سامر خوري وسليمان طراد عا الفيسبوك

ألشاعر سليمان طراد


يا بو علي في فروخ عم تحلم تصير
بصف النسور وريتها بتقدر تطير
شو رأيك بها الجيل يا هاني الزغير
الما بيحترم شعّار لبنان الكبير
سامر تهجّم عا التراث وعا الأمير
وحتى عليك تهجّم وبربس كتير
يا بتقطش لسانو الطويل وتحرقو
يا بتجبر سليمان ها العركي يدير

ههههههههههههههههههههههه
بحر الزجل
El 16 de mayo a las 16:18.Hassan Kawtharani



لو بو علي بيقول للخيل صـــهلي
من تحت حافرها يا ارض بتشعلي
وفر نشاطك يا طراد المـــــســـأله
مش محرزي الساحة لمهرة مأصلي
بسكت تا اسماعيل حلمو ينجلي
قبلت الدبح ضحيت بالحق الالــــــي
لمــَّا الارض تصير بمقام السمــــا
بينزل على الميدان خييك بو علي
El 16 de mayo a las 17:20 · Denunciar.Samer Khoury

عالموقعه يا ناس طلّو وشرّفو--وشوفو خرافات الخرف شو خرّفو
بيحكو البشر عن شخص عرشو مشرّفو--عرفو البحر لكن ما قدر يعرّفو
وكل ما خيالو عالمجرّه طرّفو--حقل النّجوم بيقلبو وبيجرّفو
لكن قدر ما يخرّفو ويطرّفو--ويبهبطو ثوب الحكي ويحرّفو
سليمان راح يبقى خرافه بالزّجل--وجايي أنا عا هالخرافه عرّفو




El 16 de mayo a las 17:27 · Denunciar.


ألشاعر سليمان طراد مرة اجى موجي بيخفي يركبو***شويعر غرق يا خطيتو مع مركبو

قبلك يا ابني جيوش فن تدركبوا*** وما وصّلو لكواحلي تا دبدبوا

يا ولاد لما البحر يهدر اهربوا*** وكل البيبقى بدينتو رح اسحبو

بحري خطير وبالزجل طبعو غريب***العقلو خفيف كتير ما بيستوعبو


سمعت تخربش يا بو علي سامع شي خبرني هههههههههههههههههههههههه


بحر الزجل

El 16 de mayo a las 17:55 · Eliminar mensaje.Elhazamr Sugar

ياسلطعون البحر خسران الرهان = وبالأمتحان المرء يكرم أو يهان
انكنك حكيم سنان لاتطول لسان = سليمان رب الشعر والكلمة كمان
وملكوت من غنى زجل للمهرجان = بيلعب معك لاتفتكر آن الأوان
تايشوشقك عاموجت البحر الكبير = وسع خيالك ياخيال الكشتبان

هههههههههههههههههههه


E
l 16 de mayo a las 18:04 · Denunciar.Samer Khoury

سليمان ريمك بالفلا لا تبيّتو--مهما عرض ديب القوافي فيّتو
شو بيغرق ببحرك أنت وبطيّتو--ما زال ما ندّا الزّهر بشويّتو
المثلك بحر وهمو سكن شخصيّتو--وبيضل مخنوق بشواطي نيّتو
كلما كتب ردّي بينفخ ريّتو--وبيقولها مثل الّي لاقى لقيّتو
وحيثي أنا ما بريد أدفع ديّتو--لمّا بعثلي من البحر هديّتو
غشمنت حالي وقلت ما بستوعبو--أحسن ما سفّو وأبتلي بخطيّتو

El 16 de mayo a las 18:45 · Denunciar.

