عدنان سعيد وبحر الزجل قلم وورقة

ألشاعر سليمان طراد
February 21 at 3:48pm
عدنان سعيد مطلوب للعدالة
يا بو بهاء البحر حالف ما يطوف
عا بيوت مابيكرمّوا فيها الضيوف
جايب معي نصيّتي بالإيد شوف
وجايي تا اسكر بالخوابي من الحروف
وتا خبّرك شو شفت سببلي كسوف
شادي انتهى والنسر بيخش الدفوف
ومن كتر ما في دم بالعركة انا
بطلّت بعد اليوم حارب بالسيوف
ههههههههههههه
Adnan R. Said
يا بحر يللي بإسمك الشاعر حَلَم
وديت موج الشعر تا الشط استلم
تروك السيوف و ضل عالمنبر علم
حارب بكلمة و مجدك بشرعي انعلم
بسلاحنا منربح على كل الدني
انت الورق بتجيب و عليي القلم
ألشاعر سليمان طراد
جبت الورق ..من حيث عندي اهتمام
مر بخوابي الزاكرة متل المنام
ولما دخلت الموقع ضربت السلام
واسألت وين الموهبة ووين القلام
شفت التحّدي صار حقد وأنتقام
والجّو ما بيبشرّك.... بالإنسجام
ومن دون ما عدنان اكشف ورقتو
بين السطور!ونيّتو بفحوىّ الكلام
dnan R. Said
جو الخوابي حب و فنون و وعي
ما في حقد حتى بطهرك تدّعي
نحنا الوحي نحنا الخَيال الألمعي
امّا انت لما بتجي تحكي معي
خبّي الورق وفّر حبر عا مدمعي
او هات كل وراقك و جد السعي
يا بكتب عليهن افادة بترفعك
يمّا الك رح يطلعو وراق النعي
ألشاعر سليمان طراد
تأمل بحور الموهبة وآفاقها
ولملم خلف مني بقايا طباقها
سليمان بحر جناسها وطباقها
وورقة نعي لا حبها ولا طاقها
يا فايت على قصورنا من طواقها
لا تحط قدر الناس أو آخلاقها
نحنا بسهل المعرفي متل السجر
ويا ويلكن لما تهّر وراقها
Adnan R. Said
يا خجلة الريشة بشاعر ما افتكر
الا بقصور رخام وبحور و ضجر
و يا مهاجم قلام اللي جوهرها القدر
فيها انكتب اسمك تا اسمك ينذكر
تركت العلم و المكتبة لحقت الشجر
حتى بورقة مصفرني تخلق درر
مش كل شجرة اوراقها بتفيدنا
النخلة بدون اوراق عم تحمل ثمر
ألشاعر سليمان طراد
انتي قلم مكسور لو جبينو قطب
متل راسك يا بس ولونو حطب
بتكتب خطاب وبو بهاء اللي خطب
عن كل ورقة الاسم لازم ينشطب
يا مريم العدرا لا تشكي من العطب
هزي بجزع النخل تا ينزل رطب
وبسعف منو استقبلي عيسى المسيح
وخلي الجرح مفتوح لا تفكو القطب
Adnan R. Said
يا مريم العذرا بسعف نخل السرور
بصنعلك الريشة تا تلعب عالسطور
بلكي المسيح الناصري بيمحي الشرور
و بيقول لسليمان بيكفّي غرور
مش عايزِك يا اوراق بكتب عالصخور
من هون يا سليمان ممنوع المرور
و متل الشتي بكتب قوافي عالجبال
ما اتتّرجمو الا بسقسقة النهور
ألشاعر سليمان طراد
ما زال ها الموضوع من قبل انطرق
لا تفكرو ان عدناه ممكن ينحرق
قلام الصحافي بتنشرى بطحة عرق
لما بحبر المصلحة بتنزف عرق
وما في حدا عا سجرة العيلة مرق
الا ما شم وراقها وقلبو انسرق
قلام الطفولة كلها ملك الولاد
وثروة الشاعر كلها ملك الورق
Adnan R. Said
يا مهاجم قلام الصحافي الماضيي
اللي تشنّقو و ماتو بضربة قاضيي
ولا تفكّر عيون البشر متغاضيي
عن ظلم تركي بالحروب الماضيي
و يا شاعر الفيك الخليقة حاضيي
معلّق بورقة فيك منها راضيي
لوما عليها تكتب بريشة و قلم
بقيت الورقة متل راسك فاضيي
ألشاعر سليمان طراد
لما وراقي من القلم خبيّتها
كان في شعّار يخرب بيتها
قلام الوحاهة عا الصدر شكيّتها
وما اكتبت فيها غير ما بريّتها
ووراق شعري بالقلب حطيّتها
وطفّحتها بالشعر تا تليّتها
وكلما تشوف وراق ملياني بكون
مفضّى خوابي البال تا عبيّتها
Adnan R. Said
ورقة انت فيك الخليقة ملبّـكي
لمسح عرق تحت القميص الليلكي
و حتى ما منّك هالطبيعة تشتكي
بتنكب ورقة مهملة و مدهدكي
و يا مشبّع قلامي عا صدرك شكشكي
قلامي عيون القافيي و التكتكي
ولوما بْـكِحِـل عيني الخوابي غْـنيتها
ما تجلغمو خدودك من دموعي بكي
ألشاعر سليمان طراد
حبر البلاغة عا الورق متل الدواق
بتستقبلو الصفحة بلهفة واشتياق
ولو كنت عم تكتوب وتنحت عا رواق
ما كنت يا عدنان كبيّت الوراق
تأمل معي بالشرق لما الشعب فاق
وشاف الوطن منباع بحبر النفاق
كسّر قلم مأجور تا يرد الوطن
وعا وراق بالدستور نص الأتفاق
Adnan R. Said
دستورنا اللي تسطّر بدم الوريد
مش عالورق ... مكتوب عا جبين الشهيد
فاتح مدارس شعر بالصيط الحميد
تا علّم الأجيال عالشعر الجديد
بكتب معك حتى بعلمي تستفيد
وما تسقط و سنْـتك معي تضلّك تعيد
بورقة ملاني حروف ناجح بالصفوف
بورقة البيضا ساقط بتطلع أكيد
ألشاعر سليمان طراد
اللي كاتبين المجد وين بينقروا؟
لوما على وراق الشهادة دستروا
أبطالنا صفحة بطولة سطّروا
وعا وراق نيّه صادقة قلامن بروا
عدنان ياما قبلك علينا افترو
وراسك تا يسقي وراقنا شعر اعصرو
وكلما قصدت الشعر تكتوب بالقلم
فوق الورق مجبور راسك تكسرو
Adnan R. Said
قلام البطولي عروق فيها الدم سال
كتبت ملاحم عز بزنود الرجال
وحاجي يا ورقة تشمخي قبال الجبال
ما بعوزك وما بريدك بهيكي مجال
المتلي انا بالشعر ما بيعرف زوال
وما استعمل الورقة تا يكتبلك مقال
رح ابعتك عالقبر شي دقيقة زمان
تسأل خليل الكان رب الإرتجال