روحانيات بو أسامة وبو شربل

وين غبت يا عمار خبرني
بأيا سما عم تكتوب وقرني

صرلو بو شربل ست سبع شهور
بيسأل عليك وانت هاجرني

كيفك يا خيي وكيف ها الفرفور
وأمّك بصلواتا بتزكرني

انشالله يهدّي سرّها المحفور
بالقلب حتى يعود عا ديارا
أبن الحبيب القلّك انطرني

اشتقنا

بحر الزجل

عمار

غايب تاإسبح في سما الالـهــام
بخرطش عا غيم الليل و بمحي
ساعات بشرد عا وعود نعـــام
بنقز عافرشة شوكها يصـــحي
مشتاق متلك إبعـــــــــد الالام
بظرفي الجبرني صير متـنحي
ومهما السبل بتفرقوا الأيــــام
بطاقـةّ المنخل راجع يضــحي
وعمرو القمح بالمطحنة مانام
لكن سكوتو للرحى إيمــــــان
ييرجع دقيقو الطيب الصِـحي

*******
حبيبي ياسلمون ونحنا بغايةّ الشوق

اشتقنا يا شاعر حاجتك لا تغيب
ولنّو لعندي وصّل مكاتيب
بيفكرونا الناس يا عمّار
بيناتنا صارت الشمس تغيب

انتي أصيل وشاعر الشعّار
وقصايدك صاروا خمر وزبيب
بدو يجينا نهار لا تحتار
نقعد عا كاس وننظم الأشعار
وصلّي تا الله يبعّّد تجاريب

بحر الزجل

لا يمكنك يا أستاذ سليمان أن تلوم أستاذ عمار في غيبته الصغرى، وهو غاب ليسبح في بحر الإلهام(وعلى سبيل النكتة: هل إلهام قريبتك?)، بس الرجعة غير شكل: راح قمح وراجع طحين بشهي.
سنذوق طبعا شعرا بشهي.

» روحانيات بو شربل وبو علي
» روحانيات ورثاء ووفاة ام ميلاد
» عطشوا المواقع يا بو أسامة
» ضوئيات بو شربل
» أبو شربل والاستقاله