ألشاعر سليمان طراد

أوّل حقيقة قلتها..!!بحق وحقيق***انّك ..غشيم.. ومدعي.. حكيّك دقيق
شعري بحر وقصايدي در وعقيق***وشعرك زوارق من ورق خرج الحريق
شو ها القوافي التافهة المش عم تليق***بشاعر خيالو بحر ومجالو مضيق
وبدال ما حالك تغشمن ياولد ***تذاكى وشيل الدر من بحري العميق
هههههههههههههههه

سامع شي عم بيخربش شو سامع يا هاني
هههههههههههههههههههههههه

بحر الزجل






El 16 de mayo a las 19:50 · Eliminar mensaje.Ayman Houjairy


الله و أكبر ضروري تأنقذ حالك يا سامر ههههه
El 16 de mayo a las 19:55 · Denunciar.Elhazamr Sugar
هالبيت مش عم يظبط

لمّا بعثلي من البحر هديتو

جبت ميزان بس ما بعرف ميزان سامر اذا مغشوش ووازنه
بطلب ميزان عميد الوزن
وشوف لو كان
لمّا بعثلي من البحور هديتو

هيك كان تمام
وبتمنى تقبل نصيحتي وبكل محبة واحترام
لأنه الموضوع حلو ومتابعينكم

El 16 de mayo a las 20:11 · Denunciar.Jamal Abou Mjahed


هههههه شو خيي أيمن مولعينها الشباب منيح بس خوري بيعجبك ما رح يسكت اكيد و معلّمنا سليمان قدير و قديم.

و نحنا سامعين شي عبيخربش كمان ملاحظ يا خيي ايمن؟ هههههههههههههههههه

يعطيكن العافي شي رائع
El 16 de mayo a las 20:12 · Denunciar.Hikmat Chedid Helou


لمّا بعثلي من البحر هديتو

الوزن مزبوط. الياء عليها شدة




El 16 de mayo a las 20:17 · Denunciar.Ayman Houjairy


حبيبي جمال روق قبل ما نتهمك إلك بالخربشة هههههههه
El 16 de mayo a las 20:22 · Denunciar.Jamal Abou Mjahed ههههههه ليه بدكن تتهموني الي يا خيي ليه بعمرك سمعت شي أسد بيخربش ؟ههههههه
El 16 de mayo a las 20:25 · Denunciar.Ayman Houjairy .
سامر وقع بالضيق مين بيردعو
خرجو الولد بالنار يحرق إصبعو
شايف بو شربل صار بيقبع سنان
شكو الابرة محل حتى يوجعو
El 16 de mayo a las 20:41 · Denunciar.Jamal Abou Mjahed منيحا يا ايمن يا ملك الأُبَر ههههههه
El 16 de mayo a las 20:45 · Denunciar.Hany Nassif الله كبير يا بو شربل يلا خلي الشوط حامي و اسمع خيي حسن شو قال عني و عنو

بسكت تا اسماعيل حلمو ينجلي
قبلت الدبح ضحيت بالحق الالــــــي
لمــَّا الارض تصير بمقام السمــــا
بينزل على الميدان خييك بو علي

El Lunes a las 2:01 · Denunciar.Samer Khoury


يعني الجمال البخيال مصمّمو--بيحلى على لبنان بس يأمّمو
هالرّدم ميّة عام ما بيرمّمو--حاجي يا رشّه تنشرو وتعمّمو
ليك الشّبيبي كيف عم يتسمّمو--جنودي على ذبحك ما كانو صمّمو
لوما نذرت اليوم أنهي كذبتك--ونذري على المنبر ضروري تمّمو
El Lunes a las 5:15 · Denunciar.


ألشاعر سليمان طراد يا بو علي ما عدت اسمع خربشي***رشيّت سم وما بقي ولا برغشي
شامر نزل عا البحر والمعدة حشي***وصارت خدودو مورمّي ومنمّش
مرتّين قلبي حن...حاجي تلوشي***إفتح بقا التورات...بركي بتختشي
شقيّت صدري درب ل موسى الكليم***وجمّدت قلبي بس تا عيسى مشي


بنعيدها كرامة عين المشاهدين وخيي جمال وأيمن
ههههههههههههههههههههههههههههههههههههههههههه
تعلم يا سمورة

تممت نذرك شفت موجي ولجتّو***الكذاب ببيبعّد شهودو وحجّتو
بحري ملاني بالضحايا قجّتو***ولا تضيّع الموضوع حاجي قروشي
يا بو علي ما عدت اسمع خربشي***رشيّت سم وما بقي ولا برغشي
شامر نزل عا البحر والمعدة حشي***وصارت خدودو مورمّي ومنمّش
مرتّين قلبي حن...حاجي تلوشي***إفتح بقا التورات...بركي بتختشي
شقيّت صدري درب ل موسى الكليم***وجمّدت قلبي بس تا عيسى مشي


