وين ليلى ؟

موضوع: وين ليلى ؟ السبت يوليو 19, 2008 12:12 pm

ياليلى طولتي غيــــــاب = وينك يــــامين يــــــــــــقـــــلي
في إلها فقــــــدة الغـيّـاب = وغيباتـك أصـــــــعــــب فـــلة
======================

كـــــان الموقع بالتشجيع = بحضورك مليان جــمـــــــــوع
ولما غبتي ان سـد النيع = وتاتعــودي ضـــــــوينا شمـوع
أتحفتينا بمواضـــيــــــــع = ووينك صار صلب الموضوع
وقيس بليلى كان يضــيع = وجن جنونو ... بس الحـرف
ناطر تاتعودي تطلي
===========

ما أجمل هذه الكلمات يا سيد الحروف وسيد الكلمات، وما أرقها وأعذبها لأنها تصدر عن شخص مرهف.
لقد اشتقت بعد طول العمل وتعبه إلى وقفة مع منبركم الرائع بكل ما في الكلمة من معنى، والمميز بكم وبكلمات الرائعة.
عدت وفيّ شوق كبير إلى سماع المزيد.
يا سيد الحروف شكراً على عذب كلماتك.
شكراً

موضوع: رد: وين ليلى ؟ الإثنين يوليو 21, 2008 2:38 pm

يا ليلى زعلو الأحباب***وشامخ تا نحطّك قلّي
مشرفة العلم واداب***وحرف الكلمة المتجلّي
****************
وهيدي للمستر حرف

حاجي تمسح جوخ وحاج***تعمل دبسي بطحيني
شد الهمي وجيب فواج***وعا موقعنا لاقيني

رفوفك بط وفوج دجاج***وسليمان السكّييني
وشو بيعمل حد الميراج***ديك الحبشي يا ليّول
ولمّا بالجو يعلّي

ما رح اتركك لو بتروح عا الصين خخخخخخخخخخ

موضوع: رد: وين ليلى ؟ الإثنين يوليو 21, 2008 11:58 pm

بين الجنس اللطيف وغيره كان كلام سليمان يا لطيف.
هجم كالأسد على حرف، ولكن الرد سياتي سريعا كالميراج.
أتوجه بالشكر للمدير العام الاستاذ سليمان، وللعزيز شامخ شاكرة له رأيه السديد.
أما حرف فانتظر رده بفارغ الصبر، وسيأتي سريعا كصاروخ سام قد يسقط المراج.

Thank you slayman, you are very good man.

مشرف عدد الرسائل : 519 تاريخ التسجيل : 15/03/2008

قلتـــلك ليــــــلى الفـــلــــــــة = فيــــــــــــــــــها الموقع متـحــلي
رقيها برتبة وعن حــــــــق = مقاما أكـــــــــــــــــــــثر متعلي
=======================

فتّح عينك ع المكــشــــوف = الحرف وجودو بيفرض فرض
مابيمسح جــــوخ الحـرّوف = جــــــــــايي يمسّح فيك الأرض
بمزرعتك عنزة وخـاروف = وطل الراعي بطــول وعـرض
حتى الديك الحبشي تشوف = عينــيك بمنــــقـــــــادو يشـــيـــل
ومعلاقك فيه يخلّي
===========

مش معقولي ها الحرّوف***ما بيفهم من أول كف
راجع ياكل خمس كفوف***وعنّو والله مش رح عف

يا ديك الحبشي المنتوف***عقلك بعد القتلي خف
قلتلك بالأيد سيوف***ولو جاييني دجاجك رف

بخليلك راسك مشقوف***وبتتحرّم تحمل دف
بصف الشعرا صفوفو صفوف***وانتي لا توقّف بالصف

بمدرسة الشعر المعروف***مش ناجح انتي ولا صف
المنبر شعر وخش دفوف**وميراجي عالي يا حرف
وما في قرقة توصلّي

