زينب والبحر فضيحه

زينب
سليمان ما بفزع من الوهرة
يا صوص بحضوري وبغيابي
لو جيت عم تلهت ورا الشهرة
صحتين هالشهرة على حسابي
..
البحر
حسابك معي ..لا تضيّعي الموضوع
وتستعطفي الجمهور وتبيعي
وسرك اذا افشيتو وطهر يسوع
يمكن بعد ما ينفشى تضيعي
..
زينب
فيي اللي قبلك عاندو وتسلطوا
ركعو على بابي كتر ما غلطوا
ومتلن انت اخر همومي يا طراد
هالبحر قدامك ع مهلك بلطو ا
..
البحر
عندي صور ..مع صوت لولا تسرّبو
بيتك يا زينب صدقيني بخربو
ضبّي لسانك عيب تحكي بالقفا
ساكت انا والبحر اوعى تجرّبوا
..
زينب
صوتي حلو؟ غار القصب من جرحتي؟
وعندك صور؟ يا فرحتي يا فرحتي
ن فيها طلعت حلوة متل كل الصور
بعتلي شي صورة حطها عا صفحتي
..
البحر
علليي افهمي من قبل ما تتفلسفي
مش بس بالتحذير بدي اكتفي
الصوره اللي بدي حطها بتخرب بيوت
من حيث صوره عاريه ...!!من الفلسفه
..
زينب
يا طراد تهديدك بصورة ما فرق
فيلمك قبل ما يخلق اليوم احترق
بالسحر عم شبع عيون الحاضرين
وبالفلسفة عم شبع عيون الورق
..
البحر
لبستي الحيا أشلحتيه معنا ما فرق
صوّرتك ..وصفيّت ازرب بالعرق
شبعت عيوني من الغصون اللابسي
ومتل الهوا بلّشت افرط بالورق
..
زينب
لا تصور بحالك على الموقع غزال
ت تطال صورة عن سحر زينب محال
المرضى بيصلو للاله وللسما
صلي انت ت تصح من وسع الخيال
..
البحر
أول دروب الشعر حرف ومحبره
وآخر حدود الشاعر عيون المرا
ونفسية الأنسان متل مرايتو
وعندك مرايا البال كلا مكسرّه
..
زينب
قلامي من جناح الخيال تنسروا
وقصقصت اجنحة ال عليي نسروا
مرايات بالي تكسروا ت يفهموك
كل ال بوجي بيوقفو بيتكسروا
..
البحر
لما جمال الروح بالجسم انأسر
صرتي تلمي الاخ والحرقه نسر
وقلبك طلع بوجّك وقاوم كتير
ومن بعد ما قلتلك انسيني انكسر
..
زينب
مسكين صعبانة عليي حالتك
واخر همومي اللي عليي فالتك
ع شكالة ال بعتوك مية شايفة
وألفين واحد شايفة ع شكالتك
..
البحر
مش شايفي وجّك مهاوير وجور
ومنخار افطس خي ما أحلا النور
مضطر بكرى غصب عني يا شباب
نزلكن أكبر فضيحه من الصور
.
زينب
بعدا على ذات اللحن منجيرتك
صفر ما رح منرد عا صفيرتك
وخليك لف ودور .ما بتهمني
ع قياس خلخالي مدى دويرتك
..
البحر
لما المرا بتنسمّ..! قولوا في دليل
بيقضي عليها بعد ما الجرم اتضّح
بيظهر غباها بس بلسان الطويل
وزينب حماده خايف لا تنفضح
..
زينب
حاجي ب هالتهديد تعمل بهورة
وتحلل ب جهلك شو بتحس المرا
بطول لساني عن. ذكا مش عن غبا
عم بستفزك تا تبق الجوهرة
..
البحر
أول فضيحه مشنكله...سطل التقيل
وتاني فضيحه عابطه حبل الغسيل
وتالت فضيحه للأسف عم تشلحي
تيابك ..على الشبّاك عيب ومستحيل
.
زينب
بعرف وهالاسلوب منك منتظر
ال متلك عن الموقع ضروري ينحظر
من فنزويلا قشعتني يعني انا
بهنيك عا هالمستوى ببعد النظر
..
البحر
لو كنت منهل كنت برفض مستحيل
تتغنجي بها التوب والشعر الطويل
انتي مرا لازم تكون صامته
بالبيت تبقي للطبيخ وللغسيل
..
زينب
ت يضل درب الشعر طاهر مطرحو
وحتى بدعسة ناقصة ما اجرحو
وكرمال ما نجس بدعساتي الشعور
المفروض من اجري اللي متلك اشلحو
..
البحر
راسك انا لا تشلحيني بتخسري
ولا تطولي لسان السفاهه بمحضري
ان عنك سحبت بساط فلسفة الحيا
يمكن نشوفك عا المنابر بالعري
..
زينب
توب البلاغة اللابسو جسم الوحي
مخيط من عروقي ..ت يدفى مطرحي
عندك حيا؟ ومن اول العركة انا
عريتك وبعدك وقح ما بتستحي
..
البحر
رابع فضيحه عا البحر متجالقه
خامس فضيحه شعر راسك حالقه
قدّام منهل جيت حتى افضحك
حتى يقلّك بالتلاتي طالقه
..
زينب
هالفلسفة العامل انت محسوبها
فشخة اجر ما بتطلع على دروبها
وحدي المرا ال طلعت على منبر زجل
تعري المنابر تا تبان عيوبها
..
البحر
الفشخه اذا بتطول عا درب الغندره
بتفسخ يا زينب حاج لت وثرثره
وكيف بدك تعرّي المنابر من عيوب
وانتي العيب بحد زاتو يا مرا
..
زينب
بأمر المنابر مين يلي مشاورك
ومين اللي واقف يا صفر عا خاطرك

عيبك بتحكي بهورة وما في دليل
وعيبي الوحيد قبلت اني حاورك
..
البحر : قصيد
زينب يا إم الزوز يا عيوني
عليكي قسيت الكل لاموني
بحبك متل حب الأخو للإخت
حب البطن للأكل والموني

بحبك متل حب البحر لليخت
وما يوم فيكي خابت ظنوني
في ناس قالو في فراش وتخت
عن ها الفضيحه الكل سألوني

قلتلهن معها ما عندي بخت
زينب قصيدة شعر موزوني
بالراس في ممرق هوا أو فخت
بيأثر عليها بهوى جنوني

من هيك عا حيط الوقاحه فشخت
تا تعرفو بتموت من دوني
واليوم رح اعقل بعد ما شخت
ولا تسألوني عا الصور هيي
أكبر فضيحة شعر وخطيي
تبقا المرا من دون حريّه

لا تواخذوني ..اليوم عا جنوني
..
زينب قصيد
يا طراد ال بحبرك عسل سمّك
ما بيوم من تمي الشعر سمّك
يا ما خبطت فيك وكنت مسرور
من كتر ما جلدك دهن سمّك

عرفتك اخو الشعر الحلو المغرور
عطر الوحي بيهر من كمّك
عرفتك اخو الفكر اللي ساطع نور
شاحن بلاغۃ من رضا إمّك

وعا قد ما بتلوفك وبتدور
وعا قد ما بيهوی الكذب تمك
ما بنزعج من حرتقۃ ع سطور
ولا يوم زعّلني تقل دمّك

بعرف بإنو ال باعتك مقهور
حسّو قوي وبيعرف يشمّك
من هيك كلما بقشعك مجبور
وزادت الغيرۃ همّ عا همّك
بنطر تجي تزقزق متل عصفور
بتصيّدك تا اجبرو بعدين
يركض علی الموقع يجي يلمّك