اهلا بالشاعر شادي موسى

شــــادي يابلبل غرّد بصوتو وشدى
قناديل شعـرك شعشـعوا كتاف الودا
بكم منتدى العـــــم يكتب ولبى الـندا
شاعر لمع مشعــــــال فكرو بالـهدى
ولمــــــــــا ع برحـليون طلـيت بهدا
زرار الورد شهـقوا لقــطـرات الندى
فكرت رحّب فيــــــك مالقيتك غريب
ومابيلزمــو ترحيــــب إبــن المنتدى

* * * * * * * * * * *

اهلا وسهلا بشادي

موضوع: أهلا بشادي الجمعة نوفمبر 07, 2008 4:06 pm

شادي تفضل ع ميدان الحرب فــــــوت = وإيــــاك تلبس درع نسج العنكبــوت
عنك سمعنا شاعر ومافي ثــــــــــبـوت = برهن تفضل شــو معك در وياقــوت
حرف الزجل جاييـك تايعطيك قـــــوت = بشادي وموسى يبحث وعيب السكوت
وهمزة وصل تاتكون بين موسى وطليع = لحـّـق ع حرف الشاعرية بالبيــوت
=============================

حتى رحب بالبلبل الشادي بدي استعير عبارتين وبدل بكلمة وحدي:
الاولى من الشاعر عمار: " ومابيلزمــو ترحيــــب إبــن المنتدى"

ومن حرف: " شادي تفضل ع ميدان الحرب فــــــوت"

وبزيد تفضل يا شادي عا منتدى الحرف ايضا

عمار البراضعي كتب:: شــــادي يابلبل غرّد بصوتو وشدى
قناديل شعـرك شعشـعوا كتاف الودا
بكم منتدى العـــــم يكتب ولبى الـندا
شاعر لمع مشعــــــال فكرو بالـهدى
ولمــــــــــا ع برحـليون طلـيت بهدا
زرار الورد شهـقوا لقــطـرات الندى
فكرت رحّب فيــــــك مالقيتك غريب
ومابيلزمــو ترحيــــب إبــن المنتدى

* * * * * * * * * * *

اهلا وسهلا بشادي

------------------------------------------------------------------

عمار حتى خبّرك قولي الصحيح ...... معتاد احكي الحق مش انسج مديح

بكم منتدى الفيهن غفي المعنى الفصيح ..... صار الحرف تابوت والكلمة ضريح

ضيعت شعري مع ألف شاعر شحيح ...... بعقول فيها الشعر ضيعان المليح

ولما ع برحليون فوق بساط ريح ...... طار الوحي فيي وشفي جنحي الجريح

هيك رجعت عاحضن بي المنتدى ...... رَجْعِت الضال اللي حكي عنو المسيح

---------------------------------------------------------------------

layla كتب:: حتى رحب بالبلبل الشادي بدي استعير عبارتين وبدل بكلمة وحدي:
الاولى من الشاعر عمار: " ومابيلزمــو ترحيــــب إبــن المنتدى"

ومن حرف: " شادي تفضل ع ميدان الحرب فــــــوت"

وبزيد تفضل يا شادي عا منتدى الحرف ايضا

-------------------------------------------------------------------

ليلى يانقد لكل شاعر شاعري ...... ياعيار ميزان الكلام الجوهري

من دون ماتقولي بيوت لخاطري ..... أو تستعيري من الشباب وتشتري

كلمة تفضل وقت قلتي ... وزنها ....... ب وزن البيوت ال قلتها عامنبري

--------------------------------------------------------

7arf كتب:: شادي تفضل ع ميدان الحرب فــــــوت = وإيــــاك تلبس درع نسج العنكبــوت
عنك سمعنا شاعر ومافي ثــــــــــبـوت = برهن تفضل شــو معك در وياقــوت
حرف الزجل جاييـك تايعطيك قـــــوت = بشادي وموسى يبحث وعيب السكوت
وهمزة وصل تاتكون بين موسى وطليع = لحـّـق ع حرف الشاعرية بالبيــوت
=============================

--------------------------------------------------------------------------------------

المنبر مابدو حروب وسيوف وقوى ...... بدو رسم أشعار عاكوكب ضوا

مينك تاتعطي قوت؟ ياحرف انزوا ..... اعطي سكوت ول علتك اعطي دوى

بموسى وطليع ماكنت همزة للنوى ..... كنت قمزة من الأرض فوق الهوى

بلسان موسى حكيت الله عاسوا ....... وجنة طليع ملكتها بالمحتوى

وبجنتي ال فيها الحبر نهر وروى ....... عا قد مافيها حلا وسِحر وغوى

بتفوت رافع سيفك وراسك أكيد ...... وبتفل طاير سيفك وعقلك سوى..

-----------------------------------------------------------------------------------

" شادي تفضل ع ميدان الحرب فــــــوت = وإيــــاك تلبس درع نسج العنكبــوت"

بدأ حرف بهجوم قوي لمح فيه إلى قوة سيفه الشعري الذي لن تنفع معه أقوى الدروع، والتي ستتحول أمامه إلى خيوط العنكبوت.

" المنبر مابدو حروب وسيوف وقوى ...... بدو رسم أشعار عاكوكب ضوا"
فكان مطلع قصيدة شادي مطلعا تعبيريا قويا، يؤكد فيه أن الشعر ليس مجالاً للحرب بل مجالا للإبداع الشعري،

وهي في رأيي قفزة نوعية في الحديث عن الشعر، ثم رد على حرف في كل ما جابهه، وأنا برأيي إذا ما نشبت محاورة شعرية بين حرف وشادي لن يكون شادي شاعرا سهل المنال، هل يجرؤ حرف على هذه المنازلة? هل ينسحب وهو شاعر يشهد له المنابر صولات وجولات? هل يأتينا بقصايد تعودنا عليها? أم أنه يرتجف الآن ويقول مع القائل: " ألف كلمة جبان ولا كلمة الله يرحمو". هل يترك المنبر، ولا ينبري له?!!!!

» اهلا بالشاعر فادي فيّاض
» اهلا بالشاعر حكمة شديد
» حوار الكيس شادي موسى وبحر الزجل
» شادي موسى وبحر الزجل موضوع الضياع
» شادي موسى وسليمان طراد نص وكل