يا بو علي ما عاد سمعت شي سامع انتي شي
ههههههههههههههههههههههههههههههههههههه
بحر الزجل
El Lunes a las 7:28 · Eliminar mensaje.Steven Boudrgham ههههههههههههه. الله يعطيكن العافيه, عا هالطحبشي هيقتو الدكتور ضبضب العده ومشي
طيب كيف بدو يهدي الحكيم صايبو مثل ما صايب الحكيم عنا الكل ضدو, خخخخخخخخخخخ
El Lunes a las 10:20 · Denunciar.Hayoufa An شوووووو صاير هون لك يا سامر شو صاير عليك تعلق هالعلقه؟؟؟ بعدك باول عمرك خليك داير بالك ع وظيفتك يا عمي نصيحه تسونامي ما حدا خلص منو وبو شربل مرعب هههههه يعطيكن العافي الحكيم ما في متلو
El Lunes a las 13:29 · Denunciar.Samer Khoury


سليمان خبز الرّوح حاجي تجفّرو--ونهج البلاغه تنشّفو وتقفّرو
لا ترشّ عا البرغش لحتّى تسفّرو--تعبيرك الأعور كفيل ينفّرو
جمّدت قلبك تا لأيمان تطفّرو--روح اشلحو وياسوعنا لا تكفّرو
بتكون وفّرت الخطيّه عا يسوع--وحق الخطا بجهنّمو بتوفّرو

أعاده:
يا ولاد حاجي عالدّروب تحفّرو--وعا عيون سلطان القوافي تعفّرو
أبقو بعد ما طحبشو وما شفّرو--لطراد غنّو وزلغطولو وصفّرو

ما تواخذونا أذا تأخّرنا
مشاغل
El Lunes a las 13:51 · Denunciar.Hassan Kawtharani
لمّا بعثلي من البحر هديتو

لـــمَّا بعث لي مِن ال بحر هديتو
El Lunes a las 15:59 · Denunciar.


ألشاعر سليمان طراد


رشيّت سم وبعدك بترشح سموم***وبرغش خيالك ضل بالموقع يحوم

تاري وجودك بالزجل مالو لزوم***بطيخ مهري وأرنبيط وحص توم

يا شامر الجايي ببحري تا تعوم***وفكّرت حالك قادر تتطال النجوم

بحري حمل موسى الكليم وربنا***ان افطست يا فرعون عمرك لا تقوم

هههههههههههه
بحر الزجل


El Lunes a las 17:24 · Eliminar mensaje.Ayman Houjairy هههههههه الله يا بو شيبل البركة متل رزنامة كل يوم طبخة شكل حرام شو معتر اللي بياكل من إيدك هههه
El Lunes a las 17:35 · Denunciar.Samer Khoury


سليمان أشفق عا اليتامى العوّلو--عا هالبحر تا يقدرو يتسوّلو
خلّي المعاني من القبور يحوّلو--عا فرد عمله البنك حاجي تموّلو
موسى وبحر وسموم عم بيهوّلو--لسّاتني ناطر بقا يتحوّلو
مع كل ردّي حاسّك مثل الشّريط--كل ما انتهى عم يبتدي من أوّلو
El Lunes a las 18:54 · Denunciar.

ألشاعر سليمان طراد

وزيّت حدي وما سمعت غير الوزيز***والموج هادي وانت طبعك أنكليز
بحياة ربّك روق يا شامر بليز***لا تحترق بالمنتدى متل البريز
عرفنا مريض كتير في عندك فريز***وجايي تا ترقص بعد أكل الشيز ويز
هههههههههههههههههههههههههههههههههههههههههههههه
ميتين وعشرين جبنا ستارييو***شريطي علك من حيث خطك سون ديز
هههههههههههههههههههههههههههههههههههههههههههههههه

بحر الزجل
في وزيز يا هاني سامع شي هههههههههههه

مدير معهد الكونسارفاتوار اللبناني
ههههههههههههههههههههههههههههه
من بعد اذن مهندسنا هاني ناصيف
هههههههههه
بو علي

بو شربل

El Lunes a las 22:05 · Eliminar mensaje.

