لا تواخذونا يا شباب

اسليمان قالوليلي عنو
شاطر من زغر سنو
بياكل عالوقعه رغيفين
ألف سمالله ويخز العين
الجنانه بتفزع منو
*******
لا تلوموني يا إخوان
لو ما بعرف بالاوزان
الشاعر ما بدو ميزان
الاحساس بيوزن فنو
*******

يا بو مندف شولّي صار***جاينا شاعر ثرثار
تأهل عيبي بالشعّار***ومنّك هيك بيستنّو
***********
أهلا بأبو مندف ولك يا زلمي لا تعلق بلساناتنا هيدي تحلمسي عا الخفيف متل ما بتقول هيفا هههههههههه الجاييي أعظم

*******
تا تزعل مني ما بريد
وبتأهل فيك من جديد
وقت الشفناك من بعيد
قلنا أهلا بشرنو
*******

شرنو أو بدر وفانوس ** وبو نصرة عتبان عليك
بمحادل جايي وماعوس ** متل الطبل بفيلم دويك
نكنت بّو مندف مهووس *** بموئعنا لاتهاجم هيك
منردك حمص مهروس ** ومندف عن يرجف سنو

*******
جايي تا باري وياريت
بلاقي بالساحه فرسان
من بعد النطره ما لقيت
قبالي غير حنا السكران
المندف والخنجر سليت
وقلنا شرّف يا سليمان
للي راح تخبا بالبيت
ووداك تدافع عنو
*******

مابتعرف حنا السكران *** كلما نادالو الواجب
بيطلع جان من الدكان*** وعينك مابتعلا الحاجب
وعنو وداني سليمان *** حطك عابوابو حاجب
اش بدك منو يافلان **** ياجايي السيف تسنو

يا بو مندف ريح الشعر***بيجرف رملك وبيمحي

وبيترك بيراسك شعر***راس الحربة اللي برمحي

شو زارع بالموقع زعر***نقّي زوانك من قمحي

مش رح خلّي براسك شعر***وفكرك خيّبلو ظنّو

ههههههههههه انشالله تكون اقرع بتخلص ههههه

*******
اسمالله عليكن ملا جوز
واحد افكح من تاني
انت هوي بقشرة موز
بزحلطكن عالجباني
مني ما بتنالو الفوز
ولو كنتو سبعه تماني
بكسر فيكن متل اللوز
وما بخليكن تتهنو
*******

مع عمك حنا مابحب****مرة تبئى تحكي هيك
مفكر حالك بعدك شب***وحنا مختير؟ بعده بيك
كسّر لوز وقشره كب***وفتّح بئبالي عينيك
انت الئشرة ونحنا اللب***المن خيراته بتجنو

أحب التوقف على بعض ما جاء في رد سليمان لأنه يستحق التوقف وعدم المرور كمرور الكرام، مع تحية طيبة لباقي شعراء هذه الصفحة وجماليات بعض أبياتهم:
"بيجرف رملك وبيمحي": أديب كبير أنت يا أبو شربل، ما أبلغ وأفصح هذا التعبير، تصور الشاعر يكتب على الرمل، حيث لن يبقى لكتابته أثر.
كما تعبير البيت الثاني كان قوياً

*******
بدك دعك وعك وفرك
وعص ورص وجوز كفوف
اللوز البعدو أخضر فرك
تا تاكل قشرو ملهوف
عندك لب بيحرك حرك
افتحنا راسك بالشاقوف
لقينا براسك فاتح سرك
وبقلبو قاعد سعدان
بيضحك ومبين سنو
*******

حلوي أبو مندف

تركني زهرة بغصن اللوز***وباكل بوسة أحساسك

وانتي كسّر لوز وجوز***ونحنا بنكسرلك راسك هههههه

أكلو سباع الموقع جوز***حنّا وبو شربل..!!! كاسك

وانتي تسلّى بأكل الموز***ونحنا ما بناكل منّو
هههههههههه

*******
هلق يا برحليون هيي المختبر
جايي أمير الموهبه وحامل خبر
كم شاعر بشاعر على دقنو شبر
شاف الندامه ونزلت دموعو عبر
عا معبر المجد انتخا شعري وعبر
ناطر خصم جبار قدرو معتبر
وبعد الزمان وبعد طول الانتظار
يمكن ببرحليون خاطرنا انجبر
*******

اهلا وسهلا بالأحبة الخاطرو********يفوتو بمجال كبير حنا ناطره
بالطهوجي الهاجم مابرضا شاطره*****ورد الأوافي بمختبرنا وعاطرو
الشاعر ببرحليون حنا معاصرو******نجربت تغدر خنجرك بخواصره
من دون اخر حرف بدك يا امير***ترجع ما فيك الشعر يجبر خاطره

*******
لما ببرحليون خطينا قدم
عا صفحة التاريخ خطينا قلم
ومش معيره الشاعر بشاعر لو اصطدم
هيدي عوايدنا الكريمه من القدم
ولو تمرد الراء وطوا الكلمه وهدم
من أبجديه حروفها بقصري خدم
بمحيه من ابيات شعري كلها
وخليه عايش كل ايامو ندم
*******

جميلة هذه التورية يا سليمان " أنت تسلى باكل الموز"، هل تقصد به أنه قرد?
وأبو مندف اصاب أنه عندما زار برحليون " خطينا قدم"، كتب صفحة من التاريخ " خطينا قلم"، جميل هذا الجناس( قدم قلم)، وجميل هذا التعبير ومبدع. لقد اجدت في كل القصيدة.

بعض الحروف بيوئع عليها الأصور
منهم حشم خدام عبواب الئصور
ونحنا بعوايدنا الئديمة بالساطور
ندبح لضيف الزارنا ونكتب سطور
الشاعر ببرحليون جبلة من الشعور
بالنور زاح العتم فجره هل نور
شوباك عن تحكي بحدف هيدا غرور
وتاتشيل راء البحر بحيت السرور
وجهل الليل للنور كلما بيحذفه
بيندم بعد مالشمس تغفى بالبحور

» شو يا شباب ما في ترحيب!!!؟؟؟
» يلا يا شباب موشح
» عا الطبخ يا شباب