بدي من شكالك الووووووووووف يا حرووووووووووووووووف هههههههههههههههه

مشرف عدد الرسائل : 519 تاريخ التسجيل : 15/03/2008

ياسليمان كثير ضـــعـيـف = مهما مراجل صوبي تـــقـد
حاجي تهوّل بالتـخـــويف = بالعركة مابتطـــــــــلع قــد
طعميتك حرفي برغــــيف = وقلبو حتى العزم تــــشــــد
راجع عم تحكي بتكـــليف = وراكب ميراج ومحــــتــــد
هلق لو صاروخي بضيف = بتعرف بالعركة عنـــــجــد
السام مجهزلك بالريـــــف = وبمدينة حرف ان مريـت
بتنزل راكب بمضلة
===================
شفلك واحد غيري أهونلك بيكون هههههههه

النازل من غيمات الروح***غير البيطلع دخّان
نزلّني شاشي عا جروح***مقاومنا الحرر لبنان

وانتي صوب القجّي روح***طلّع ليراتك منشان
تدفع بالصدر المشروح***حق الصاروخ التلفان

لمّا عطر الورد يفوح***بينزل بقناني النسّوان
وميراجي بينزل عا سطوح***قصور الكلمة والوجدان

لكن انتي يا شرشوح***دخّانك عامي الأنسان
نازل بمظلّي وبوضوح***وعارف رح اعمل انزال
بين الوادي والتلّي

يا حرام عليك هيدي عملية انزال يا حبّوب ههههههههههههههههههههههههههههه

رائع يا سليمان، حلو، حلو، حلو...
ناطرين رد حرزان من حرف عا بيوت شعرية حرزانة لسليمان.
يلا يا حرف ما تخيب آمالنا.

مشرف عدد الرسائل : 519 تاريخ التسجيل : 15/03/2008

المقـــــــــاوم حرف التعبير = الدافع عن وحدةّ لـبـــــــنـان
وضل بأرضو مهما يصير = يحكي الكلمة من الوجـــدان
ومقاومنا الضل كبــــــــــير = ان متلك صفى ياسليـــمـان
كنا ماشفنا التحريـــــــــــــر = وتأمركنا وراح الكـــــــــان
اعمل بالغرب مشــــــــاوير = وقضيها فاتح دكــــــــــــان
نوري بترجعلي بكـــــــــــير = تاتشحذ مني القصـــــــدان
وع جنبي يافرد زغـــــــــير = لاتجــــــــــابه مدفع ميدان
بمضلة بتنزل تكســــــــــــير = مخردق من ردات الحرف
يما من اول كلّة
======================
بدك ألف دورة كومندوس مع حرف هههههههههههههههه
واسمحولي اشكر الأنسة ليلى وبغض النظر مين ربح ومين خسر
بهنيكي على هالردود الجميلة لأنها بالفعل بتخلق جو حماسي قد جمهور حفلة وحدها

أنا رح قلك يا حرف مين ربح بالحقيقة، كل قاريء لهذه الردود الجميلة هو ربحان مية بالمية، وخاصة هالقصيدة الرائعة التي رديت فيها، فيها من قوة المعنى والسبك الكثير الكثير، وهي دليل على أنك شاعر ألمعي.
أذكر بهذه الأبيات الجميلة
...
وضل بأرضو مهما يصير = يحكي الكلمة من الوجـــدان
...
نوري بترجعلي بكـــــــــــير = تاتشحذ مني القصـــــــدان
...
بمضلة بتنزل تكســــــــــــير = مخردق من ردات الحرف
يما من اول كلّة
ممتاز، ممتاز، ممتاز
هات يا سليمان خلينا نشوف شو في بالجعبة.

موضوع: رد: وين ليلى ؟ السبت أكتوبر 25, 2008 11:30 pm

شو ها القصة ياجربوع***مغمّض ما بتشوف الضّو
وقانون الحرب الممنوع***تقوّس عا مظلّي بالجّو
رح تتحاكم شهر ركوع***ومش رح تنفع كلمة لوّ
ويا ليلى أنهي الموضوع***مع شاعر عا الترللي

