عصام يوسف طوني شلهوب

و تعرف تقرا الدرس مليح
بعمل لبنانك مسمار
و بعلّقلك سوريّا

Issam Youssef
المدى شو قصّتو متل الحرامي
بيطعج قبّتي .. بيقلب كمامي
بيشوف الأرض دوّيرا صغيري
و تا يدخل عـَ المسا بيفتح مَسا ..مي
بيشوف الشمس متل الجزيري
بيفكّر شفّتي شاطي ميامي
و كل كلمي على شفافي مثيري
كانّو مسمّرا بشمس القيامي
و لأنّو انلف ماسورا قصيري
على خصري .. ما وصّل للعلامي
كل ما يبتدي و يجيب سيري
ببلّش افتتاحيتو بفرنسا
بكون بْسوريا مخلّص خِتامي

الشاعر طوني شلهوب
تهيّا يا طوني تهيّا
و وقّف ضدّي .. شو فيّا ؟
فوق خيالي ما في شمس
بْشمسية الشمس .. تفيّا
..........................
يا طوني قبال الشعّار
وضعك لازملو تصحيح
بلحملك "كِسْرَك" بالنار
حتّى "الكـَـسْرْ" يصير صحيح
و حتّى تتعلّم شو صار
و تعرف تقرا الدرس مليح
بعمل لبنانك مسمار
و بعلّقلك سوريّا

علّقها .. ما بحني الراس
بلادي بتحمل حمل تقيل
بتعلّم درس الإحساس
وشو نحنا وشو إسرائيل
وما تنسى بظرف الحسّاس
وجّك من هاللوحة تشيل
حتّى تصير تقول الناس
قبالي علّقت تريّا


Issam Youssef
وجّي من اللوحا بينشال
متل العطر من الفوحا
بطلع بالصورا خيّال
و بربح جايزت "الدوحا"
و حتّى الأرض تصفّي عال
و بالطهر تشعشع لوحا
طلّعني بمركبتو و قال
"شو مشتقلك" .. إيليّا


Issam Youssef
و أنا عطيتك يا طوني نص آيي
لأنّو بالوحي عندي هوايي
إذا طعجت الألف بتصير جرّا
و إذا جلّستها بتطلع عصايي
و لأنّو بالقلم عا طول جرّا
القلم متل الألف رايح و جايي
بدّي طعوجك مليون مرّا
قدّامي على الطعجي بحطّك
و حتّى "تجلس" بتجلس ورايي



Issam Youssef
و يا طوني قوم فتّحلي نبيدك
قوم و ضيّف العالم قصيدك
وقت قلنا شو في عندك ضيافي
صرت تشحد وحي و كسرت ايدك
ما شلله .. شْقد في عندك ظرافي
بيهر الضحك لُ فتحنا بريدك
و كتر ما بتركض عليك الصحافي
مش عا طول بتنزّل جديدك
و كتر ما بالشعر عندك رهافي
الحزن بتفركشو بنهار عيدك
و لأنّو "مْحل جرّك" ..بالإضافي"
كل ما "بـِعربك"بين القصايد
ما بلاقي "خبر" .. بــ ِ رْجَع بْعيدك
الشاعر طوني شلهوب
وجّي من اللوحا بينشال
متل العطر من الفوحا
بطلع بالصورا خيّال
و بربح جايزت "الدوحا"
و حتّى الأرض تصفّي عال
و بالطهر تشعشع لوحا
طلّعني بمركبتو و قال
"شو مشتقلك" .. إيليّا

بمركبتو لو عامل دقّ
بتسمع شو إليّا قال :
طوني من الأرزة منشقّ
ومجد الأرزة ما بينطال
ويا يوسف تا نحكي الحقّ
بـ معرونه شقّينا جبال
لكن مش ممكن تنشقّ
جبال الأرز بـ فاريّا



Issam Youssef
انا بحب القصيدي تكون متلي
ازرعها بروض العقل شتلي
و مـَ تحسب لا "انشتاين" حسابو
طاقا بثابت .. و سرعا بكتلي
لأنّو عند ما دقّيت بابو
المجرّا نجوم أحلامي دَرتلي
صرت شقّع قصايد عا عتابو
وقع ما فيه يرفع هيك عتلي
أنا بالفيزيا بخربط جوابو
كل ما حكيت بتشوفو سكتلي
و تا يعرف كيف بيظبّط حسابو
هوّي و كلّشي في هالمجرّا
بيفتل كل ما وقّفت .. فتلي


Issam Youssef
يا طوني بينشق غياب
الشمس و بيدلدق عالكون
و من بيتي بينشق الباب
تا يضيّف أحلامك لون
رح تنشق بإيدي حجاب
و لو من "عون" بتطلب عون
و مْنِ لْ "القوّات" بْـ "معراب"
و كل "كتايب بكفيّا


Issam Youssef
رحت قصّيت من صوتي شريطا
و "عقدت" العزم بالكلمي السليطا
و لأنّي فيتامين الشاعريي
المواقع كلّها بفضلي نشيطا
كل ما بجاوب بفكرا قويّي
بدهشة كلمتي بهز البسيطا
و لأنّي بسبق الصوت اللي فيّي
كل ما سألت عن طوني بقلّي
بسيطا .. هلّق .. منعرف بسيطا

