عدنان سعيد وبحر الزجل أخد وعطا

عدنان سعيد بدر بلا ضمير
ما زال بو شادي سبق موسى ونبي
عن شرقنا معقول اهل الموهبه ؟
يصيروا مع الأيام متل الأنبيا
كل دين يعمل شاعرو ..أول نبي
ههههههههههه



Adnan R. Said
الشاعر اذا تنبّا و اغنى المكتبي
بياخد بشرق الشعر اعلى مرتبي
يما النبي بيكون شاعر هالوجود
يما متل حسان شاعر للنبي



ألشاعر سليمان طراد
ما في نبوّه عا المنابر ..يا سعيد
كلو معلّب بالمعنى والقصيد
الما بيخلق على المنبرو دهشه حلا
بيكون عن الله وملايكتو بعيد
هههههههههههههه

عدنان سعيد
مش كل من غنّا قوافي محررة
بيتأله و بيصير رب المقدرة
فرق البلاغة بين شعار الزجل
متل الفرق بين الثريا و الثرى



ألشاعر سليمان طراد
اعطيني شي شاعر ..غير موسى ..ما سرق
بعطيك بطحه مفّولي نبيد وعرق
الشاعر الشاعر تا يشقّف بالسما
مفروض راسو يكسرو فوق الورق
هههههههههههههههههههه

عدنان
موسى السرق ؟ ما بحب اسمع هالحكي
لكن انت اخبر بشعر اللوفكي
ههههههههههه
بعرف انا حمدان عم يسرق كمان
حب البشر و قلوب اهل التكتكي

شاعر سليمان طراد
مين قال عن حمدان دهشه ..ما خلق؟
عا ها الكلام بيلزمك اكبر فلق
لوما يجيبو الزين تا يغني معو
ما كان يا عدنان بو شادي انطلق
ه
عدنان
شو هالجواب بيستحي يقولو الصبي
حمدان قلنالك نبي بشعرو الأبي
جاوب عليي مين اشهر يا حلو
بّي النبي الجاب النبي يما النبي


ألشاعر سليمان طراد
الأفضل تقلّي كنت لو بالك الطويل
الأفضل ما فيه يكون بمقام الفضيل
زين مفضل عا طليع اللشجّعو
وزغيب بعدو بيحمل جميله خليل
ههههههههههههههه



Adnan R. Said
زين العطا حمدان فرصة للنجاح
و حمدان من ربو اخد رفّة جناح
بين العطا والأخد موضوعك مشي
يا خود مني سلاح يا زت السلاح


ألشاعر سليمان طراد
كيف البحر عم تسألو بجد وسعي
بين الأخد والرد ضيعت الوعي
ما جيت تا اعطيك فرصه للهرب
جايي تا آخد روحك الليله معي


Adnan R. Said
انكنك بحر ياما عطيتك ادمعي
تا تنتلي و تصير شاعر المعي
لوما عطيتك حظ من رب السما
ما قدرت روحي تاخد و تربح معي1


ألشاعر سليمان طراد
ما في ولا استقلال بالعمر انعطى
الا ولبس بدله كرامه مبهبطى
ولبنان لو آخد مجد حريتو
ما كان في محتل عا حقوقو سطى




Adnan R. Said
نحنا ان اخدنا بالكذب امجادنا
اياك تنسى تضحية اجدادنا
وكرمال ننسى شو اخدنا من الدني
عطينا الغرب زهرة شباب بلادنا


سليمان طراد
===========
ايّاك تعطي وراق قلبك للهوى
وتا يلتقوا العشّاق بليالي الغوا
اول ما بتقلو الحبيبه باللقاء
خدني حبيبي عا لسما نسهر سوى


Adnan R. Said
Adnan R. Said
عطيني يا حبيبي و خود مني
قلق عيني و عذاب بدون مني
و هدايا تجنن قلوب الصبايا
و تعمل نار ليل الحب جنّي
حبيبي رحام قلبي و الحنايا
حرام تضل هيك بعيد عني
عطيتك من وفا قلبي هدايا
ومنك شو اخدت غير التجنّي
و يا سليمان مع طيب النوايا
عا جنبي بعد ما مشيت بتأني
عطيتك مجد تقعد بالسرايا
و يجي التاريخ يضربلك تمنّي
و هلّق بعد ما احتكّو الشظايا
و بهّق فجر شعري بليل بنّي
عطيتك خود دمعاتي الوفايا
عا قبرك عند ما تبلّش تغني
عطيتك خود هجماتي القوايا
بحرب إبداع ما بيعرف تدنّي
عطيتك خود من جودي البقايا
بلكي بتشبع من كنوز فنّي
و هلق بعد ما خلصو الحكايا
و عطيت الشعر آخي و أن أني
اذا بتريد يا عاطي العطايا
تجي شي نص ساعة عالخوابي
بلكي بتاخد سليمان عنّي



ألشاعر سليمان طراد
يا عدنان دخلك حل عنى
عم تطلع الكلمي بألف عنة
مني كتر ما اآخد هدايا
حرقت ديني بمبخره التمني

اعطيني قلبك وصفي النوايا
أماني بتاخدو من دون مني
اعطيني شعر تا نضوي المسايا
ونبني بالأدب احساس فني

ومني خود روحي من الحنايا
تا تعرف قيمتي وشو خدت مني
انا بحر المعاني والعطايا
أخدت عا دني فني لأني
شاعر محترم عندي مزايا
باخد قد ما بيعطيك فني

يا عدنان يا عاطي الخلايا
سلاح الموت بيكفي تدني
اذا ع البرج بتشوف البرايا
عزي نفسك الأبطال هنّي

انت عاطي الوحاهه بالسرايا
قيمه فانيه ..بطني ورني
انا بعطيك من طيب النوايا
وعند ما تاخد تحس بتدني

ولأنو عند ما سهام المنايا
من عمر البشر لما تجنّي
بتكشف بالسما كل الخبايا
عزرئيل لو روحك اخدها
ما ترفض وعدك بتطلع ع جنة

عدنان شاعر مر مجبور تكتوب شعر معو