الدولار

موضوع: الدولار السبت سبتمبر 20, 2008 12:35 am

حل ... عني .. بّحق .. رب البار - بيكفي تصب الزيت فوق النار
بيكفيك تكسر خاطري بيكفيك - وتزت عاغصوني الطرايا حجار
علقتني ومرمرت قلبي فيك - وبعز عمري عملتني - ختيار
وخليتني اسهر أنا -والديك - ووعّي عصوت الآخ كل نهار
لكن ما بدي ربنا - يجازيك - والحق كلو عا - قدر - غدار
بيحرنق جيابي على-- المتليك - وللخصم بيودي- كنوز كبار
لالا ما بدي المال يبقى شريك - المال بيسبّب هموم --- كثار
ومش هم لولا كان عزمي ركيك - الفقر بكرامة ولا الغنى بالعار
ومازال حَب العمر بعدو فريك - عا قد كم الزنبق بنوار
ببيت الامل رح اشقع مداميك - اكثر ما فكري بيشقع الاشعار
وأوقف على الحاشي بعزم دبيّك - وانقف متل داوود عالمزمار
ونادي الاله يطل من هونيك - يشيل الظلم عن رقبة الاحرار
مظلوم والظالم بحقي سميك - وبالجوع بيعلم على المنشار
ولو كان صدري قد أطلنتيك - حلوي يضيق ويكشف الاسرار
وياحضرة الظالم انا بناجيك - قرّب العمر يصير فوق شوار
وبالغصب عني قررت جافيك - ومعروف هجر الحبس مش معيار
ولو كنت مفضل ربنا يكافيك - وقرش الاخذتو تدفعو- مليار
ومش لايمك لومي على مربيك - باع الكرامة عاشكل-- سمسار
وبكرا .ضميرك .عند .ما يوعيك - استغفر من الشب الظلمتو وقول
المتهم بري والحق عالدولار

موضوع: رد: الدولار الأحد سبتمبر 21, 2008 12:52 am

للحقيقة يا اخوان شعر لا تعليق عليه انه لمن اجمل ما كتب في المنتديات