نسر وبحر الزجل زكزكات

سليمان

حاجي يا نسر تشبق جناح الهبل
وتقول موسى سهل والزين الجبل
الغناه زين شعيب كلو بهوره
بقاموس فلسفة الشعر ما بينقبل

نسر الجنوب

هالفلسفة ل كبرت بزين شعيبها
من شعر موسى زغيب حملت عيبها
الورقة ل عليها زين شخبر بالقلام
بتسوى دفاتر شعر موسى زغيبها

نسر الجنوب

قالو بحر المواج عندو هايجة
مين البطل ع الشط يسترجي يجي
رحنا لقينا طراد هالإسم الكبير
نقعة/ت وحل ع لارض وسخة مخمجي

سليمان

لما الزغيبي منبر الكلمه امتلك
كان زينك ربع فشخه ما سلك
ولليوم يا ها الصوص بيقولوا الجميع
موسى ملك موسى ملك موسى ملك

نسر الجنوب

وقت ل زين شعيب ع الشعر اقترب
تربَّب وصارو يعبَدو شعرو العَرب
ومِن بو علي كل العيون بيشهَدو
موسى هرب موسى هرب موسى هرب

سليمان

بحفل المدينه لم عزم عبد ارتخى
من رد موسى الشبع الكلمه وسخى
لوما فقع عبد الجليل بوقتها
ما كان زين شعيب يا نسر انتخى

نسر الجنوب

عبد الجليل لِّ بكلامو وَجّعَك
بالارتجالي زغيب ع ايدو اندَعك
تْخَرسَن وقَلّو رح بنَقّي الخَرسانِة
ولا يسجّلو عليي مُحاوَرْتي معك

سليمان

لما النسر بيصير يحكي بلا دليل
بيكون مش موزون عا المنبر دخيل
القصه معي بحفل المدينه واضحه
لما انسحب موسى فقع عبد الحليل

نسر الجنوب

موسى ل فَقَع ما جاب شاعر سيرتو
ومن بيْت مري داهن جروحو سبيرتو
ومن شهرة/ت الزغلول موسى زغيب غار
وبعدو ل هلق رح يموت بغيرتو

سليمان

لما تحمس زين والعبد انتحب
بطرس طلع عا المنبر وغنى وسحب
وما كان بطرس رد او زين انتخى
لوما وراقو العبد تا يغني سحب

نسر الجنوب

بُطرس حِكي ( يا زين ) هِنّي كلمتَين
قَلَّك شو بدّي بهَيك فوتِة قْبال زَين
وروس القْلام ل خَطّْها عبد الجليل
عْناوين والعينين شِهدِت ع اليَدَين
هرب هرب هرب