حسن كوثراني وبحر الزجل حتميه وعقليه

ألشاعر سليمان طراد

حسن كوثراني ...مطلوب
يا بو علي المعروف عنك معتبر
بيخبروني سيطر عليك الكبر
حبيّت اسأل بس..مش حشري انا
ان كنت عايش بعدك بعتلي خبر


Hassan Kawtharani
!!
يا موّج بحر ...الشاعريي من مدا
عمرْ الزمن موجك بيرندح للفدىّ
بخششت عمري للصبا! من الختيره
ما العمر يا سليمان ما بينطر حــدا

ألشاعر سليمان طراد

ولاد الصبا والختيره ما بيلتقوا
متل الحيا والموت يمكن يعلقو
ما زال عمرك راكض وما بينطرك
جدد شبابك يا حسن تا تسبقو

Hassan Kawtharani
!!
عمرك حلم والوّقت من حلم اشتهىّ
ياخد نـصيبو من الشباب اللي ازدهىّ
ما العمر غفلة ان طال ليلك في صبح
بيكون خلص العمر والحلم انتهىّ


ألشاعر سليمان طراد
لما الحمل بيصير عا كتافك تقيل
بيصيرحلمك وهم... دربك مستحيل
الحلم الجميل بينتهي بلمحه بصر
الكابوس وحدو يا حسن عمرو طويل




Hassan Kawtharani
!!
بالحلم لوّ إنسان صفّا نيتو
تماهى بأحلامو وبأنسانيتو
حتى الملاك الوقف علىّ كتافنا
ما غيَّر من الواقع وحتميتّو

ألشاعر سليمان طراد
عقليّه الأنسان لما تسيّرو
شرو بيغلب بالدني عا خيرو
عقليّتو بتغلب على حتميتو
وحتى قرود السود ما بتغيرو




Hassan Kawtharani
!!
سليمان يا سليمان لا تقلل حيّا
ومن العتم بشّر بضوّ ا..لابريا
ان كان الحلم متل التمرد ع الخلود
تفلسف وقلي كيف ماتو الأنبيا




ألشاعر سليمان طراد
مين قال انو الانبيا ماتوا استحي
أرواحهم بصمات مش رح تنمحي
حتميّه التاريخ شاءت يرحلوا
تا يخلّدو بدنيا القداسه والوحي





Hassan Kawtharani
!!
يا طراد لا...... تشكك بإنسانيتي
ما الموّت حق بشرع ديني ونيتي
أشرف إلو لوّ.... حط بتمو حجر
بالشعر كلمن قال كلمي مَيتي




ألشاعر سليمان طراد
ما زال قلت الموت حق..ولم يزل
شو جابرك تحكي الكلام المبتزل
لو كنت مؤمن بالمسيح وبالنبي
كنت كشفت سر الديانه من الأزل


Hassan Kawtharani
!!
الموّت راحة ورح بيخلي ساحتك
مهما القداسي والدياني اجتاحتك
عمر الدياني خمس ست تالاف عام
ومن الأزلْ يا موّت ماخد راحتك




ألشاعر سليمان طراد
اووف

يا شعر قلبي كترت جراحو
للموت خايف لو رمي سلاحو
سلاح المحبه ..جنزر وما ضل
غير الوجع طاير من صياحو

بالحرب كنا نقول في محتل
تسلّم من الحكام مفتاحو
واليوم صرنا نقول لما فل
دشّر مع الارهاب ارواحو

يا بو علي للصلح ما في محل..
آدم خطي وما داق تفاحو
بالضاحيه قلي تا اشفي الغل
ونسأل الراحو ..كنن ارتاحو

ما ارتاح يسوع بقبر تا فل
صوب الخلقنا والصخر زاحو
اطلع معي صوب السما من مطل
بيارق قيامه ربنا لاحو

لو كان راضي بالفنا ما ضل
فوق الصليب يقول يا بيي
ان كنت قادر خفف عليي
والموت ما اشرب من قداحو