أكلة بامي

موضوع: أكلة بامي الأحد أكتوبر 26, 2008 2:10 pm

كيفك...؟طلع عمّار قدّامي***انشالله تكون بخير وسلامي
جاوبت..!!!كتّر خير الله منيح***خلف البحر حققت أحلامي

جاوبت كتّر خير الله منيح***شوية تعب ومزكّم وترشيح
وقلّي انا طوّلت...!1!للتوضيح***ضغط وشغل بيشل منّي الروح
ولازم ووجودي يكون ألزامي

ضغط وشغل بيشيل منّي الروح***ومجبور أحضر غيب مش مسموح
ألا بيقلّي ...!!!شوي...؟؟ بدي روح***أمّي الحنوني عاملي باااامي

********************
باااااااااااااااامي ...بربك روح وازكرني***وصحتيّن ...!!قلّي رايح عذرني
ومن كتر ما بحبا وصلت حامي***بدّي يا أمي تعملي بامي
أمّي بتضحك ....؟ليش ....!!!بكلاامي
ما اليوم عاملتا يا تقبرني
بعرف أنا بتحبها ....؟الباااااامي
ههههههههههههههههه طلعت عاملي بامي

مشرف عدد الرسائل : 519 تاريخ التسجيل : 15/03/2008

عبّي البطون وارجع تنـحى = تخــم العقول بتخلق البــــــحــة

سليمان عبى الكرش للزلعـوم = وصفى الطحة يطح ع الطــحـة

بياكل البامي وبالشعر محروم = وحرف الزجل من فكرتو تمحى

وعمار قلي ع الغدا معــزوم = واكلةّ البامي بتحسبو دحـــــة

مريت صوبو بقشعو متخوم = بيجغم جغـــم متشردق بقــحـة

فكرت وديلك إلك بلكــــوم = البامي لقيت بيطبخـوا البيـتين

ومن بيت حرف بقلكم صـحة
=========

موضوع: رد: أكلة بامي الأحد أكتوبر 26, 2008 10:23 pm

ها ها ها ها ها، شو هالصدفي أنا وعم بكتب هالتعليق وطبخة البامي على النار، تفضلوا يا شباب.

موضوع: رد: أكلة بامي الإثنين أكتوبر 27, 2008 5:42 pm

لو جابو أكلة بامي***وبزر وفستق وقدامي
وموز مقشّر مع بطيّخ***الليلي بتركع قدّامي
********************

جيبولي قضامي ورمان***وجرجير يشيل القحّة
عا النيري بطحن صوان***وما بتاكل غير الصّحة
جايب أشعاري طوفان***ولازم انتي تتنحّى
عن منبر ربّو سليمان***وملكوت الشعر السامي

مشرف عدد الرسائل : 519 تاريخ التسجيل : 15/03/2008

مفوّض لو كنت الســـامي = رح تتفركـــــــش قـــدامي
علقةّ شعري حـــادث سير = وتأميـنــــــك مش إلزامي
====================

نصحتك عني تـضـل بعيد = وتتخــبـــى تحت الجـوزي
بتتدعفر ماعـــــرفت تحيد = راســـــــك متل الحلـوزي

وكثرةّ ماعيــــشك تنكـــيد = وحاسدني بنصري وفوزي
طقيتك كــــــف بها الإيــد = توزت نيـــــــــــابك توزي

ولو هروا سنانــك ع العيد = لاتخـــــاف بجبلك مـوزي
الهيئة الوجبة عملت جديد = الأخضــر واليابس ياجراد
مسحتو بارد أو حامي
=========

لو جابو أكلة بامي***وبزر وفستق وقدامي
وموز مقشّر مع بطيّخ***الليلي بتركع قدّامي

********************

يا بارد بالشعر قناع***انّك بارد ومسقّع
شو جابك عا مجال سباع***ووجّك عا النار مفقع
عا المنبر عندي اطباع***ناريي وشو بتتوقع
من شاعر خلّى الأجماع***بحكم المنبر ألزامي

