بحر الزجل والدكتور باسم زريق من جديد

شاعر سليمان طراد‎
يا شام ليلك نار ونهارك حروب
انتي ضحيّة حقد يا اخت الجنوب
لما الشعوب تجوع وبتقسا القلوب
وتعيش ما بين المعاصي والذنوب

ان كان الظلم والعار من حكَّامها
يا ويل حكام الشعوب!! من الشعوب.

باسم زريق

يا شام بعدك للمدى شمعة
فاق الدهر ت يختير بدارك
انت انتصرتي و العدا شلعة
تحفا المجد تا يقصد مزارك
.
.
.
كنوز الدني بحجرة من حجارك

عر سليمان طراد يا زريق قلّي كيف احوالك
عايش بعيد بعيد نيّالك
ما بتقشع الأخبار عا التلفاز
وبتشوف جرح ولادنا قبالك

انشالله بتبقى بخير اطفالك
هلا يا دكتور اشتقنالك

Bassem Zraik .
سليمان جرح القلب بدّو يندمل
و ع موج هايج مركب الموطن قبل
مهما المآسي تجرح شموخ الوطن
بيضل عالي و قلبنا كلو أمل...

ألشاعر سليمان طراد
أيّا أمل يا زريق بالوضع الخطير
ما زال كل نهار بيموت الفقير
وابن الغني يا صاحبي بباريس صار
وخايف وطنّا بعد ها الثورة يطير

تسلم يا دكتور انت وعيلتك

Bassem Zraik
لبنان يا سليمان عانى و ارتقى
بعد الحرب صار الأمل و الملتقى
و الشام طل الموت يطرق بابها
ان شاء الله بدفن الموت بدنا نلتقى

تسلم يا ابو شربل و يخليلك عيلتك

ألشاعر سليمان طراد

ما في حقد بيموت ...بعد التفرقة
افهمني منيح وحاج تتفلسف بقا
شايف وطنّا كل يوم بيندفن
وعا كل مفرق دربعرسو مشنقة

الله يصبر الفقير والله

.باسم زريق
اللي تفرقوا بالمعركة و حد الرهيف
بدا المحبة تجمع الشمل الشريف
قلت الوطن بيموت يا بحر الزجل
حجة ضعف متأصلة بشاعر ضعيف

ألشاعر سليمان طراد
يا زريق لما الحرب ببلادي عصف
عمر المحبة بحقد يوضاس انقصف
غمر المحبة بتجمعو بأيّا مكان
ما زال ما في محج الا ما انقصف

الله يحمي الجميع

Bassem Zraik
حبة الحنطة الماتت بقلب الرماد
بتعطي سبل بيمون عموم البلاد
ايا محج بيلزمك وقت الحصيد
لولا المحبة ربيت بقلب العباد

ألشاعر سليمان طراد
حبة الحنطة كان مصدرها الكرم
من ارض جابلها الوفا يا محترم
لا بالمحبة قدرتك تطعم يتيم
ولا بالمنام بتقدر تعمر هرم

Bassem Zraik .
اعطي بلا محبة يا بو العقل الفصيح
بتطلع بلا منّة متل صوت الفحيح
لو كان عندك مكرمة و جود و وفا
بين المحبة و الكرم ما رسمت زيح

ألشاعر سليمان طراد
أيّا محبة بتقدر تجيب الرغيف
والكل صارو مشردين على الرصيف
كف الكرم ما في كريم بيقبلو
الا اذا بيكون يا باسم نضيف
2

Bassem Zraik
لا تتاجر بجوع الشعب متل اللئيم
لولا المحبة تسود ما تحفّا اليتيم
نضّف كفوفك بالمحبة للعطا
و لا تكون يا سليمان شيطان الرجيم

ألشاعر سليمان طراد
كفوف العليها دم ما بتحمل ورود
مهما تغرّقنا يا باسم بالوعود
وكف البيعطي الحق بعتبرو نضيف
وتأليه أيا شخص بعتبرو جحود

Bassem Zraik .
دم الشهيد الطاهر بعنق الزمان
أطهر شهادة حب عطف و عنفوان
بالحق رح اعطيك كف يعلمك
حتّى على الموضوع تمشي باتزان

ألشاعر سليمان طراد
بعمري يا باسم ما بزغزغ نيّتي
اعطيتك نصيحة.. كف طلع ..هديّتي
ياما أكلت كفوف من ايد الغريب
ومن بعد منها هربت عا حريّتي

Bassem Zraik .
خليك هايم بالدني مشرد كئيب
و تارك بلادك ياكلا لسان اللهيب
و كف اللي بدو يعلمك لا تخاصمو
خيك بيحبك كان لا تعدو غريب

ألشاعر سليمان طراد
كل البقي مظلوم ببلادو كفر
يا مات تحت القصف يمّا من الطفر
ومن كتر ما حسيت ببلادي غريب
كرهت الوطن وبكيت..عا دروب السفر

تصيح عا خير

Bassem Zraik
ردنا بمحبة و بكرم نبدي الطريق
صفيت تكفر بالوطن بدك حريق
و تذكر الحجاج يوم المعركة
تكارم على الكعبة بحجار المنجنيق

ألشاعر سليمان طراد
أيّا وطن عم ترسمو بواقع مرير
ما كل يوم بينهدر حق الفقير
من هيك سافرنا وكفرنا بالوطن
كل اللي حكموا ..هجّرونا..بلا ضمير

Bassem Zraik
يا موطن رسمت الحرف حرفك خطل
و ع بيادر الالهام من غيمك هطل
و كل شخص بعد صار يتمرجل عليك
و صدق الكذبة و مفتكر حالو بطل

ألشاعر سليمان طراد

اه والله حرام ينختم باسم انت شاعر محنك صرت وانا بهنيك عا حنكتك الشعرية وانشالله نلتقي بالوطن الحبيب

Bassem Zraik
تسلم يا بو شربل و ان شاء الله بنلتقي عن قريب بأحسن الاحوال

https://www.facebook.com/groups/2229476199/permalink/10151208759506200/?comment_id=10151208844861200&offset=0&total_comments=29

» عن جديد خيي سليمان
» بحر الزجل ونهلا خوري من جديد
» بحر الزجل وناجي عساف من جديد
» اقوى حوارات بتاريخ الزجل بحر الزجل وحسّان البسطاطي
» هاني ناصيف و فادي فياض من جديد