فادي فياض وبحر الزجل انتقال سالم غانم عا جوقه الربيع

ألشاعر سليمان طراد
لما الشاعر يا صديقي بينقمع
بيشمّع الأبداع وبواب السمع
يعني اعترافك منعتو يحكي معي
كان السبب بقلب جوقك ما لمع


فادي فياض
فادي فياض
عندي سياسة قمع ؟ حاجي فزلكي
شاعر نقل من مملكة عا مملكة
ولولا تركتو بوقتها يحكي معك
كان متلك صار اكبر مضحكي

ألشاعر سليمان طراد
المنبر يا فادي بينجح بسريتو
وما بيحصد الانسان الا نيتو
كان تركك سالم وبعرف انا
لو كنت انت بتتركو بحريتو

شو باك فايت بين نحلات القفير
رح ترجع من العقوصة مورّم كتير ههه
ما فيك للبستان تقمع نحلتو
بالمطرح البتريد تتنشق عبير

ألشاعر سليمان طراد
يعني اعترفت منيح شو جنيّت يديك
لا تخاف نحنا كبار ما بنشمت وليك
كنا نشوفو بجوقتك شاعر كبير
سلّوم طيّب كان عم يشفق عليك
هههههههههههههههههههههههه
بالحرتقة مش رح تحقق غايتك
تاريخنا ما منقشعو عا مرايتك
سالم وفادي وكل شاعر عبقري
منشفق على شويعر المتل حكايتك

ألشاعر سليمان طراد
مره فتحت تشات مع سالم سهي
سألتو يا سالم طير حاجي تلتهي
دشّر الجوقه وعيف فاديومش نهي..!!
شولّي بلاك بجوقتو يا اشبهي
كان الصبي يبلع بقلبو حرقتو
ويقول لو دشّرت فادي بينتهي

فادي فياض
لفق خبارك عالشمال وعاليمين
حتى تسلي جورجيت وجوزيفين
رح بنتهي شاعر أرز عالي الجبين
لما الأماني يردها الربا لامين
لكن انت مش رح بتقدر تنتهي
بحيثك انت خلقان ميت يا جنين

ألشاعر سليمان طراد
طيّب لا تزعل انت شاعرنا الحبيب
مالك مع الشعّار يا فادي نصيب
رح انصحك ..تلفن لشادي العندليب
ويمكن وسام بيدعمك حيثو قريب
وفي حل تالت خود من بحر الزجل
شو رأيك تغنّي..الخامس مع حبيب
ههههههههههه

فادي فياض
الجوقات يلي مخمسي ومسدسي
هي مش لنا اسكت يا بحر الهلوسي
رفيقي حبيب بذات كتب المدرسة
درسنا الشعر يا بو فكار مفلسة
وشفتك عا باب المدرسة خادم وضيع
حامل بإيدو الممسحة والمكنسة


بعد دخول شادي موسى عا الخط


ألشاعر سليمان طراد
سالم يا شادي فل راضي وعا وشك
يتعلم يقوس عليكن بالدشك
ما زال سالم شد حالو تا انفرج
استغل الظرف فادي بجوقو بدحشك

ألشاعر سليمان طراد
ناسي يا فادي الشعر ع فوقا
كان السكن بالحارة الفوقا
كانت الجوقة فوق صارت تحت
وصايره سودا السما فوقا
سلّوم تركك ؟ أو كحتو كحت؟
وفضلت تبقا جوقتك لوقه
يمّا الصبي منو قرارو بحت
يما عليك تحوقوا حوقه
الشاعر اذا ما كان نظمو نحت
وشرده خيالو متل عرنوقه
بتصير كل ما بوست شعرو افتحت
تسكّر عيونك ...بس عا فوقا..!!
مش هم دمعك أو الجوخ مسحت
شو حضرتك قسطا إبن لوقا
ومن كل قلبي يا صديقي فرحت
انو ترك سلوم جوق الارز
انشالله يأسس بعدها جوقه


فادي فياض
يا بحر في وقت النقد والفرز
معنا انت بتروح مغليطة
سالم درز حبو بضلوعي درز
صوتو عزف انغام كرنيطة
وانت عا شكلك منقشع طرز
تلزيق شعر وبهورة وعيطة
من الارز لو منحمّلك شي كرز
بتضل شجرة موز وسبيطة
بعنق الجبل نحنا خلقنا حرز
وانت جايي شلعة غطيطة
وشفناك مطفي لا زكا ولا فرز
خيالك معك لعيب لقيطة
برشاش موهبتي درزتك درز
وهاجمت رشاشي بشرقيطة
دماغك معود عالطمر والفرز
ونيال جمجمتك بزحليطة
صرلك عمر بتطل من دون برز
كرمال تفتن ترسم خطيطة
مش متلنا شعار جوق الارز
راس الجبل عا قد ما يعلا
منلبّسو من الارز برنيطة