مشرف عدد الرسائل : 519 تاريخ التسجيل : 15/03/2008

شو بتمـنى بمنــــــــامي = يطلع شــــــاعر قدامي
بيرجع يطلعلي سلـيمان = يركعلــــــي ع أقـدامي
====================

ضلك ع البـــامي والرز = فـــوق النــار العم تغلي
مابتفهم وقفات العـــــــز = مقصّر راكــب ع البغلة
تركني مخمر كاسي مز = الثلجة بكاســــاتي شغلة
ع غير بوابــــــي بتوز = وع بوابي حارس حامي
====================

توقّعت الرد المحموم***وما توقّعت توقّعني
ورشيّت على الأكل سموم***وانتي بتعرف شو بنعني
بتتهمني ويا عيب الشوم***حارس بركي بتقنعني
وبحقل الشعر الملغوم***ما بتخلص من ألغامي
*******

مشرف عدد الرسائل : 519 تاريخ التسجيل : 15/03/2008

طيب بطّلت التجريـــــــــح = ورح إحكـــي بلغةّ ملهم

ع شرط بتقنع وتزيــــــــح = ومن نبع حروفي بتنهم

وترفعلي العشـرة بتصريح = وتحل اللغز المــبــــــهم

ساعــــــــتها بقللك يامنيح = الله يسـّـلم هالـــــقــــامي
====================

شو صار مأكد قديّس***يا تسلم...؟ أنكغة...!!! تسك
نمرة أجرك عم بتقيس***ورح توقع عا راسك شك

خلقان مخاوي أبليس***وبنعرف ما عنّا شك
من البيضة مفقّس تفقيس***وعم تتعلم تعمل بك

انجربت تحمّي الوطيس***عراف الرقبة رح تنفّك
ولا تضلك حشري وتلبيس***وبصابيع با حرّوف
لا تلعب بالفرّامي

انتبه هههههههههههههههه

مشرف عدد الرسائل : 519 تاريخ التسجيل : 15/03/2008

فكرت بتزمـــــط تزميط = وبتفهم كيف اللعـــبــــة
هلــــق من بعد التشميط = رح تفضى فـيك الجعبة

الدرب مصونلك تشريـط = وشموخك دست بكعبي
لا تحكي قبالي تجـــليط = بجبلك طاسات الرعـبـة

قلبك لازمـلو تخـطـــيط = وتاحقل شعارك تِعـبــي
راسك رح إشفط تشفيط = ياغبرة ع كعاب الـخيـل
بساحةّ شعري وإلهامي
=========

يا عمي ما قال المتل شي غلط " اعطي خبزك للخباز ولو أكل نصو"
هلق بدكن تقولولي إنو الشعار متل هالعملاقيين سليمان وحرف?!!
صحيح إنو المعركة حاميي، وصعبي ترجح الكفي تحت القصف، بس فينا نقول إنو العملاقة شعرن غير شكل، وشوفو كيف: معاني، وقوافي، وقول ورد، وهادا كلو الشعرا بتقدر عليه، بس إنو يتضمن القول روح فكاهية، وما ينكسر لا الوزن ولا المعنى!! جد ومزح بنفس الوقت!! رصانة وفكاهة بفرد بيت وفرد قافيي وفرد رد!! يعني صار الشعر هو السهل الممتنع. بتتحمس، بتحس حالك بقلب العركي، ما فيك إلا ما تقرا مرة واتنين وتلاتي...، بتضحك، بتطبع هالعركي وبتحملا معك تا تخبر الأصدقاء وتفرفح قلبن، وبتخبرن عن أحلى منتدى...
شي كتير حلو يا شباب،
ما بخفي عليكن إني رح فلي قصايدكم تفلايي، بس خليني هلق مزهوي ومعجبي.