رامي نعيم يغلط بحق البحر

ارتجاليات عا الوتساب

اعزروني يا غوالي .ما بغالي
ولا بسمح لحالي هين حالي
وما رح اسكوت اذا بتحصل جريمه
بإيدي بحمل سيوف العداله
في شاعر منبري من دون قيمه
دخل عا الموقع يوصل رساله
ورجع العادتو البشعه القديمه
يوصل ها الرساله من خلالي
ولأني بحر ما بحب النميمه
ما رح اسمح لحاله تصير حاله
ورغم ما كنت بالجمعه العظيمه
والغفران عنوان الرساله
ما رح احرمهن الليله جحيمي
انطروني واسمعوني يا جماعه
تا افطر ربع ساعه مع عيالي

في جمله انقالت على الياس عاهى
مين القالها وفيها تباهى
انت القلتها ويا نعيم قادر
بكجك نزلّو انهي المتاهه

عرفت يا نعيم من عدة مصادر
تهمت البحر وغرورك تماهى
انو البحر مفتن بحر غادر
وانت بتعرف بحوري ووفاها

انا يا نعيم لو بدي وقادر
بخرب جوقتك بحرق سماها
واذا مش عاجبك من هون غادر
ما فيك تغبر تياب النزاها

مينك انت تا حقي تصادر
وتفلت جهلنه حقدك مداها
النزاهه رجالها بحور وكوادر
ما بتعلّق يا رامي عا قفاها

ولأني مقرّش بيوتي نوادر
وانت كرشك يا رامي للوجاهه
رغم كل الوسايط والبوادر
انا رح افلت جهنم الحمرا
وانتي فلّت لسان السفاهه

نحنا بالشعر لولا نبضنا
الوحي بيصير ينفض من نبضنا
اعترضنا عا الميوعه وكنت شارح
كيف وليش يا رامي اعترضنا

الك بتلّت من أول مبارح
وتهلك ربّنا أنو انقرضنا
وعارف بالعواطف والجوارح
تا ندعم بالزجل هيدا مرضنا

واذا جايي بها الموقع تصارح
زعل غنّم منك لو افترضنا
شو خص البحر يا بو لسان جارح
حتى نخلفك منو غرضنا

انا بالجو متل الشهب سارح
الشمس بتختفي لولا غمضنا
انتوا بيفرضوكن عا المسارح
حتى تسمّعوا بيوت المعنى
ونحنا وجودنا بقوّه فرضنا

وبعد ما نعيم سممنا ولدغنا
وظهر بالأوف لا معنى ولا مغنى
والو عشرين عام وقول أكتر
قولولي منبر الكلمه شو أغنى

اذا بتكون يا بن نعيم بيدر
أنا سهولي بيادر شعر أغنا
انتو بالصياغه ولاد دفتر
ونحنا الشعر بالأبداع صغنا

انتو جوق بالحفلات مشور
ونحنا بالسما وبالجو زغنا
انتو بتوقعوا عا خشاب منبر
ونحنا كل ما نكتوب قصيده
بينزل حبر بالزرقا انفدغنا

اعزريني يا وفا آخر صداقه
بعرف بالجرى ما لك علاقه
دعمنا جوقة النهضه ونهضنا
بشاعر كان عا المنبر علاقه

يا بن فرحات جوقك لم نفضنا
حسنه لوجه الله مش حماقه
وبشرح تنجّم وبالشعر فضنا
وما كان عنا جمل يرعى وناقه

قبضنا عا الاداره وما قبضنا
وتا تعمل حفلتك يا بو الرشاقه
باض الديك بالموقع وبضنا
ورده واحد ما كنت تكتوب
وجايي بينّا تنهي العلاقه

يا نهضه الما كبرتي واكتملتي
وعني غادرك عا النت قلتي
نسيتي كيف دشّرت الخوابي
وربع ما حملت عني ما حملتي

انا تعرّفت فيكي عا صحابي
وبشيرك بالزجل عملاق فلتي
ولأنو جوّك الشعري ضبابي
عليكي لف غنّم وصديقو
تا ياخد فاضلك إبن الزحلتي

انا حكمي على النهضه برمتو
لأنوا النار تا اولع ضرمتوا
متلي بحر نادر بالتحدي
ما بتلاقو دهر لولا برمتو

انا تا اخرب النهضه ما بدي
اسألو ريشار أو جعفر بذمتو
لكن في حقيقه ومش تعدي
على مشوار عمري ليش صمتو

الك يا نعيم خلف بشير مده
انا بهنيك عا الجوقه برمتو
لأنو بالزجل تا كون جدي
اذا بيرجع يغني بقلب نهضه
انا عا العام مش عا الخاص لمتو

يا رامي نهضتك نهضة زلاحف
تا توصل للمجد عا الارض زاحف
بعد ما تسمّع الرد المجمّر
على دموعك ما رح تكفي الملاحف

بنيّك بالزجل يا نعيم زمّر
ما جبت الياس عا الجوقه مشاحف
صرنا فيك يا بن نعيم اخبر
ولوما يكون فاضل حد فاضل
كرسه .لو حلفت على المصاحف

يا رامي ليش فضيّت الزخيره
ودبت عا منبرك يا نعيم غيره
ومعك تا كامله تصير المواهب
لا تنقل من جزيره عا جزيره
ما بدي ياك تعمل متل راهب
تحمل مبخره وتلبس دخيره
بدي ياك بالحفلات شاهب
نجم كبير مش نجمه زغيره
وحبيب الشعر جو بلا غياهب
بتشرق شمس فكرو بكل ديره
ولأنو الشعر ما عندو مزاهب
بدي قولها وريّح ضميره
معك مش كامله ولا تقول راهب
ملوك المنبر ولا بل مرعب
من شعّار حفلاتن كتيره
هههههههههههههههه

يم مش فتنه مصيبه
دخولك عا الزجل نقمه وعجيبه
كيف باووف موسى ما تنبه
ل خنجر غدرك بضهر الشبيبه
يا رامي نعيم عا المنبر تشبه
بحبيب قلوبنا المليان طيبه
شربل ناسك الدين .ومنبه
حدك حط تا توعى يا رامي
من احلامك البشعه الغريبه
هههههه

انا مازن بعمري ما اذيتو
وحبيب القلب من دمعي سقيتو
وبقي الشيطان رامي ها المدمش
فقع قلبو عا كتره ما هجيتو
يا رامي نعيم عا كتافي تعمشق
تا توصل للمجد يللي ارتجيتو
وانت بتعرف البحر البيعشق
مواج الموهبه كلما التقيتو
واذا رامي رح بيزعل وينشق
انا رح ضل طقو بالمعنى
تا رامي يضل عم يبكي ببيتو