شاعر الضو اياد احوش وبحر الزجل

Eiad Kahwash
23 horas
سليمان كومه من الفشل رح كوّمك .. وليره بسوق المرجله رح عوّمك

طعجتك بعركه سابقه واليوم جيت .. دقّك بقدّوم الزجل تاقوّمك

ألشاعر سليمان طراد
يا حكيّم الضو لاموك الملوك
ليش بتكبّر بروس بيكرهوك
من شمس فكرك من بعد ما تنوّروا
صاروا بشعر الضو عم بيعيروك

Eiad Kahwash
سجره أنا
تحتي الفصول تمدمدو
ومواسمي
كل يوم عم يتجدّدو
غصوني
أيادي عم تلقوط بالحجار ..
الفيها رح بسنّد خوابي للي اعتدو .. . ألشاعر سليمان طراد

ألشاعر سليمان طراد
تعلّمت منك بعد ما عضمي قسي
بهالمدرسه ما في بشر متجانسه
اللقوطتهن بالممسحه وبالمكنسه
ب مدرستنا مبلشين مشاكسي
السنّدتهن بالعمر حتى خمّروا
صارو حجار بتنرشق عا المدرسه

Eiad Kahwash
..
عاسطح الله
قصايدي صارت عريش
وإسمي
سهم من نار .. مابيرحم هبيش
خيالي
إذا بيمرق ع خصم بموّتو
وبس يمرق عْلى ميت .. بيرجع يعيش

ألشاعر سليمان طراد
عا طهر قلبك صادق وبحري شهود
بتعرف تعيش المغفره ومنّك حقود
لكن نصيحه الصبر في عندو حدود
ودين التسامح بالشعر ما لو وجود
ليش دخلك تا يوضاس تعيّشو
ما زال عارف للخيانه رح يعود

Eiad Kahwash
عاقدّ مايحركش بمملكتي
الحضيض
حالف مابرفع
عاحدا قشاطي العريض
لاتدعس " البو منشح "
بتطلع عليك
ريحة ضرس منخور بالعقل المريض

ألشاعر سليمان طراد
مني اعزرني لو حرف جارح صدر
لا تزعل من البحر صافي ولو هدر
لما المرا بتفقد حياها يا حكيم
ما بتنجلد الا بكرباج القدر

» اياد احوش وبحر الزجل
» اياد احوش وبحر للزجل 2022
» بحر الزجل وشاعر الضو الدكتور اياد قحوش
» شاعر الضو
» شادي موسى وبحر الزجل سهل وبحر