بحر الزجل وعلي جعفر

ألشاعر سليمان طراد
يا جعفر الموضوع صار مشاكسي
وزندك بطش لكن حنون وما قسي
من وين جايب هيك نخبة عا الزجل
معقول جنيّة ؟؟ يصفّي مدرسة

ههههههههههههه

Ali H Jaafar
ههههههههههههههه

مهما المحابر والقلام بتدّعي
الا ما تختم انت ما بان الوعي
ولو في مدارس انصفت استاذها
بتكون انت الاصمعي والتبّعي

ألشاعر سليمان طراد
علّوش كلما حيط شي ريشة استلم
جنيّة قلامي بتشعر بالألم
بسامح انا يلّي ظلمني بالحياة
وما بحب سامح شاعر الكلمة ظلم
ههه
بحر الزجل

Ali H Jaafar
جنيّتك لوما الوجع فاق و هجع
ما كان عملت للشعر هالمنتجع
يشفي حروف انظلمت بكتر الكلام
وصار التسامح للظلم اكبر وجع
20

ألشاعر سليمان طراد
جنيّتي أسستها من كم عام
وخليّتها ترتاح من كتر الكلام
واليوم لمّا تشعرنوا نص البشر
قررت انّي عا الورق فضّي القلام

بحر الزجل

Ali H Jaafar
فضّي الدرر من عبّك وعبّي الشطوط
بشعر البكِر..مد البكَر خلّي الخيوط
تزيح الحقد عن شط بحر الفلسفة
وجنيّتك تفرض تسامح عالشروط

ألشاعر سليمان طراد
ايّا شروط بتنوضع لما القلوب
بتصير سودا يا علي بكل الغروب
مجبور تحسم موقفك قبل الغلط
وتفتح على الشعّار وتشق الدروب

بحر الزجل

Ali H Jaafar
افتح على الشعار دربين الخلود
تتشوف مين الشاعر و مين الحسود
يلّي سلك درب التواضع مجّدو
واياك تعطي وجّ لشويعر حقود

ألشاعر سليمان طراد
كرهت الظلم من زلم حملت مبخرة
تمجد بشاعر ..عيب شعرو ما انقرا
من هيك يا علّوش جنية ورق
لازم تضوّي الموهبة من المحبرة