ألشاعر سليمان طراد ملاحظة ميتين وعشرين الواو محركة بالفتحة للضرورة الشعرية
ههههههههههههههههههههههه

El Lunes a las 22:22 · Eliminar mensaje.Hany Nassif

يا مقصوف الرقبة خليك بي اللي بتفهم في
El Martes a las 1:41 · Denunciar.Samer Khoury

يا طراد بالغالي عليك بحلّفك--لو ما معك حق الشّعر منسلّفك
الهيئه الأنكليزي ما فادك خلّفك--وعا أكل مايع مثل شعرك ولّفك
الشّعر الّي بالصّوره الهزيله غلّفك--مش بس ويز وديز راح بيكلّفك
بيكلّفك معنا حياتك يا صبي--تا نقول الله يعوّص على الخلّفك
El Martes a las 5:46 · Denunciar.

ألشاعر سليمان طراد

عراف البحر يا زغير الله خالقو***ووحي السما عا نبوغ فكري دالقو
لا تسامحوني الما بخلي معالقو***تطلع بإيدي وفك نيعو الجالقو
شو باك يا شمور ديني فالقو****وجايي مبرغة بس دقنك حالقو
ههههه
احترم الأله وحاج ترغي يا صبي***حتى النبي ما فيه ينكر خالقو

ههههههههههههههههههههههههه


يا بو علي ان ما كنت راسو سالقو***وعا أكل راسو كلكن تتعالقو

اليوم الأكل معالق هههههههههههه
وفشاشي
ههههههههههههههههههههه
ملكوت رب الزجل اللبناني وسائر المشرق
ههههههههههههههههههههههههههههه
بو شربل

Hany Nassif

يا بو شربل انا الحكيم مانعني عن الاكل بس يا رجل كلها جماجم فارغة عيوني
El Martes a las 9:26 · Denunciar.Hayoufa An

شو عالغمّه مبيّن؟؟؟ مساقبه انا عندي حساسيه منها ما بحبا يا سامر شو صاير فيك؟؟؟؟ بو شربل ما بينلعب معو بيغرّقك بالبحر اذا ما بتعرف تسبح

El Martes a las 9:29 · Denunciar.Hany Nassif

يا بو شربل وين الوززززززززززززززز مش عم بسمعو ؟؟
بس ليك حلو واحد يكون حالق فعلا شي مرتب

راحت الخربشي ولك يا بو شربل انت
مدير مبيدات الشر ق الاوسط و سائر المشرق


El Martes a las 9:53 · Denunciar.Samer Khoury

شو صار يا عيني تا شعرك جالبو--ساعه هزل ساعه ضغينه قالبو
وحي السّما المن عند الله طالبو--كفّي من غيوم البلاغه حالبو
ولّي نبي بشوفو بعبّي قوالبو--ولّي دجل مثلك نعيمي سالبو
من هيك ما في ولا نبي بينسى الأله--وما في ولا مغلوب ناسي الغالبو

أعاده:
الّي من البدايه عناد فكرك صالبو--عيفو ولا ترمي مخالبك عا مخالبو
كلّ الوحي الّي بهالدّني مش غالبو--نحنا الوصلنا موجبو مع سالبو
El Martes a las 12:35 · Denunciar.Hayoufa An حلووو
El Martes a las 12:39 · Denunciar.


ألشاعر سليمان طراد


ضحّكت بحري وصارت مواجي تموج***وهيفا يا شامر صارت تدق الصنوج
هههه
وين الحلو بها الرد والكلمات عوج***عندو حلاوي بعترف أنّو لجوج
عا الموت جايي هوبرة متل الزنوج***وناسي الفوّته الهون مش متل الخروج
المغلوب والمضروب متلك بالزجل***بيضل ماشي خلوعةمتل العلوج

ههههههههههههههه
ببيان لونك يا حلو بعد التلوج***وبنشوف ميّن الزتّك بأجمل مروج
هههههه
مشفرة شباب
مدير المشروع الأخضر
بحر الزجل

El Martes a las 21:10 · Eliminar mensaje.Hany Nassif اي مين الصحاف ؟؟؟؟؟؟؟
Ayer a las 7:28 · Denunciar.Samer Khoury بعدو خيالك أعجر وشعرك مرض--من بسمة التّهريج تعبيرو اقترض
يا ريت شعرك عند لعلوج انعرض--بدكّان ألعابك كنت نلت الغرض
عرّضت حالك للفنى لمّا اعترض--دربك الخوري وعرض مقدرتو فرض
وعملت فنّك فارس ديار الفنى--بوقت الّي فنّك كان قاعد ينقرض

اعاده:
من كثر ما سليمان ضافيرو قرض--وعرّض فؤادو للضغط صابو عرض
فنّي انفرض عا الموقع ومش مفترض--أسمع وزيز البرغش عليي اعترض
Ayer a las 7:54 · Denunciar.