مشرف عدد الرسائل : 519 تاريخ التسجيل : 15/03/2008

قلتلك مرة جربـــــــــــــــــوع = صفيت حـجـــار تراشق

عدلتا بكلمةّ ينـبـــــــــــــــوع = وراجعلي لشعري عاشق

بعدك ترغلة بطــــــــــــــلوع = مابتعلى بجو الباشــــــق

وحرف البـلّـش بالموضوع = اللي ترجى ليلى تـنــهـيه

مبوشق متل الترغلة
========

يعني ليلى بتمون والعفو عند المقدرة بس وحياتك غير
ماتقلي حرااام عف عنو ياحرف مابسامحك هههههههه
=====================

موضوع: رد: وين ليلى ؟ الأحد أكتوبر 26, 2008 10:37 am

سماع الكلمة ولا تحتّد***وخليّك قبالي حاني
لمّا يبلّش معنا الجد***بتطلع غبرة من حصاني

ليلى يمكن يوم الحد***ترد علينا يا جاني
وتقلّك يا حرف القد***همزة بموقع لبناني

أنتا وغيرك ما بتنعدّ***قد الحملي بيميدان
وبدها تبلّش معنا العد***وأنتا تحضّر للفلي

ضب العدة لأنو مش رح اعطيك وقت تلم كراريبك ههههههههههههه

مشرف عدد الرسائل : 519 تاريخ التسجيل : 15/03/2008

دمعاتك رح خـلــّــي نـهـــــر = ومأداك زغـيـــر ورمزي

بقسطلّك كل آخــــــــــر شهر = قرش المقـــــدوح وغمزة

وتا إرحـــــــل لا تشد الظهر = شو بتسوى بدون الهمزة

المبدىء رح تنسى من القهر = وتايرجـعـــــلـــك بتصلي

======================

موضوع: رد: وين ليلى ؟ الأحد أكتوبر 26, 2008 12:06 pm

شادد حالك بالهمزات***بسوء النيي في همزة
والشدّة بالغمّازات***انشالله ما بتاخد غمزة ههههه

بتضّلك همزة ووصلات***وقرشك مقدوح ورمزي
لكن بدنا بالعركات***تشيل الهمزة من الجبناء
وترجع همزة أغبياء
والّا همزة ....!!!ما بخلّي

مشرف عدد الرسائل : 519 تاريخ التسجيل : 15/03/2008

الهمزة المابيفهمها بظرف = ع تـمـــــــــــــــــو بدو لكـــمي

مجرم لص وغظ الطرف = يوضع بيــــــــــرق ع الأكــمي

الهمزة أم وأب الحـــــرف = وبعدلا بيــصدر حكـــــــــــمي

برائة وجرئة عن صرف = اصرفها وحكم القاضي شوف

بتطلع أحكامو مضلة

=========

موضوع: رد: وين ليلى ؟ الأحد أكتوبر 26, 2008 10:12 pm

موضوع جميل جدا، واختيار ذكي لحرف، " الهمزة "، ولمن يعلم: الهمزة نوعان همزع قطع(تكون في أول الكلمة أو متوسطة أو متطرفة) وهمزة القطع برع فيها سليمان فقطع اليقين عن الشك، وها هو يقول:
"شادد حالك بالهمزات***بسوء النيي في همزة
والشدّة بالغمّازات***انشالله ما بتاخد غمزة ".

أما النوع الثاني فهو همزة وصل (تأتي في أول الفعل، وأول الحرف، بالاذن من حرف، وأول الإسم) وهذا النوع برع فيه حرف، فوصل ما حاول سليمان أن يقطعه في تهجمه على الهمزة كأن بينهما ثأر قديم، وقال حرف:

"
الهمزة المابيفهمها بظرف = ع تـمـــــــــــــــــو بدو لكـــمي

مجرم لص وغظ الطرف = يوضع بيــــــــــرق ع الأكــمي

الهمزة أم وأب الحـــــرف = وبعدلا بيــصدر حكـــــــــــمي

برائة وجرئة عن صرف = اصرفها وحكم القاضي شوف

بتطلع أحكامو مضلة"
ولله شي حلو.
وبين همزة الوصل وهمزة القطع، صار هالمعركة بدا قطع وصل.

» وين ليلى ؟
» مجنون ليلى
» غمزات أدبية يومية
» عتب عا ليلى...وحرف
» رثاء ابنت خالي ليلى عكاري