علمك اجت الشتوية " شروقي"

ياعمــــــــر انتي شقي عرفتك نهر بتسير = ع ضفاف نبع النـقي عــــــــــم تكرج وماشي
وغلـــطان عمر النظر خلف البكي بيصير = وماقدرت عمري البقي انطـــــر على فراشي

كل عـام بكبر سنة وبحس صرت كبيــــــر = وبقول جرحي الهني مابيلزمـــو شــــــــــاشة
وبعكس شعـري الغني صــايرعمر تعثير = ذايب وجســمي فني ع جيــــــاب دشـــــداشة

واليوم صيف السعد راح واجا بكـــــــــير = والطقس بلّش رعد والناس غشـــــــــــــاشي
والكذب نازل وعد والسعر غالي كثـــــيـر = المازوت غالي بعد مابيحملو معـــــــــــاشي

في ناس جمعت حطب تايقطعوها زغـــير = وفي ناس نطروا الخَطَب يحكي على الشاشي
والجرح فينا شطب والبال فرض نديـــــر = سيـاســـــــات كذب وعطب الله على الواشـي

يامين يبعث بُـشر ياناس للتدبيــــــــــــــر = واليوم مافي بشـــــــــــــــر ع عيونها غباشة
وأكبر سياسي فشر تايرجّع التدميــــــــــر = ونقشع ع راسو دشـــــــــــــر بجياب نشاشي

* * * * * * * * * * *

بزكر يا فصل الشتي..لم كنت طفل زغير***شوفك قبالي هوا...ودموعك عياني
غليّت سعر الحطب..برد وهوا وتعتير***وخدود متل القمر ..بالليل برداني

قديش عمري انا..بتزكّر البكيّر***وبيي عا جمع الحطب...تا يروح وعّاني
وياما حرقنا التلج... بمروجنا مشاوير***أيام بيضا مضت..وولاد جهلاني

واليوم شوفوا الغلا..أو عيشة التقتير***ما ضل عيلة بلا..ما تعوز دكّاني
من هيك صيف الوطن..غالي عا قلبي كتير***وبساط وسع المدا..مفلوش لبناني

مشرف عدد الرسائل : 519 تاريخ التسجيل : 15/03/2008

بلبنان عُمر الصيف محسوب ست شهـــور = وستة البرد بيجي ببلادنـــا قـــــــــــــــــاسي
حبيت إكتب إلو شي ست سبع سطــــــــور = وزوّد شعوري بـّ عِبر من صدق إحســــاسي

عـــــمـّـــار شعرك كتب أجمل جُمل وشعور = ومتلك بو شربل ملك والشعر ع راســــــي
ومش بس قلبي انشطب حسوا معي لصخور = حكيـتوا صراحة وصدق والذوق ألمـــــاسي

المازوت . غالي ؟ صدقت مش رح بّلف ودور = وبالفقر معكم انا حـــــارق إلي نـــفـاسي
بلفلف ولادي سوا بحرام بقـــــــــــــــجـــــةّ دُور = وبيصير تك البرد إسمـع على دراسي

الحرمان زاد الجفا تايبّس المنــــــــــــثــــــــور = وبَـّيعَد ليالي الدفى وحــــوالـنا ناسي
وللضيف صرنــــا انلفى منشعل البـابــــــــــــور = ودخلك ياربي الدُعا لا تخلص الطـاسي

====================

حلو حلو، أبيات معبرة لشعارنا الكرام وكل واحد وصف البرد وأحوال الشتاء، غير أن وجدانية عمار البراضعي كانت مؤثرة، وبداية قصيدته كانت معبرة، لقد أجدت في وجدانياتك عمار وأصبت في طرح معاناتك التي -كما أعتقد- ليست معاناة شخصية بل معاناة شعب نطق بلسانه شاعر حساس.

مرضان صارلي شهر ما بتسألو شوباك
وماشفت منكم حدا عالخاص داعيني
وودى رسالة الي ياعم بترجاك
مشغول بالي بقى دخلك تعا حكيني

ولم راح وقت الدفا وتغيرو الافلاك
والغيم ناذر حفا بالغيث يسقيني
فلشتوا حرام الجفا تادنق الشباك
ومابين وج وقفا ماعاد يعنيني

وختيار جسمي هزل وبنام عالاشواك
ومايوم حنا اعتزل بالخمر قنيني
وبضل حتى الازل مزمز شرب كونياك
وحدي حبيبي بغزل وحدو بيدفيني

معانٍ جميلة ورقيقة للشاعر حنا العتيق