ألشاعر سليمان طراد

وهلق بعد ما صرت متل الببغا***كل الكتبتو بالشعر رح يلتغى
سميّي النبي سليمان عندو مبتغى***يعلّم طيور الخرس عا أصول اللغة
قاطع طرق ما كان عمرو نابغة***وما بتقطع الجهّال درب الأدمغة
شكلك حلو ومليان جسمك يا حلو***والجمجمة هيي الوحيدة الفارغة

اعادة
ما زال هاوي الشخلعة والمرمغة***دشرّ تيابك بالوحول مدبّغة
يمكن مع الإيام إفتح مصبغة***وربّي القمل براسك بلا نغنغة
هههههههههههههههه
افتتاح مصبغة الغروب للتنظيف
بحر الزجل


Ayer a las 14:53 · Eliminar mensaje.Elhazamr Sugar
ys salam hida 7aki wallah shta2na lltabe5 hhhhhhhhhhhhhhhh
Ayer a las 15:27 · Denunciar.

ألشاعر سليمان طراد

يا أسمر سليمان ما هاب الوغا***خلّى الفرودي رصاص شعرو مفرّغة
خخخخخخخخخخخخخخخ
بحر التحدي
بو شربل

Ayer a las 15:49 · Eliminar mensaje.Samer Khoury

لا تصبغ وجوه الهزيمه والحرج--وتقمز عا صهوة مهر عا القبّه انسرج
وسميّك الّي بردّتك أسمو اندرج--مش هيك فلمو مع العصفور انخرج
لمّا بأسم المرجله لسانو هرج--وعا هيبة سليمان من جهلو عرج
من جهلتو استجدى الفرج من ربّنا--ومع جهل هالعصفور وينو هالفرج

اعاده:
فرّغت راسي تا الوحي نهورا كرج--ومليون طرد طراد من راسي خرج
أعرج أنت أمسك بعكّاز العرج--ولا تطلع على قصورنا عالي الدّرج

Ayer a las 16:07 · Denunciar.Hany Nassif حلوووووووووووووووووووووو
Ayer a las 16:11 · Denunciar.Elhazamr Sugar وززززززززززززززززززززززززززززززززززززز ولك حلوووووووووووووووووووو
Ayer a las 16:23 · Denunciar.

ألشاعر سليمان طراد

مهما تعلّي دراج وتهبّط سطوح***بتضّل متل الجسم فاني بدون روح
تزكّر يا شامر كلما الوردة تفوح***بيطيب جو العاشقين من الجروح
بحري قفز فوق المجرة وعا السفوح***والله بعت طوفان عا العالم يروح
لوما البحر يحميك يا وج الغراب***كانت حياتك ضايعة يا غراب نوح
هههههههههه
عا قد ما تحلم خيولك بالجموح***ما برحمك بالشعر لوم مهما تنوح
عندك غرور ومفتكر عندك طموح***متل القصب لم صار يحلم بالشلوح
هههههههههههههههههههههههههههه

معمل قصب المص بالغروب اللبناني
مدير عام
بحر الزجل


Ayer a las 16:37 · Eliminar mensaje.Steven Boudrgham حلوووووووووووووووووووووووووو, لك تنيناتكن موفقين باخر ردتين, ابداع
Ayer a las 17:09 · Denunciar.Samer Khoury

سليمان ضلّك سالك بدرب الهزل--شو خصّك بروح الزّنابق والوزل
شو قصّتك ساعه بنبي الحكمه غزل--حسّونك الكذبه على حساب الغزل
ومن بعدها غراب النّحس فيك انعزل--ولوما حميتو كفّنو بطش الأزل
بهنّيك صاير بالدّجل أسمى نبي--لو شافك الدّجال عن عرشو اعتزل

أعاده:
الهيئه بمسلّة مغزلك دب الهزل--تا مغزلك هالمهزلي عاد اختزل
الّي نغرّ فيك بمنزل الخيبه نزل--ألاّ بوهم كذّاب فكرو ما جزل

Ayer a las 18:10 · Denunciar.

