زينب حماده بحر الزجل تاريخ

الشاعر سليمان طرا

لا تكذبي ..مش هيك قلبك كان
يحجر عا كلمة بعدني بحبك
ولا يوم فيكي تخدعي انسان
خافي يا زينب من غضب ربك
زينب
طراد بكذب ع حالي،بقول نيالي
ساكن حدا فيي..بيعشقني
ومن كتر ما كذبت عا حالي
ما عاد حالي عم يصدقني

ألشاعر سليمان طراد
لا تكذّبي عا الناس في الله
ولا تصدّقي الله لأنو الناس
بتحكي كتير ...كتير حيالله
من قبل ما تشرب يا زينب كاس
6
Zainab Hmadi
منضل نركض تا نلاقي الموت
بدنيي ما كانت هينة وعذبة
ومنموت ما منترك صدى ولا صوت
متل اللي كنا ب هالدني كذبة

ألشاعر سليمان طراد
ظلم البشر لا تفكري معروف
رغم العمر بيضل ما بيشيخ
من بعد خبره بغربتي عم شوف
كذب الدني اصدق من التاريخ

Zainab Hmadi
التاريخ! من كذب البطولة مل
وال كاتبو ..بس السما فوقو
عربش على ضهر اللي ماتو وضل
تا يكتب التاريخ عا ذوقو

ألشاعر سليمان طراد
التاريخ مين بيكتبو ....؟المجهول
الواقف على شوار الدني وهلكان
محتار بالتاريخ شو بيقول
وين الحقيقه ما حدا سآلان
دخّلك لهلق ..ليش في تاريخ
مكتوب عنا موحد بلبنان...؟

Zainab Hmadi
مين قلك التاريخ صح انقال
وشو عرفك قصة حقيقية
هال غسلو دماغاتنا بأفعال
عا ذوقهن يمكن خيالية
كانو عا ايام الترك عزال
عم يخلصو من الجوع يومية
لولا حرب وسعت ع كل مجال
ما تحرروا من الترك يا خيي
وايام غورو تعاملو بإذلال
وفلت فرنسا عن حسن نية
وبعدين سوريا اجت كرمال
تفض اللي صار بحرب اهلية
الاخت الحنونة بالجبل يا خال
قتلت بإجرام وكراهية
وفرخت منهن عبيد المال
وبأمرها اشتغلو سياسيي
وبعدن لهلق عاملين رجال
عليك و ع كل الشعب وعليي
التاريخ بكرة بيكتبن ابطال،
بيتسلقو عرش الالوهية
وهني ملوك اللعب فوق حبال
وتجار دين وسمسرة وزعران
وكلهن قرطة حراميي

الشاعر سليمان طراد
وين الحقيقه وين ...؟مش توبيخ
عنا الحقيقه بظن بالمريخ
كل شي بوطنا معلّم ومحسوب
بطيّخ عم بيكسّر ببطيّخ
وما زال في عنّا صابون قلوب
ليش بيّن داعشي بالسيخ
وليش عنّا تفرقه وحروب
وقتل ودبح بالمنطقه وتفخيخ
تاريخنا بأحقادنا مكتوب
كلما فريق بيربح بلبنان
بيقعد عا ذوقو بيكتب التاريخ