وينك ي هاني؟؟

موضوع: وينك ي هاني؟؟ الجمعة أبريل 16, 2010 9:49 pm

بكرم الموهبة بعتم الليالي = اْخضرو اوراق عنقود الدوالي
وفاح العطر من كرمو ع خدّي = ت اتكرم ع رفقاتي الغوالي
وي هاني بمنبر الشعر المندي = بجولات التحدي الارتجالي
جايي ارفعك ت تصير حدي = نسر مثلي محلق بالعلالي
لانو خصم مو ملاقي ع قدي = ت صب عْليه كامل اتكالي
وخصم مغرور بالشهرة م بدي = خيالو ضيق وواسع خيالي
اذا ع منبري تمتمت ردة = بلبس منبري در ولآلي
واذا امسي بيسبق يوم غدي = بشطرة برجعو ماشي بعدالة
واذا بتجمعو رجال التصدي = قبالي؛ ما حدا بيبقى قبالي
و"اذا بيتغربلو رجال التحدي = من الشعار ما بيظل اللا
انا ومحمد ونفسي وحالي"
**
أنَا شَاعر مِن الشعار أصْلي = عليك مْدافعي بالشعر بَصْلي
واذا بتزور يا ناصيف كَرْمِي = مِنو ما بتوخذ نص خصلة
ي عامل بو علي وبالجهل عرمي = وع بحر الشعر مِتهجم بوصلة
ت ردك ام علي وخليك حرمة = اذا ع منبري بْيِنسل نصلي
ي عامل غصن بان قْبال قرمة = وبفصلك جاي تتهجم ع فصلي
على المنبر بَبُرْمَك مِيِّة بَرْمِة = لحتى توقع على الارض مَغْمِي
واجي تا افرك خشومك ببصلة
**
وي هاني ال بدك تحلحل قضيتك = القاضي المنبر وفيو قاضيتك
القضية المنبر وما في قضية = ع منبرنا بتعلى من روايتك
اذا بدك ييجو ع المروانية = ت تتقوى مواهب شاعريتك
ضروري تحسن احوالك شوية = وترجع تا تكفر عن خطيتك
انا شاعر من زنودي القوية = غنيت المنبر بشعري وغنيتك
طويت الجهل من عمر البرية = رجعت وبذات هالصفحة طويتك
انا ما بنكرش فضلك عليي = خليلي وصاحبي بروحي فديتك
"دهر وايام عم بتشد فيي = وعِنِد م اشتد هالساعد رميتك
ودروس اعطيتني بالابجدية = وعِنِد ما قلت قافيتي هجيتك"
واذا بقدم الك روحي فدية = م بتوقع انا حقك وفيتك
واذا عليي بتتمرجل بغية = ت تعمل بو علي؛ مني عطيتك
واذا بْيِتنَورنو رجال الحمية = بجنب القلب يا هاني حميتك
واذا بتسير ع درب الخطية = ع درب الصح يا هاني هديتك
واذا بتعطش؛ ع بحر الشاعرية = ي هاني إْخَذتك ومنو سقيتك
لكن اسم زين العنترية = من القاموس محيتو ومحيتك
لانو بوعلي بنوت خيي = حمل هالاسم من لما لقيتك
كنت حافي على دروب المنية = وبوقتا اقلام من صدري هديتك
وجايبلك معي ورقة هدية = ت نقرا الفاتحة ونوقف ع روحك
دقيقة صمت ت تكتب وصيتك

بعتولي نسور عا قبالي يطيروا
بكفّي هالدواري تستعيروا
عيبي البحر ينقاس بجزيري
و عيبي الجاهل نساوي بجريرو
الشعر يا خطيب مش طابع اميري
شلحها الطيش عا غلافة سريرو
الشعر مرجوحة البدر المنيري
نحتها الشوق من لهثة اثيرو
و انت يا طراد بالمدة الاخيري
لموقعنا قدرت وحدك تديروا
عملت شلّة باساميها كبيرة
و اجو شعار منها يستنيروا
بقي محمد وحيد بهيك ديري
بضعفوا هالك الشعر و عبيرو
نصيحة من قلب مليان غيرة
و غزل من مشلح الكلمة حريروا
بمحمد لا بقاك تجيب سيري
لاني اليوم بلسمتوا بضميري
و راجع ادبحوا بخنجر ضميروا

****************

و يا جاية عالتحدي بهالبسالة
انا ما بلومك بلوم الغوالي
اللي خلّو ساقية فكر المنشف
على منبر عميد الارتجالي
قبل منك اجا الزين و تشرف
بردة و زين نجوم الليالي
و قلن للملا و الفكر طوف
انا والزين مع نفسي وحالي
و انت جاية بفكر شاعر تصوف
تحتى تجابه الفكر الخيالي
نصيحة يا محمد ضل اشرف
و قسم راست و حجاز و ليالي
منبر شعرنا اشرف و انضف
من السرقة يا شاعر اتكالي
و مازالك باللقا جاية مكيف
انا رح ادعمك بالشوط ضدي
تا حتى نقول في شاعر قبالي

يا هاني ال عقلاتك خوت = وحياة المروانية
بين فلسطين وبيروت = بحفرلك قبر بديي
***
بدي شاعر شعرو دسم = وابياتو بتسر الروح
ما بدي جلبوط بجسم = سكران وماشي بيلوح
ويا جايي مغرور باسم = ع المروانية ان بتروح
ت حتى يحطوك بقسم = الامراض النفسانية

» وينك خيي حسن
» وينك
» وينك ي سليمان؟؟
» وينك يا بو شربل
» وينك يا عمو امطانيوس ؟؟؟؟؟؟؟