ألشاعر سليمان طراد

أوووف أوووف اوووف

يا مدعي بالفن ومعرّض كتاف***ان ما خفت تهلك من إله الشعر خاف
اوّل دخولك خفت والجمهور شاف***كفيّن كلتون من أبو شربل نضاف
وما زال مش قدران تتعمشق بزاف***وطالب مواجي تعتزل لكن عراف
لمّا البحور بتعتزل أمواجها***بتتلوّث شطوط المنابر بالضعاف
ههههههههههههههههههههههههههه

اعادة
جهّزت حتى توب كرسة إعتراف***بطرك صرت بالمنتدى تهذّب وقاف
هههه
نحنا لرسمنا عا الخدود وعا الشفاف***وانتي تركت التم يشكي من الجفاف
هههههههههههههههههههههههههههههههههههههههههههههههههههههههه

بطرك الشعر وسائر المشرق
بو شربل

Ayer a las 21:50 · Eliminar mensaje.Elhazamr Sugar
بتتلوّث شطوط المنابر بالضعاف

ياسلاااااام يابحر البحور
Hace 17 horas · Denunciar.Samer Khoury

لوما يا منبرنا بروحي تنغرم--ما كان بخّورك بأيماني انضرم
آمنت فيّي العهد عمرو ما خرم--وطراد جايي يهد عهد الّي نبرم
بيملّح الشّفي وعم يقلّك كرم--وبيعمّر الكذبه وعميقلّك حرم
مثل الورم برشح خباثي عا الشّعر--وجايي تا أستأصل خباثة هالورم

أعاده:
عيف اللعي يا طراد ضلّك محترم--مش بحر حصوه أنت عا جنب الهرم
بحرك معي من موجة القوّي انحرم--لا تتعب وتنفخ على مواج الهرم

يلاّ بكفّي معنّى
روح على القصيد
معك لحد جمعتين
Hace 14 horas · Denunciar.

ألشاعر سليمان طراد

طلعي يا شمس من طاقة حواري***وعا شامر دوّبي الوهج الحراري
وبعد ما تتعبي من الجو شكّي***غطاكي الغيم وسريرك بحاري

يا شامر ما بقا وهمك تحكي***بعد ما حرقتك بفرن التباري
واذا بتلّك يا مضروب لكي***بخلّي دماغك توجّع حجاري
هههه
انت بالكاد تحمل هون دكّي***لأنّك بالحجم متل الدواري
واذا حكيّت راسك يوم حكّي***بيهرّ دهونك بيهرب الشاري
ههه
انت برغي مصدي عا مفكّي***شغل الصين تصنيعك بزاري
انت لو صرت حج وزرت مكّة***جهنّم ناطرة واضرمت ناري
ههه
انا الشعّار مرقت عا محكي***تا صارت تكتب بموقع دراري
وكلما ثانية تمرق وتكّي***بيجن البحر وبتهوّى الصواري
ههه
انا السبع واذا بتعلّق بفكّي***بخلي الدم متل النهر جاري
وياما رقاب بالموقع متكّي***تا صارو بقصر إلهامي جواري

انا ال شكيّت سيف الشعر شكي***بصدرك مش بضهرك ما بداري
انا أكدت للجمهور شكّي***بإنك شاعر العصر العياري

انا سياط التحدي اللي بكي***حزاري تغلط بحقي حزاري
ولأني بمطبخي بشكّل مشكّي***قطعت راسك شقف عا صدر فضّا
قبل ما عليك سجّل أتصاري


