد الدِّحكه بعيد
وطاف الفزع
والبيت عل فيه احترق
وانهدّت الحيطان .. عالبيت السعيد
وحلْم الطفل من تحت المخدّه انسرق
وطارت بدل طيّارتو طيور النّهيد

**

"و بكيوا الملوك"
وبعد ماالدّم انهرق
انفلّ الحديد
بِ حزم الجْنوبي الوحيد
وطلعت زهور النّوم
بْشقوق الأرق
وجهجه ضمير الصّمت
بالصّوت العنيد
ولمّا صباح جديد عالمطرح شرق
ماضلّ إلاّ خيط طيّاره ورق
حامل علم لبنان
لبنان الشّهيد

مشرف عدد الرسائل : 519 تاريخ التسجيل : 15/03/2008

بهنيك يا إيـــــــــــــــــــــاد وبهني = الشعر الكتبتو سطــور للجنة
ومن حرف باعثلك حرف تذكار = أجمل تحـــــية يبلـــغك عني

هيذا شعر متلو بعد ماصــــــــــار = حرّك شعوري واختلج فني
والدم خلاّ في عروقي نــــــــــــار = يغلي متل ما كنت متـمـني

=========================
حلو وصراحة كتير عجبني هالشعر

» سهر .. ومكتوب د. إياد قحوش
» لقاء مع الدكتور المغترب إياد قحوش
» دولة بدون أطفال ؟؟؟
» مقابلة مع الدكتور اياد قحوش
» ثورة مصر للدكتور اياد قحوش