النبيل والهبيل

مصيوت انت قلت عنّي بالهبل ****كلمة كبيرة من نبيل بتنقبل
يا ورقة البرباص عامداس الطريق****رياح العتيدة ما بتقدر عالجّبل
___________________________________
يا ورقة البرباص عا مداس الطريق****حاطت براسك شر ما عندك صديق
بين المداس وراس نقّي يا هبيل ****جبت النعل تا روس لسان الطليق
__________________________________
بين المداس وراس نقّي يا هبيل****شاعر بادفى لسان والمعشر نبيل
رح ضل خبط فيك يا راس الهرم****تا يصير راسك من خبيطي مستطيل

يا بسين بري سماع مني هالجواب***و لا تضل تبرم بالهوا متل الدولاب
برباص قلت وكيف شو معنى الكلام***بأيا قاموس مبيني بأيا كتاب
"""""""""""""""""""""""""""""""""""""""""""""""
برباص قلت و كيف شو معنى الكلام***بأيا قاموس مبيني بأيا منام
احكي حكي مقبول بيكفي هبل***تعلم يا ابني كيف بيبكو لقلام
"""""""""""""""""""""""""""""""""""""""""""""""

بس ما فهمت شو برباص

برباص يعني من هرار السنديان ****كلمة صريحة وواضحة بشوف العيان
البرباص هر وهرّت ضراسك معو****لملم الضرس ورجّع لنيعك كيان
______________________________________
البرباص هر وهرّت ضراسك معو****يمكن الركلة الرّاس نتفي توجّعو
نعيت النبيل وصار بالنعوة فقيد ****راس المطلمس ما بتقدر تقنعو
______________________________________
البرباص ياشريك هوّي ورق السنديان المعفّن والمهتري بسبب العوامل الطبيعية
وبرباص السنديان هوّي المادة الرئيسية التي تستعمل لخنق الهواء عن المشحرة
مالو ........ منّك عم بتقول انك معّاز ....وكيف بيسود البرباص وبيصير بعد
الحريق فوق المشاحر تراب أسود .......الله يعينك

شكرا خيي حسان عا التوضيح يمكن في ناس ما بتعرف شو معناتها
وبطلب منّك بس تزكر شي من تراث ضيعتنا توضّح لأنو بو بسينات يمكن ما فهم شو معنات برباص
انشالله تعملو مشحرة هههههههه