الشاعر طوني شلهوب
يا طوني بينشق غياب
الشمس و بيدلدق عالكون
و من بيتي بينشق الباب
تا يضيّف أحلامك لون
رح تنشق بإيدي حجاب
و لو من "عون" بتطلب عون
و مْنِ لْ "القوّات" بْـ "معراب"
و كل "كتايب بكفيّا"

ما زال مشوهر عينيك
طلوع وكلّك إنت نزول
رح شقّ بديّي مش ديك
المجد العا كتافي محمول
وهرهرلك نتفة حواليك
لِـمّ النتفة وتوب غزول
قصّ الفايض منّو عليك
وبالباقي عليك تزيّا


Issam Youssef
يا طوني ماشي بالقلب
متل اللقمي عالنيري
حتّى تلبّس غصن الدلب
ما بيلبس ..توبك عيري
ما بتعرف من نار القلب
بدفّي التلج "الكشميري"
و فيها دابوا جبال "الألب"
حتّى طافت روسيّا


Issam Youssef ا
نا نصّي سما و نصّي فضاوي
من هيك الفضا ازرق سماوي
و لأنّو البدر بعيوني تمرّا
عرفوا منين جايب هالحلاوي
انا اللي بشيل طاقة كل ذرّا
و من الطاقا الدني بتشبع نقاوي
و اذا طوني أكل عا طول برّا
و شعر عا أصول ما بيعرف يساوي
بيتطلّع عا صحني ألف مرّا
بيرجّع كرستو و بيشط ريقو
و عينو عالمحاشي و المشاوي

الشاعر طوني شلهوب
طوفانك مش من صنّين
بمزراب النهر بينساب
طوفانك خوف مساكين
رجفو .. وبنطالك مزراب
من هيك بكلّ ميادين
الإلها بيدعو سباع الغاب
رجال المتلك ملعونين
رجال المتلي بتتحيّا



الشاعر طوني شلهوب
يا منبر العا دربك طموحي سلك
حلّاق عنّي قول مين ما بيسألك
انما حلقت شعر الليل .. ما ضوّى الفلك
انما حلقت شعر الشمس .. ما حلّ الحلك
عقلي على الشعّار توّجني ملك
وأحلا الصبايا قلوبهن سحري امتلك
ربّي شنب ورجاع شرّف يا عصام
كرمال ما إحتار شو إحلق إلك


Issam Youssef
وجّي أنا لبنان هالشب الحلو
كل يوم موجي ناعمي بتحلق إلو
لكن الشفرا الجاهلي لو توصلو
بتجرح شعورو و الخياني بتقتلو
و طوني لْ بـِ لِحلاقا ضمن مستقبلو
......
تا تصير شاعر .. روح لبنان اسألو
لولا بْفرنسا عالحلاقا علّموك
عالشعر بدها تعلّمك مشتى الحلو



الشاعر طوني شلهوب
المشتى ورا حلّاق باريسي رفيع
بعتت وطلبت متل مؤمن من شفيع
دخلك الورد اليوسفي بمشهد فظيع
تيبّس .. تكي .. وبالعشب راسو عم يضيع
حلقلو يباسو وقصّ راسو عالسريع
تا تضلّها مشتى الحلو بعين الجميع
مشتى الحلو .. ومصيف الحلوة والحلو
ومشتل حلو .. صيف وشتي بعزّ الربيع

Issam Youssef
يا رمل ماحل بين "طابا" و "العريش"
ما بتقدر تقص الوراق من العريش
بتقص إجر الباب تا خشابو تعيش
و بتقص راس الحق تا الظالم "يعيش"
مقصك إنت إجريك جرب تاتعيش ..
تقص المسافه البين راسك والهبيش
وع جريك لما بتقدر توقف
إذا .. بتشوفني
بسمحلك تقص الحشيش


Issam Youssef
هاي جواب تاني يا عدنان .. و خلّي طوني ينقّي
............
يا "بو مقص" مقصّك رفيع و قصير
لا بيقطع الفوحا و لا بيقص العبير
يا ريت قـَـصّاص الوحي قادر تصير
"تقصقص صور و تلبّس الكلمي حرير
روح قص الحلم من حرف السرير
و روح قص الجوع من عقل الفقير
و هَيْ "طوّلوا" بالن عا سوريّا الدول
"قصّو" .. ان كنت زلمي .. و لا تتفلسف كتير


Issam Youssef
و هاي ردّي تالتي من شان عدنان ما يمل
.......................
لمّل يا طوني بفتح قناني الكلام
بتشرب عيون الحرب من كاس السلام
بجبلك "رغيف" الشمس من كيس الغمام
من شان طعمي لْ بالملاجي و الخيام
لو انت قصيتو .. انا بقلّك حرام
دشرو للجايعين وروح نام
عصام عمرو ما قسم كفّو رغيف
يا ريت فيك تقص عا قصّة عصام