الله يرحمو كان مهضوم
يلا خلص الفرن جايي البراخ وبعدان عا الدهن
هههههههههههه
انا رح عيدها وما مضيت شيكّي***وما بدفع حقّك خسارة مصاري
انا عنّك بها الموقع بزكّي***استلمو يا حسن ياكبير جاري
على البرداخ لو بيسك سكي***انتبه يفرط بمعملنا التجاري
لأنو شامر الما فيه دكّي***انتصر مظبوط لكن عا الأتاري
هههههههههههههههههه
وهلق فيكن تدفنوه وتصلو الأبانا والسلام وتصلو عا النبي كان مهضوم وموهوم هههههه
يا حراااااااااااااااااااااااااااااااااااام
ديعانك يا شامر يا حبيب القلب
ههههههههههههههههههههههه
بحر الزجل وملكوت رب الزجل اللبناني

حبيبي حسن انا عميتو انتي لا تقتلو خلي فيه روح لبو علي
خخخخخخخخخخخخخخ
يلا باي احباب موقع الغروب
رايح عا البار لعند مارون
هههههههههههههههه

مدير شرطة الآداب
بحر الزجل

Hace 10 horas · Eliminar mensaje.Steven Boudrgham ححلللللللللللووووووووووووووووووووووووووووو.
انا الشعّار مرقت عا محكي***تا صارت تكتب بموقع دراري
وكلما ثانية تمرق وتكّي***بيجن البحر وبتهوّى الصواري
افتتتتتتتتتتتتت, يا رجل
انا ال شكيّت سيف الشعر شكي***بصدرك مش بضهرك ما بداري


أما هيدي
طلعي يا شمس من طاقة حواري***وعا شامر دوّبي الوهج الحراري
وبعد ما تتعبي من الجو شكّي***غطاكي الغيم وسريرك بحاري
الك اسم جديد, مججججججججرم , لغينا اسم بحر الزجل يا سفاح ههههههههههههه
Hace 8 horas · Denunciar.Samer Khoury


أنا محروق يا ناس بصميمي--حروق النّور من عتمي عقيمي
عطيت الصّم قيمه بالتّحدّي--عطاني من صميمو الصّم قيمه
أنا بالشّعر مش هلقد قدّي--وأذا هلقد طلعتلي القسيمه
عا قد الودّ راح بقسم تعدّي--تا عدّي بأزغر جيابي غريمي
أنا غرّمت بالتّعتير غدّي--عند ما قبلت يا ناس العزيمه
طلبت سبع العزيمه يطل حدّي--طلع سوسو بهالعزم الحريمي
وبنغمة ما حدا بهالكون ندّي--بتدا بحالو الصّبي ينفّذ جريمه
وكلما يرد عم بسمع مهدّي--تهد وتزرع مصايب جسيمي
وأنا ما كان هيك اليوم بدّي--لأنّي بمحضر الدّنيي العظيمه
البحر خلخال والغيمه بقدّي--الشّمس عا جبهتي درّه كريمه
طلبني قبال بحرو اليوم هدّي--وحرّك عاطفة روحي الرّحيمه
نزل بحرو مثل دمعه عا خدّي--عرفت أنّو معو العلقه وخيمه
ويا ناس بهيك ظرف كثير جدّي--بشو بدّي قابلو بنار العزيمه؟
بشو بدّي قابلو بجيش التّصدّي؟--لا لا بقابلو بروحي الحليمه
ولأنّو بهالدّني ما صار شدّي--من هزم الأمل أكثر لئيمي
أعتقوني اليوم لا تشدّو عا يدّي--تا ما نهزم أمل سوسو يا عالم
ضروري تناصرو عليي الهزيمي

أعاده:
أنا راح عيدها ومواج مدّي—متدّت بين فردوسي وجحيمي
أنا راح عيدها وهالطلع ضدّي—ما فيّو من شيم لنبوغ شيمه
بضل بعيد تا الزّنبق يندّي—ويتسرّق على شفافو نسيمي
بضل بعيد روحي مستمدّي—من النّسمه ومن الهمسه الرخيمه

Hace 2 horas · Denunciar.Samer Khoury جزيل الشّكر للشّاعر سليمان طراد
تشرّفت بهالحوار معك وأعتقد أنّو الأخوه الشّعار راح يوافقو أذا بقول أنّو نحنا شرّفنا كمان الزّجل اللبناني بهالحوار
ونشالله منعيدها بالمستقبل
ينطيك العافيه

https://www.facebook.com/topic.php?topic=16341&post=126241&uid=2229476199#post126241


هيدا الرابط للأمانة