هاني ناصيف يشكّل وزارة ههههههههههههههه

هيفا العنداري

صباح الخير للجميع فيني افهم شو المقصود بهالتلطيشات هاني؟

ملك العنتريات و المرجلة و محيط الشعر و الادب ابو علي

لشو هلقد رقبتكن قصيري
يا عيب الشوم هالشغلة خطيري

انا ما بلطش و لا بريد اسمح
ابدل قلعتي بشقفة حصيري

يا هيفا ليش بحقي تبجح
و تهمني بالدني تهمة كبيري

كانو بغيبتي بريد يفرح
لانو من بعد ما هدمت عرشو
طلع قدامنا بحصة زغيري

وهيك انتهت القصة كاملة بيني و بين موقع زجل على الفايس بوك بعدم التوافق على الحكومة و اتهمت بالعمالة و الخيانة

hany nassif كتب:: وهيك انتهت القصة كاملة بيني و بين موقع زجل على الفايس بوك بعدم التوافق على الحكومة و اتهمت بالعمالة و الخيانة

يا هاني اعم يحارجنا ع سيـــري
عارف علقتو علقة عـــســـــيــري
لأنو عا الحصيري ما تربّـــــــــــعْ
لو ما خاف من زِقْ الحصيـــــري
بيكييل بالمُكَعب بالمـــــــــــــــــــربع
على حجمو وعلى قياس العشيري
طلعت بدلة الحكم المرقـــــــــــــــع
عا قدّدو لا طويلي ولا قصيري
ولأني الخمر عتقَتو بموقـــــــــــــع
خوابي طاهرة بتشبه ضميري
قبل ما الخابية عا الارض توقــــع
عَجــّلْ إسند الخابي بأصبــــــــع
كبيري وبدّها بحصة زغيـــــــري

أبو علي الأصلي

ثالوث بموقع الكلمـة المصونة
فاتوا يشكلوا حكومـة بدونـــي
الوزارة ناقصة طلـعت بلايـي
وأنا بكملّهم وبيكـملــــّـــونــي

عجيبة كيف بدكم ياضنـــايــي
حاسبكم وتبقـــــوا تحاسبونــي
وماتعطوني حقيبة من البدايـة
وهالتشكيل فيها مش قانــوني

إذا بالمرجــلة بعزز قوايـــي
ع جــو النسر مابتعلى سنونة
وإذا عن فلسفة عندي الهداية
وغيري مابيطلع افلاطــوني

تعوا للعدل نرجع بالنهايــــة
وعينــــيكم نفتـّح مع عيـوني
مانسـتـثـني حدا نوحّد الراية
هــيك منقدر منعمل حكومـة
الوطن محتاجها وبدو معونة

* * * * * * * * *

يا عيني عالتوافق بس للاسف انا تنحيت شوفو حدا تاني يشكل

يا هاني ليش مستعكف قرارك
غلط لازم تشكّل ها الحكومة
الظروف مؤاتية تعمّر حجارك
وتعمول ها الوزارة بلا لغومي

بعرف ناس عملوا عا حصارك
وانتي براية البيضاء تووومي
وعا طبخة بحص لو خففت نارك
ما فيهون ياكل بعامين يمكن
وعليها بيعملوا العالم فلوومي

هههههههههههههههه

وانا ما اعتدت يا عمّار نحّي
وزير ان كان ناجح بالوزارة
انا بالصهر مش مقبول ضحّي
لأنو شاف يا شريكي مغارة
هههههههههههههههههههههههههههههههههههههههههههههههههههههه
وزير اليوم بالأشغال صحّي
وما بعرف ليش رح يترك خسارة
ويا ريتو كان بأيدي تا محّي
كل اللي انكتب بالغش عنّا
ودكاكين الفساد بكل حارة

تاه الوزير الكـــــــــان تشكـيــلو
بالزور والبهـتـــــــــــان تنقـــيلو
الغالب بيبقى والهـرب مغلـــوب
ولغير ربك ذل تشكـيـــــــــلــــو

مابينمحى اللي من القدر مكتـوب
بس الغلط والعــــــــــار منـزيلو
ولو ينمحى العاجـبـيــننا منـتوب
توبةّ إيمان بدون تمـــــــثـيـــــلو

وحق الرسول اللي هـدانـا دروب
وسلمان سيدي بطهر بحنـيـــــــلو
كرمال عيسى اللي انفدا مصلوب
النعرات من بيناتنا شيـلـــــــــــو

صهر الإغاثة من البشر محـبوب
من دون إعانة الأول بـجـــــيــلو
ومنشان مايبقى علينا ذنــــــــوب
ياشكلوا حكومة لكل النـــــــــاس
يما بلا التشكيل وديـــــــلـــــــــو

* * * * * * * * * * *

يا ابو اسامة شكّل هالحكومة تا نشوف و تا تنجح الحكومة بعد بو شربل عنها

عا بالي خاطر و دق بي عمو ابو اسامة والله شو راي الشباب الطيبي

يا بو اسامة كل ما صوتك علي
بركض تا جاوب بس فحوى المسالة
لا بتقدر من المنتدى تحمل جفا
و لا بتقدر على كفوف عمّك بوعلي

مافي جفا بالمنتدى وجوو الحـلــــــــــو

وتاشكّل حكومة ضروري إســــألـــــــو

بس اللي بدل الشعر عم يضرب كفوف

كل كف عشرة عادتي رجّــــع إلــــــــو

* * * * * * *

بالمرجلة عرفناك اضعف من ضعيف
مهدود حيلك و الجسم صاير نحيف
هي عادتك عم تاكل العشرة ندم
اسرع من الجوعان باكل الرغيف

جوعــــــــان !!! لكن مابيشبعني ولا

شاعر لسانو مش معـــــــــوّد ع الحلا

العشرة زرعت بجسمك وماقبلت فيك

آمن بردةّ شعـــــــــــر أو آيــــةّ صلا

* * * * * * * * * * *

هالعشرة اللي زرعتهن يا بو حنين
رجعو عا وجهك يا حبيبي خمستين
خمسة بعين الحاسد بكل الظروف
و خمسة عا خدك علمو من الايدتين

السالك على نهج المسيح بهيك حـــــال

بتضرب ع خدو الأيمن ودار الشمـــال

مش خوف منك عن محبة سامحك

تاتصير قدوة وتنحسب بين الرجـــــال

* * * * * * * * * * * *

من كل بسمة حب عا شفاف الصبا *** ومن كل أرزة شامخة عا ها الرُبى
ومن كل شب وشيب بها المنتدى *** بتقول يا عمار أهلا ومرحبا
شفت اسمك وفتحت الدردشة وما انتبهتلي أهلا بها الطلة يا بو اسامة

لا تروح صوب الدين تركض تختبي
و من مجد عيسى تشحد بهالتجربي
يلي بسامح خصم بعركة زجل
بلا مواخذة يا عم منعدو صبي

حسون ليك اشتقت من بعد النـــــــــوا
شوق الريَش للعود تاندردش ســـــــوا
شفتك ياخيي ورحت صوب الدردشة
لكن الانترنت كان بلا قـــــــــــــــــــوا

* * * * * * * * * * * *
عذرا سدقني بالكـــــــــــــــــاد عم اقدر ضيف ردة
بيقطع وبرجع بحاول بتكرار حتى بريدي مش قادر
افتحو على كل حال انشاء الله خيرها بغيرها
وليلة تاني بيكون النت افضل مندردش ان الله راد
سلام الك وللعيلة الكريمة
مع كل تقديري ومحبتي

hany nassif كتب:: لا تروح صوب الدين تركض تختبي
و من مجد عيسى تشحد بهالتجربي
يلي بسامح خصم بعركة زجل
بلا مواخذة يا عم منعدو صبي

* * * * * * * * * * * * * *

شمال ويمين بدير خدي عن بــزع

قصبة برجّف منبرك مش عن فـزع

بس اللي شعرو صار قوةّ ساعــــدو

ومابيفرق العشرة من العِشرة انتـزع

* * * * * * * *

لا تفلسف الموضوع اكتر من مداه
بخلي كلامك يدفع الليلة جذاه
و بسحب العشرة من سنيك يا حلو
تا تصير طفل زغير بدك انتباه

إعقل يا هاني وضل صاحب إنتباه *** عمار صعب كتير يفقد مُستواه
العشرة الل بكتابك إذا ما حفضتها *** بتطلع أنا عا الطور تا ناجي الإله

لا تطلع على الطور و تنغش بعلاه
هالطور اوطى من جبيني مستواه
تحتي بمتر و نص موجودي الدني
و فوقي بشبر و نص موجود الاله

عا الطور موسى عند ما كفو بَسط *** في معجزي من نور ربو مُنجَزي
وأنت عا الخازوق قاعد بالوسَط *** عجل يا بن ناصيف هات لك مُعجزي

متلي كان سمعان قاعد على العمود
وقضى حياتو بالخشوع و بالسجود
وهلق عا ذات الدرب قاعد يا حلو
منشان حتى اشتري لنفسي الخلود

هاني متل سمعان قضاها قطوع ** وين ما قعد بقيت بقلبو غصتو
وفَينا الندر بالدير ضوينا الشموع ** وطلعت يا هاني حصتك من حصتو

» فادي فياض و هاني ناصيف
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» هاني ناصيف مطلوب تكسير روس
» هاني ناصيف و فادي فياض من جديد